అభిమానులకు మరో సర్‌ప్రైజ్ ఇవ్వనున్న పుష్ప2..ఏమిటంటే?
ఇండియన్ స్క్రీన్ మీద బిగ్గెస్ట్ హిట్‌గా నిలిచిన పుష్ప 2 అభిమానులకు మరో సర్‌ప్రైజ్ ఇవ్వనుంది. చాలా రోజులుగా సోషల్ మీడియాలో వైరల్ అవుతున్న ఓ న్యూస్‌కు సంబంధించి బిగ్ ఎనౌన్స్‌మెంట్ ఇచ్చారు పుష్పరాజ్‌. లేటెస్ట్ అప్‌డేట్‌తో మరోసారి థియేటర్ల దగ్గర మాస్‌ జాతరకు రెడీ అయిపోతున్నారు ఐకాన్‌ స్టార్‌ అభిమానులు.
సంక్రాంతి సినిమాల జోరుతో పుష్ప 2 వసూళ్లు కాస్త స్లో అయ్యాయి. దీంతో కొత్త స్ట్రాటజీతో ముందుకు వస్తున్నారు ఐకాన్‌ స్టార్‌. ఆల్రెడీ 20 నిమిషాల కొత్త సీన్స్ యాడ్ చేస్తున్నట్టుగా ప్రటించిన మేకర్స్‌ ఆ కంటెంట్ విషయంలోనూ పక్కా ప్లాన్‌ సిద్ధం చేశారు.
జనవరి 17న రీ లోడెడ్‌ వర్షన్‌ను ప్రేక్షకుల ముందుకు తీసుకురాబోతున్నారు మేకర్స్‌. 20 నిమిషాల కొత్త పుటేజ్‌ను యాడ్ చేయబోతున్నట్టుగా అధికారికంగా వెల్లడించారు. అయితే ఏ సీన్స్ యాడ్ చేస్తున్నారు..? అన్న విషయంలో ఇంట్రస్టింగ్ న్యూస్ వైరల్ అవుతోంది.
సినిమా ఓపెనింగ్‌లో సడన్‌గా కట్‌ అయినట్టుగా అనిపించిన ఫారిన్ యాక్షన్‌ ఎపిసోడ్‌కు కంటిన్యూటి సీన్‌ను యాడ్ చేస్తారన్న టాక్ బలంగా వినిపిస్తోంది.
అలాగే ఫాహద్‌, బన్నీ మధ్య జరిగే సన్నివేశాలు కూడా కొన్ని కొత్తగా యాడ్ అవుతాయన్నది ఫిలిం సర్కిల్స్‌లో వినిపిస్తున్న మాట. కొత్త సీన్స్ యాడ్ చేయటంతో పాటు టికెట్‌ రేట్స్‌ను భారీగా తగ్గించే ఆలోచనలో ఉంది యూనిట్‌.
ఆల్రెడీ 1831 కోట్లతో ఇండియాస్ బిగ్గెస్ట్ హిట్‌గా నిలిచిన పుష్ప 2కి, కొత్త సీన్స్ యాడ్ అయితే ఈ నెంబర్ మరింతగా పెరిగే ఛాన్స్‌ ఉందంటున్నారు క్రిటిక్స్‌. ముఖ్యంగా నార్త్ ఇండస్ట్రీలో ఈ అప్‌డేట్‌ మరోసారి పుష్పరాజ్‌ వైబ్‌ను పీక్స్‌కు తీసుకెళ్లింది. దీంతో మరోసారి పుష్పరాజ్‌ జోరు కనిపించటం పక్కా అంటున్నారు ఫ్యాన్స్‌.