Ritu Varma: ఈ కోమలి అందానికి ఆ చంద్రుడు కూడా ఫిదా.. మెస్మేరైజ్ చేస్తున్న రీతు..
రీతు వర్మ తెలుగు, తమిళ చిత్రాల్లో ఎక్కువగా కథానాయకిగా కనిపించే ఓ భారతీయ నటి. లఘు చిత్రాలు, సహాయ పాత్రలలో కనిపించి పేరుతెచ్చుకున్న ఈ బ్యూటీ తొలిసారి 2016లో హీరోయిన్గా చలనచిత్ర అరంగేట్రం చేసింది. తొలి చిత్రంతోనే ఉత్తమ నటిగా నంది అవార్డును, ఉత్తమ నటిగా ఫిల్మ్‌ఫేర్ క్రిటిక్స్ అవార్డును అందుకుంది. తాజాగా ఈ కోమలి షేర్ చేసిన ఫోటోలు సోషల్ మీడియాలో వైరల్ అవుతున్నాయి.
10 మార్చి 1990న తెలంగాణలోని హైదరాబాద్ లో జన్మించింది అందాల తార రీతూ వర్మ. ఈమె తండ్రి మధ్యప్రదేశ్‌కు చెందినవారు. హైదరాబాద్‌లోని విల్లా మేరీ కాలేజ్ ఫర్ ఉమెన్ లో తన ఇంటర్మీడియట్ విద్యను పూర్తి చేసింది ఈ వయ్యారి భామ.
తర్వాత హైదరాబాద్‌లో మల్లా రెడ్డి ఇంజనీరింగ్ కళాశాల నుంచి బ్యాచిలర్ డిగ్రీ పట్టా పొందింది ఈ ముద్దుగుమ్మ. గ్రాడ్యుయేషన్ పూర్తి చేసిన తర్వాత మిస్ హైదరాబాద్ బ్యూటీ పోటీలో పాల్గొని ఫస్ట్ రన్నరప్‌గా నిలిచింది ఈ బ్యూటీ.
2013లో ఎన్టీఆర్ బాద్‍షా చిత్రంలో కాజల్ చెల్లెలి పాత్రలో తొలిసారిగా వెండితెరపై కనిపించింది ఈ వయ్యారి. తర్వాత ప్రేమ ఇష్క్ కాదల్, నా రాకుమారుడు, నాని ఎవడే సుబ్రహ్మణ్యం వంటి చిత్రాల్లో నటించింది ఈ అందాల భామ.
2016లో విజయ్ దేవరకొండకి జోడిగా పెళ్లి చూపులు చిత్రంలో కథానాయకిగా ఆకట్టుకుంది. ఈ చిత్రానికి రెండు ఉత్తమ నటి అవార్డ్స్ పొందింది. తర్వాత కేశవ, నిన్నిలా నిన్నిలా, టక్ జగదీష్, వరుడు కావలెను, ఓకే ఒక జీవితం వంటి చిత్రాల్లో కథానాయకిగా ఆకట్టుకుంది ఈ వయ్యారి.
వేలైల్లా పట్టధారి 2, కన్నుమ్ కన్నుమ్ కొల్లైయాడి, పుతమ్ పుదు కాళై, కణం,నితమ్ ఒరు వానం, మార్క్ ఆంటోనీ వంటి తమిళ చిత్రాల్లో కూడా కనిపించింది. ప్రస్తుతం తెలుగులో స్వాగ్ సినిమాలో నటిస్తుంది. అలాగే ధృవ నచ్చతిరం: చాప్టర్ 1 – యుద్ధ కాండమ్ అనే తమిళ సినిమా విడుదలకు సిద్ధంగా ఉంది.