Movie Updates: షూట్స్తో బిజీ బిజీగా టాలీవుడ్.. ఏ హీరో.. ఎక్కడంటే.?
పవన్ కళ్యాణ్ ఇటు సినిమాలతో పాటు అటు రాజకీయాలను కూడా హ్యాండిల్ చేస్తున్నారు.. మహేష్ బాబుకు మరో మూడు నాలుగు నెలలు వెయిటింగ్ తప్పేలా లేదు. రామ్ చరణ్, బాలయ్య షూట్తో పాటు ప్రమోషన్ కూడా చూసుకుంటున్నారు. అయినా ఇలా ఒక్కొక్కరి గురించి కాకుండా.. అందరి షూటింగ్ డీటైల్స్ ఓసారి చూద్దామా..?
ప్రభాస్ ఎప్పట్లాగే రెండు సినిమాలు బ్యాలెన్స్ చేస్తున్నారు. మారుతి దర్శకత్వంలో రాజా సాబ్ షూట్ అజీజ్ నగర్లో జరుగుతుంటే.. హను రాఘవపూడి చేస్తున్న పీరియాడిక్ డ్రామా సినిమా షూట్ RFCలో జరుగుతుంది.
ఇక బాలయ్య, బోయపాటి కాంబినేషన్లో వస్తున్న అఖండ 2 షూటింగ్ సైతం RFCలోనే జరుగుతుంది. కీలకమైన సన్నివేశాలు చిత్రీకరిస్తున్నారు బోయపాటి. అఖండ సినిమాకి కొనసాగింపుగా వస్తున్న చిత్రమిది.
రవితేజ, భాను భోగవరపు మాస్ జాతర షెడ్యూల్ శంకరపల్లిలోని జన్వాడలో మూడు వారాలుగా జరుగుతుంది. నితిన్, వేణు శ్రీరామ్ కాంబోలో దిల్ రాజు నిర్మిస్తున్న తమ్ముడు షూటింగ్ సారధి స్టూడియోస్లో.. సిద్ధూ జొన్నలగడ్డ, నీరజ కోన తెలుసు కదా షూట్ శంషాబాద్లో జరుగుతుంది.
నిఖిల్, భరత్ కృష్ణమాచారి కాంబినేషన్లో వస్తున్న పాన్ ఇండియన్ సినిమా స్వయంభు అన్నపూర్ణ స్టూడియోలో జరుగుతుంది. ఇక తేజ సజ్జా మిరాయ్ షూట్ RFCలోనే మూడు వారాలుగా జరుగుతుంది.
పవన్ లేకుండానే బ్యాంకాక్లో ఓజి షూటింగ్ నడుస్తుంది. ఈ సినిమా షూట్ దాదాపు కంప్లీట్ అయింది. ఈ సినిమా ఈ ఏడాదిలోనే వచ్చే అవకాశాలు ఉన్నాయి. అయితే హరిహర వీరమల్లు చిత్రీకరణలో బిజీగా ఉన్నారు పవన్.