కొడుకుని సినిమాల్లో లాంచ్ చేయడమంటే మాటలా మరి... అందులోనూ లెజండరీ లెగసీ ఉన్న ఫ్యామిలీ హీరోని ప్రేక్షకులకు పరిచయం చేసే బాధ్యత మామూలుగా ఉంటుందా? జస్ట్ అలా ఇంట్రడ్యూస్ చేస్తే కిక్ ఏం ఉంటుంది? దగ్గరుండి ప్రేక్షకులకు పరిచయం చేయాలి... అంతటి బరువైన బాధ్యత కాబట్టే దగ్గరుండి నడిపించడానికి సిద్ధమయ్యారు నందమూరి బాలకృష్ణ.
తాతమ్మ కల సినిమా గుర్తుందా? అందులో భానుమతికి నందమూరి తారక రామారావు... బాలయ్యను పరిచయం చేసే సీన్ చూశారు కదా.... ఇప్పటికీ ఆ సీన్ని చూసినా గూస్బంప్స్ వస్తుంటాయని అంటారు నందమూరి అభిమానులు.
తాతమ్మకల సినిమాలో నందమూరి రామారావు నెరవేర్చిన బాధ్యతను ఇప్పడు మోక్షజ్ఞ విషయంలో నిర్వర్తించడానికి సిద్ధమవుతున్నారు బాలయ్య. ప్రస్తుతం బాబీ డైరక్షన్లో మూవీ చేస్తున్నారు నందమూరి బాలకృష్. ఈ సినిమా తర్వాత ఆయన అఖండ సీక్వెల్ని సిద్ధం చేస్తారని అనుకున్నారు.
అయితే అంతకన్నా ముందే మరో బరువైన బాధ్యతను భుజాలకెత్తుకోనున్నారు బాలయ్య. ఎన్బీకే 109 సెట్స్ మీద ఉండగానే ప్రశాంత్ వర్మ సినిమా లొకేషన్లో అడుగుపెట్టనున్నారు నటసింహం. ప్రశాంత్ వర్మ దర్శకత్వంలో మోక్షజ్ఞ నటించనున్నారన్నది ఇప్పటిదాకా వినిపిస్తున్న మాట.
అయితే ఈ సినిమాలో నందమూరి బాలకృష్ణ, నందమూరి మోక్షజ్ఞ కలిసి నటించబోతున్నారు. మోక్షజ్ఞ పుట్టినరోజైన సెప్టెంబర్ 6న ఈ సినిమాకు ముహూర్తం ఖారారైంది. సో 2025లో బాక్సాఫీస్ దగ్గర ఇచ్చిపడేస్తాం అంటూ ధూమ్ధామ్ చేయడానికి సిద్ధమవుతున్నారు నందమూరి సైన్యం.