మిస్ అవుతున్నారా.? మిస్ కావద్దు.. నేను ఏదో రకంగా మిమ్మల్ని ఎంటర్టైన్ చేస్తూనే ఉంటాను కదా.. నమ్మండి.. మన ప్లానింగ్స్ మనకున్నాయి.. డోంట్ వర్రీ అంటూ తన ఫ్యాన్స్ కి మహేష్ భరోసా ఇస్తున్నట్టే ఉంది.
ముఫాసా: ది లయన్ కింగ్ ట్రైలర్ చూస్తుంటే.. మీకూ అలాగే అనిపించిందా.? ఇంతకీ మీరు ట్రైలర్ చూశారా.? ముఫాసా ట్రైలర్ స్టార్ట్ కాగానే బ్రహ్మానందం చెప్పే డైలాగ్ బిగ్ రిలీఫ్.
మహేష్ వాయిస్ ఎప్పుడెప్పుడు వస్తుందా అని ఎదురూచూస్తున్న వారికి బ్రహ్మానందం వాయిస్ కిక్ ఇస్తుంది. ఆ మజాలో ఉండగానే, ''అప్పుడప్పుడూ ఈ చల్లని గాలి.. నా ఇంటి నుంచి వచ్చే జ్ఞాపకాలను గుర్తుచేస్తున్నట్టు అనిపిస్తుంది.
అంతలోనే అవి మాయమవుతున్నాయి'' అంటూ మహేష్ వాయిస్ వినిపిస్తుంది. మహేష్ వాయిస్ కోసం ముఫాసా ట్రైలర్ని మళ్లీ మళ్లీ చూస్తున్నారు అభిమానులు.
దానికి తోడు.. 'ఈ క్లాసిక్కి నేను విపరీతమైన అభిమానిని' అంటూ స్వయంగా సూపర్స్టార్ డిక్లేర్ చేయడంతో ముఫాసా మీద మరింత ఇష్టాన్ని పెంచుకుంటున్నారు అభిమానులు.
డిసెంబర్ 20న వరల్డ్ వైడ్ విడుదల కానుంది ఈ మూవీ. సౌత్లో ఈ సినిమాను మహేష్ సెలబ్రేట్ చేస్తుంటే, నార్త్ లో బాద్షా ఫ్యాన్స్ పండగ చేసుకుంటున్నారు. ముఫాసా పెద్దయ్యాక వచ్చే పాత్రకు షారుఖ్ వాయిస్ ఓవర్ ఇచ్చారు.
చిన్నప్పటి కేరక్టర్కు ఆయన చిన్న తనయుడు అబ్రం వాయిస్ ఇచ్చారు. సో.. ముఫాసా తనకు సో స్పెషల్ అని చెబుతున్నారు షారుఖ్. ఈ ఏడాది ఎండింగ్లో అటు షారుఖ్, ఇటు మహేష్ ఫ్యాన్స్ కి సిసలైన సెలబ్రేషన్స్ ముఫాసాతో మొదలు కానున్నాయన్నమాట.