Kamal Haasan: చేతులు కాలక ఆకులు పట్టుకున్నట్టుగా ఉంది భారతీయుడు 2 మేకర్స్ పరిస్థితి
చేతులు కాలక ఆకులు పట్టుకున్నట్టుగా ఉంది భారతీయుడు 2 మేకర్స్ పరిస్థితి. భారీ అంచనాల మధ్య ప్రేక్షకుల ముందుకు వచ్చిన ఈ సినిమాకు ఆడియన్స్‌ నుంచి నెగెటివ్ రివ్యూస్ వచ్చాయి. దీంతో త్రీక్వెల్ విషయంలో జాగ్రత్తగా అడుగులు వేస్తున్నారు. ఆల్రెడీ పూర్తయిన సినిమాకు రిపేర్లు చేసేందుకు రెడీ అవుతున్నారు. భారతీయుడు 2 ఆడియన్స్‌తో పాటు ఇండస్ట్రీ జనాలకు కూడా షాక్ ఇచ్చింది.
చేతులు కాలక ఆకులు పట్టుకున్నట్టుగా ఉంది భారతీయుడు 2 మేకర్స్ పరిస్థితి. భారీ అంచనాల మధ్య ప్రేక్షకుల ముందుకు వచ్చిన ఈ సినిమాకు ఆడియన్స్‌ నుంచి నెగెటివ్ రివ్యూస్ వచ్చాయి.
దీంతో త్రీక్వెల్ విషయంలో జాగ్రత్తగా అడుగులు వేస్తున్నారు. ఆల్రెడీ పూర్తయిన సినిమాకు రిపేర్లు చేసేందుకు రెడీ అవుతున్నారు. భారతీయుడు 2 ఆడియన్స్‌తో పాటు ఇండస్ట్రీ జనాలకు కూడా షాక్ ఇచ్చింది.
కమల్‌ హాసన్‌, శంకర్ లాంటి లెజెండ్స్ నుంచి ఇంత పూర్ అవుట్‌పుట్‌ను అస్సలు ఎక్స్‌పెక్ట్ చేయలేదు ఆడియన్స్‌. అందుకే ఆ సినిమాను నిర్ధాక్షిణ్యంగా రిజెక్ట్ చేశారు.
భారీ అంచనాల మధ్య వచ్చిన మూవీ మినిమమ్ వసూళ్లు కూడా సాధించకపోవటంతో త్రీక్వెల్‌కు రిపేర్లు మొదలు పెట్టారు.
భారతీయుడు మూవీకి సీక్వెల్‌ తెరకెక్కించాలని భావించిన మేకర్స్, షూటింగ్ పూర్తయిన తరువాత రష్ ఎక్కువగా రావటంతో పార్ట్ 3ని ప్లాన్ చేశారు. ఒక్క సినిమా కోసం రెడీ చేసిన కథను రెండు సినిమాలుగా రిలీజ్ చేసేందుకు నిర్ణయించారు.
ఈ ఆలోచన వల్లే భారతీయుడు 2 ఫెయిల్ అయ్యిందన్న విమర్శలు వినిపించాయి. అసలు కథను పార్టీ 3 కోసం దాటి పెట్టి పార్ట్ 2ను సో సోగా నడిపించేశారు. పార్ట్ 2 డిజాస్టర్‌ కావటంతో పాటు పార్ట్ 3 మీద కూడా అనుమానాలు మొదలయ్యాయి.
అందుకే ఈ డ్యామేజ్‌ను కవర్ చేసేందుకు కమల్‌, శంకర్ కొత్త స్కెచ్‌ సిద్ధం చేస్తున్నారు. భారతీయుడు 2 విషయంలో ఆడియన్స్‌ నుంచి వచ్చిన ఫీడ్ బ్యాక్‌ను దృష్టిలో పెట్టుకొని త్రీక్వెల్‌లో కొన్ని సీన్స్‌ రీషూట్ చేసేందుకు రెడీ అవుతోంది టీమ్‌.
ఏకంగా 100 కోట్ల బడ్జెట్‌తో రీషూట్స్ చేసేందుకు ప్లాన్ చేస్తున్నారట. మరి శంకర్ తీసుకున్న ఈ నిర్ణయానికి నిర్మాతలు ఎలా రియాక్ట్ అవుతారో చూడాలి.