Eesha Rebba: ఈ కోమలిని తాకి అందం పులకించదా ఎంత అదృష్టమని.. ఈషా అదరహో..
తెలుగు సినిమాల్లో ఎక్కువగా నటించే వయ్యారి భామ ఈషా రెబ్బ. రెండు తెలుగు రాష్ట్రాల్లో ఈ కోమలి అంటే తెలియని వారుండరు. వరంగల్లో పుట్టిన ఈ పోరి 2012లో సినీరంగ ప్రవేశం చేసింది. హీరోయిన్గా, సహాయనటిగా తనదైన నటనతో ఆకట్టుకుంటుంది. ఈ బ్యూటీ సినిమాలు మాత్రమే కాదు వెబ్ సిరీస్ కూడా చేసింది. తాజాగా ఈమె సోషల్ మీడియాలో షేర్ చేసిన కొన్ని ఫోటోలు ఆకట్టుకుంటున్నాయి.
19 ఏప్రిల్ 1990 తెలంగాణలోని చారిత్రాత్మక నగరం వరంగల్లో ఓ తెలుగు హిందూ కుటుంబంలో జన్మించింది అందాల భామ ఈషా రెబ్బ. ఈమె పుట్టింది ఓరుగల్లు అయినప్పటికీ పెరిగింది మాత్రం హైదరాబాద్ నగరంలోనే.
ఈ వయ్యారి హైదరాబాద్ లోని వరంగల్ హయ్యర్ సెకండరీ స్కూల్ లో పాఠశాల విద్యను అభ్యసించింది. ఓ ప్రముఖ కళాశాల నుంచి మాస్టర్స్ అఫ్ బిజినెస్ అడ్మినిస్ట్రేషన్ (MBA)లో డిగ్రీ పట్టా పొందింది ఈ ముద్దుగుమ్మ.
2012లో లైఫ్ ఈజ్ బ్యూటిఫుల్ సినిమాతో తెరంగేట్రం చేసింది. హీరోయిన్ గా కెరీర్ మొదలైంది మాత్రం అంతక ముందు ఆ తర్వాత సినిమాతో.. తర్వాత రొమాంటిక్-కామెడీ చిత్రం అమీ తుమీలో కథానాయకిగా మెప్పించింది. ఇందులో ఆమె నటనకు మూడు అవార్డులు కూడా లభించాయి.
మాయా మాల్, దర్శకుడు, ఆ, బ్రాండ్ బాబు వంటి చిత్రాల్లో నటించింది ఈ వయ్యారి. ఆ తర్వాత సెకండ్ హీరోయిన్ గా హీరోయిన్ గా సినిమాలు చేసింది. తర్వాత జూనియర్ ఎన్టీఆర్ హీరోగా వచ్చిన అరవింద సామెత వీర రాఘవ నుంచి సెకండ్ హీరోయిన్ గా మారింది ఈ వయ్యారి.
2023 లో మామా మశ్చీంద్రలో మరోసారి కథానాయకిగా కనిపించింది. 3 రోజెస్, పిట్టా కథలు, మాయ బజార్ ఫర్ సేల్, దయ వంటి వెబ్ సిరీస్ ల్లో కూడా నటించింది. ప్రస్తుతం ఈ ముద్దుగుమ్మ తర్వాత సినిమా గురించి ఎలాంటి ప్రకటన లేదు.