Pooja Hegde: సందడి లేకుండా పని పూర్తి చేసిన పూజా హెగ్డే
చేసే పనులన్నీ సైలెంట్‌గా చేస్తున్నపుడు ఇంక ప్రమోషన్స్ ఎందుకు చెప్పండి..? పూజా హెగ్డే చేస్తున్నదిదే. కొన్నేళ్లుగా ఈమె కెరీర్ మునపట్లా అయితే లేదు.. అందులో ఎలాంటి అనుమానాలక్కర్లేదు కూడా. అలాగని ఖాళీగా ఉన్నారా అంటే అదీ లేదు. చడీ చప్పుడూ లేకుండా ఓ పాన్ ఇండియన్ సినిమా పూర్తి చేసారు. ఆ సినిమా ఏంటి..? అసలు పూజా కెరీర్ ఎలా ఉందిప్పుడు..?
చేసే పనులన్నీ సైలెంట్‌గా చేస్తున్నపుడు ఇంక ప్రమోషన్స్ ఎందుకు చెప్పండి..? పూజా హెగ్డే చేస్తున్నదిదే. కొన్నేళ్లుగా ఈమె కెరీర్ మునపట్లా అయితే లేదు.. అందులో ఎలాంటి అనుమానాలక్కర్లేదు కూడా. అలాగని ఖాళీగా ఉన్నారా అంటే అదీ లేదు. చడీ చప్పుడూ లేకుండా ఓ పాన్ ఇండియన్ సినిమా పూర్తి చేసారు. ఆ సినిమా ఏంటి..? అసలు పూజా కెరీర్ ఎలా ఉందిప్పుడు..?
మూడేళ్ళ కింది వరకు పూజా హెగ్డే కెరీర్ ఫుల్ స్పీడ్ మీదుండేది. కానీ 2022 తర్వాత ఈమె కెరీర్ తిరగబడిపోయింది. ఆ ఏడాది రాధే శ్యామ్, ఆచార్య, బీస్ట్, సర్కస్ అంటూ వరస ఫ్లాపులిచ్చారు పూజా. 2023లో కిసీకా భాయ్ కిసీకా జాన్‌లో మాత్రమే నటించారు.
2024లోనూ పూజా చేతిలో ఒకట్రెండు సినిమాలు మాత్రమే ఉన్నాయి. పూజా హెగ్డే ప్రస్తుతం సూర్య 44లో నటిస్తున్నారు. కార్తిక్ సుబ్బరాజ్ తెరకెక్కిస్తున్న ఈ చిత్ర షూటింగ్ వేగంగా జరుగుతుంది. ఆసక్తికరమైన విషయమేంటంటే.. ఇందులో పూజా హెగ్డే పోర్షన్ పూర్తైంది.
సూర్య 44 షూట్ మొదలైన విషయమే చాలా మందికి తెలియదు.. అలాంటిదిప్పుడు ఏకంగా పూజా పోర్షన్ పూర్తైందని చెప్పడం షాకే. ఈ విషయాన్ని స్వయంగా ఈమె చెప్పింది. చడీ చప్పుడు లేకుండా ఇంత పెద్ద సినిమాలో తన పోర్షన్ పూర్తి చేసారు పూజా హెగ్డే.
హిందీలో షాహిద్ కపూర్‌తో దేవాలో నటిస్తున్నారు. ప్రస్తుతం ఈమె కెరీర్ ఈ రెండు సినిమాలపైనే ఆధారపడి ఉంది. ఇవి హిట్టైతేనే పూజాకి మరిన్ని ఆఫర్స్ వస్తాయి. తెలుగులో నాగ చైతన్య, కార్తిక్ దండు సినిమాలో పూజా హీరోయిన్‌గా నటించే అవకాశాలున్నాయి.