క్లైమాక్స్ మ్యాచ్‌కు బిగ్ ట్విస్ట్.. చిన్నస్వామి పిచ్ రిపోర్ట్ ఇదే.. గెలుపు ఎవరిదో తేలిపోయిందిగా..?
India vs West Indies, Chinnaswamy Pitch Report: భారత్, వెస్టిండీస్ మధ్య 5వ టీ20 నిర్ణయాత్మక మ్యాచ్ చెన్నైలోని చిన్నస్వామి స్టేడియంలో జరగనుంది. బ్యాటర్లకు స్వర్గధామమైన ఈ పిచ్‌పై 250 పరుగులు నమోదైనా ఆశ్చర్యపోనవసరం లేదు. సిరీస్ గెలవాలంటే భారత బౌలర్లు అత్యంత కీలక పాత్ర పోషించాల్సి ఉంటుంది. స్పిన్నర్లకు కూడా అనుకూలించే అవకాశం ఈ పిచ్ సొంతం.
India vs West Indies 5th T20I Pitch Report: భారత్, వెస్టిండీస్ మధ్య సాగుతున్న ఉత్కంఠభరిత 5 టీ20ల సిరీస్ చివరి దశకు చేరింది. చెరో 2 మ్యాచుల్లో విజయం సాధించి, సిరీస్‌ను కైవసం చేసుకునే లక్ష్యంతో ఇరుజట్లు సిద్ధమయ్యాయి. బెంగళూరులోని చిన్నస్వామి క్రికెట్ స్టేడియం వేదికగా 17వ తేదీన జరగనున్న డిసైడర్ మ్యాచ్‌లో సిరీస్ విజేత ఎవరో తేలనుంది. ఈ మ్యాచ్‌ను ఎవరు గెలిస్తే వారిదే టీ20 సిరీస్.
ప్రస్తుతం భారత గడ్డపై వెస్టిండీస్ అద్భుతమైన ప్రదర్శనతో దూసుకుపోతోంది. బ్యాటింగ్, బౌలింగ్ విభాగాల్లోనూ రాణిస్తూ టీమిండియాకు కఠినమైన సవాల్ విసురుతోంది. ఎంత పెద్ద టార్గెట్‌నైనా ఛేదించేందుకు సిద్ధమవుతూ, అలాగే టార్గెట్ నిర్దేశించడంలో కూడా టీమిండియా కంటే డేంజర్‌గా మారింది. ఈ నేపథ్యంలో భారత్-వెస్టిండీస్ మధ్య జరగబోయే ఈ ఐదో టీ20 మ్యాచ్ ఆసక్తికరంగా మారింది. టాస్‌తో సంబంధం లేకుండా ఫలితాలు వస్తున్న నేపథ్యంలో, ఈ చివరి మ్యాచ్‌లో గెలవాలంటే టీమిండియా ప్లేయర్ల ఆల్-రౌండ్ పర్ఫార్మెన్స్ అత్యంత కీలకం. కేవలం పిచ్, వాతావరణంపై ఆధారపడకుండా, ఆటగాళ్లు తమ అత్యుత్తమ ప్రదర్శన కనబరిస్తేనే మ్యాచ్‌తో పాటు సిరీస్ గెలిచే అవకాశాలు ఉంటాయి.
ముఖ్యంగా, బెంగళూరులోని చిన్నస్వామి పిచ్ బ్యాటర్లకు స్వర్గధామంగా ప్రసిద్ధి చెందింది. ఈ నేపథ్యంలో వెస్టిండీస్ మరోసారి బ్యాటింగ్‌లో చెలరేగినా ఆశ్చర్యపోనక్కర్లేదు. దీనికి తగ్గట్టుగా టీమిండియా బౌలర్లు చాకచక్యంగా వ్యవహరించాల్సి ఉంది. కండిషన్స్‌కు తగ్గ బౌలింగ్ వేయడంలో విఫలమైతే, మరో ఓటమిని చవి చూడటమే కాకుండా సిరీస్‌ను కోల్పోయి అవమానపాలు కావాల్సి ఉంటుంది.
ఇప్పటివరకు శ్రేయాస్ అయ్యర్ కెప్టెన్సీలో టీమిండియా చిన్న జట్లపై విజయం సాధించింది. అయితే వెస్టిండీస్ అన్ని ఫార్మాట్లలో తోపు కాకపోయినా టీ20 ఫార్మాట్‌లో మాత్రం బలమైన జట్టు. స్వదేశంలో ఆడుతున్న టీమిండియాకు కూడా ఈ జట్టుపై విజయం సాధించడం అంత తేలిగ్గా లేదు. బ్యాటర్లకు స్వర్గధామమైన చిన్నస్వామి స్టేడియంలో భారత్ రికార్డు మిశ్రమంగా ఉంది. ఇక్కడ టీమిండియా ఇప్పటివరకు 8 అంతర్జాతీయ టీ20 మ్యాచ్‌లు ఆడింది. అందులో 4 మ్యాచుల్లో విజయం సాధించగా, 3 మ్యాచుల్లో ఓటమి పాలైంది. ఒక మ్యాచ్ ఫలితం రాలేదు.
ఈ మైదానం చిన్నది కావడంతో బౌలర్లకు ఇది నిజంగా ఒక అగ్ని పరీక్ష లాంటిది. ప్రస్తుతం వెస్టిండీస్ తరపున షాయ్ హోప్ అద్భుతమైన ఫామ్‌లో ఉన్నాడు. ఈ క్రమంలో చిన్నస్వామిలో అతన్ని త్వరగా ఔట్ చేస్తేనే టీమిండియాకు గెలుపు అవకాశాలు ఉంటాయి. భారత బౌలింగ్ విభాగం మరింత కట్టుదిట్టంగా వ్యవహరించి విండీస్‌ను కట్టడి చేయాల్సి ఉంటుంది. అంతేకాదు, పవర్ ప్లేలో భారత బ్యాటర్లు కూడా చెలరేగిపోవాల్సిందే. ముఖ్యంగా టీమిండియా బౌలర్లు షాయ్ హోప్ వికెట్ తీస్తే సగం విజయం సాధించినట్టే అవుతుంది.
చిన్నస్వామి స్టేడియం క్యూరేటర్ చెప్పిన దాన్ని బట్టి చూస్తే, ఈ పిచ్‌పై 250 పరుగులు చేసినా ఆశ్చర్యపోనక్కర్లేదట. దీంతో ఇక్కడ మ్యాచ్ గెలవాలంటే టీమిండియా బౌలర్ల ప్రదర్శనే కీలకం కానుంది. మరోవైపు, ఈ పిచ్ స్పిన్నర్లకు కూడా అనుకూలిస్తుంది. ఈ నేపథ్యంలో టీమిండియా ముగ్గురు స్పిన్నర్లతో బరిలోకి దిగే అవకాశం ఉంది. సిరీస్ విజయం కోసం భారత్ ఆల్ రౌండ్ ప్రదర్శన చేయాల్సి ఉంటుంది.