ఇప్పుడు కాస్త తగ్గింది కానీ, మొన్న మొన్నటిదాకా సౌత్లో ఏ టాప్ హీరో సినిమా మొదలవుతుందనుకున్నా, వెంటనే హీరోయిన్ల పేర్లలో కియారీ అద్వానీ పేరు బ్లింక్ అయ్యేది.
మేకర్స్ అఫిషియల్గా అనౌన్స్ చేసే వరకు వైరల్ అవుతూనే ఉండేది ఆమె పేరు.. ఇప్పుడు లేటెస్ట్ గా కియారా గురించి ఏం వార్తలు నడుస్తున్నాయ్ అంటారా.? కియారా అద్వానీ ఇప్పుడు ఏం చేస్తున్నారు అనగానే..
జరగండి జరగండి అంటూ రామ్చరణ్తో ఆమె ఆడిపాడిన గేమ్ చేంజర్ పాట మాత్రమే గుర్తుకొస్తుంది. అంతకు మించి ఏముంది? అంటే.. వెయిట్ చేయండి.. త్వరలోనే నెక్స్ట్ సింగిల్ రిలీజ్కి రెడీ అవుతోంది అని హింట్స్ అందుతున్నాయి.
చెర్రీతో చేస్తున్న గేమ్ చేంజర్తో మాత్రమే కాదు, తారక్తో చేస్తున్న వార్2తోనూ ట్రెండింగ్లోకి వచ్చేశారు కియారా అద్వానీ. హృతిక్, తారక్ నటిస్తున్న వార్2లో కమాండో ఫైటర్గా నటిస్తున్నారు కియారా.
ఈ మూవీ కోసం స్పెషల్గా మార్షల్ ఆర్ట్స్ కూడా నేర్చుకున్నారు ఈ బ్యూటీ. వార్2లో కమాండో ఫైట్తో కియారా ఎంట్రీ సీక్వెన్స్ ప్లాన్ చేశారట మేకర్స్. ఈ సీక్వెన్స్ ఆమె కెరీర్లో అసలైన యాక్షన్ షురూ చేస్తుందని అంటున్నారు యూనిట్ మెంబర్స్.
దాదాపు నాలుగు రోజుల పాటు ముంబైలో ఈ సీక్వెన్స్ తెరకెక్కించారు. ఆల్రెడీ యాక్షన్ జోనర్లో ప్రూవ్ చేసుకున్నారు దీపిక, నయన్, ఆలియా అండ్ అదర్స్.
ఇప్పుడు ఈ జోనర్లో కూడా కియారా తనను తాను ప్రూవ్ చేసుకుంటే, ప్యాన్ ఇండియా లెవల్లో ఆల్ రౌండర్స్ అని పేరు తెచ్చుకున్న నాయికల్లో కియారా నేమ్ మరింత స్ట్రాంగ్గా ఉంటుందన్నమాట.