కల్కి సినిమాలో ఇంట్రడక్షన్ సీన్స్ గురించి మాట్లాడారు అమితాబ్ బచ్చన్. ప్రేక్షకుల కోసమే కొన్ని సన్నివేశాలను తెరకెక్కించారని తెలిపారు. కోట్ల మంది అభిమానులు ప్రభాస్ని దేవుడిలాగా చూస్తారని, అలాంటివారి కోసం ఈ రేంజ్ ఇంట్రడక్షన్ అవసరమని చెప్పారు బిగ్ బీ. ఫ్యాన్స్ కోసమే కొన్ని డైలాగులు పెట్టినట్టు నాగ్ అశ్విన్ తెలిపారు.
టిసిఏ నిర్వహిస్తున్న సెలబ్రిటీ క్రికెట్ కార్నివాల్ సీజన్ 1 ఫిబ్రవరిలో నిర్వహించారు. అది పెద్ద సక్సెస్ అవడంతో ఇప్పుడు సీజన్ 2ని నవంబర్లో నిర్వహించనున్నారు. ద రాయల్ చిల్డ్రన్స్ హాస్పిటల్ మెల్బోర్న్కి ఛారిటీ కోసం తెలుగు సినీ ప్రముఖులు ఈ క్రికెట్ మ్యాచ్ ఆడనున్నారు. కార్నివాల్ సీజన్ 2కి సంబంధించిన సాఫ్ట్ పోస్టర్ లాంచ్ కార్యక్రమం జరిగింది. ఈ కార్యక్రమంలో హీరోలు శ్రీకాంత్, తరుణ్, అశ్విన్ బాబు తదితరులు హాజరయ్యారు.
వినోద్ కిషన్, అనూష కృష్ణ జంటగా నటించిన మిడిల్ క్లాస్ ఫ్యామిలీ ఎంటర్టైనర్ పేకమేడలు. ఈ సినిమాకు నీలగిరి మామిళ్ల దర్శకత్వం వహించారు. జులై 19న విడుదలైన ఈ చిత్రానికి మంచి రెస్పాన్స్ వస్తుందంటూ చిత్ర దర్శక నిర్మాతలు సక్సెస్ మీట్ ఏర్పాటు చేసారు. ఇలాంటి చిన్న సినిమాకు వస్తున్న ఆదరణ.. మరిన్ని సినమాలకు స్పూర్తినిస్తుందని తెలిపారు మేకర్స్.
అక్కినేని నాగార్జున హోస్టుగా వస్తున్న బిగ్ బాస్ షోకు ఉన్న గుర్తింపు గురించి ప్రత్యేకంగా చెప్పనక్కర్లేదు. తాజాగా 8వ సీజన్కు సంబంధించిన ప్రోమోను విడుదల చేసారు నిర్వాహకులు. అతి త్వరలోనే సీజన్ 8 మొదలు కానున్నట్లు తెలిపారు. దీనికి సంబంధించిన ఏర్పాట్లు జోరుగా జరుగుతున్నాయి.
కంగువ సినిమాతో అక్టోబర్ 10న ప్రేక్షకులను పలకరించడానికి రెడీ అవుతున్నారు హీరో సూర్య. ఆ వెంటనే కార్తిక్ సుబ్బరాజ్ దర్శకత్వంలో సినిమా చేస్తారు. ఆ తర్వాత ఆయన కేవీయన్ ప్రొడక్షన్స్ సంస్థలో నర్తన్ డైరక్షన్లో మూవీ చేయడానికి సన్నాహాలు జరుగుతున్నాయి.