చేతిలో పాపతో దర్శనం ఇచ్చిన రాశిఖన్నా.. ఇంతకీ ఆ చిన్నారి ఎవరో తెలుసా?
ఊహలు గుస గుసలాడే అంటూ తెలుగు అభిమానుల మనసు దోచుకున్న ముద్దుగుమ్మ రాశిఖన్నా. ఈ అమ్మడు గురించి ఎంత చెప్పినా తక్కువే. సినిమాలు, వెబ్ సిరీస్లతో ఫుల్ బిజీగా ఉండే ఈ బ్యూటీ తాజాగా తన ఫ్యామిలీతో కలిసి ఎంజాయ్ చేసింది. తన కుటుంబ సభ్యులతో కలిసి ఆనందంగా గడుపుతున్న ఫొటోలను షేర్ చేసింది. ప్రస్తుతం దీనికి సంబంధించిన ఫొటోలు నెట్టింట తెగ వైరల్ అవుతున్నాయి.
అందాల చిన్నది రాశిఖన్నా గురించి ప్రత్యేక పరిచయం అవసరం లేదు.ఊహలు గుసగుసలాడే సినిమాతో తెలుగు చిత్రపరిశ్రమలోకి అడుగు పెట్టింది ఈ బ్యూటీ. ఈ మూవీ మంచి హిట్ అందుకోవడంతో ఈ ముద్దుగుమ్మకు తెలుగులో వరసగా ఆఫర్స్ క్యూ కట్టాయి. దీంతో వచ్చిన ప్రతి ఛాన్స్ మిస్ చేసుకోకుండా వరసగా సినిమాలు చేస్తూ వచ్చింది.
ముఖ్యంగా జోరు సినిమాతో మరింత ఫేమ్ సంపాదించుకుంది. ఈ మూవీలో ఈ అమ్మడు నటించడమే కాకుండా తన గాత్రంతో పాటపాడి అందరినీ మెప్పించింది. ఇక తర్వాత శివం, సుప్రీమ్, బెంగాల్ టైగర్, హైపర్, లవకుశ, వరల్డ్ ఫేమ్స్ లవర్, తొలి ప్రేమ, జిల్, పక్కా కమర్షియల్, జిల్ ఇలా చాలా సినిమాల్లో నటించింది.
ఈ బ్యూటీ చాలా సినిమాల్లో నటించినప్పటికీ స్టార్ స్టేటస్ మాత్రం అందుకోలేకపోయింది. ఇక ప్రస్తుతం ఈ అమ్మడుకు తెలుగులో అవకాశాలు తగ్గడంతో బాలీవుడ్, కోలీవుడ్ చెక్కేసి అక్కడ వరస సినిమాలతో దూసుకెళ్తుంది.
ప్రస్తుతం పలు సినిమాలు, వెబ్ సిరీస్లో చాలా బిజీగా ఉన్న ఈ చిన్నది ఏ మాత్రం సమయం దొరికినా చాలు తన కుటుంబ సభ్యులతో సరదాగా గడపడానికి ఆసక్తి చూపుతుంటుంది. ఈ క్రమంలోనే ఈ బ్యూటీ తన ఫ్యామిలీతో ఎంజాయ్ చేసింది.
దానికి సంబంధించిన ఫొటోలు సోషల్ మీడియాలో షేర్ చేయడంతో అవి నెట్టింట తెగ వైరల్ అవుతున్నాయి. తన చేతిలో క్యూట్ పాపతో ఈ బ్యూటీ దర్శనం ఇచ్చింది. అయితే ఆ చిన్న పాప ఎవరో కాదు తన అన్నకూతురు. తన అన్న కూతురితో ఆడుకుంటూ.. డాడీ, అన్నయ్య, వదినా , అల్లుడితో సరదాగా గడిపిన ఫొటోలు అభిమానులతో పంచుకోవడంతో అవి నెట్టింట వైరల్ అవుతున్నాయి.