ఆ హీరోయిన్ చాలా స్పెషల్.. విజయ్ సేతుపతి ఇన్స్టాలో ఫాలో అవుతున్న ఏకైక తెలుగు భామ ఈమే..
మక్కల్ సెల్వన్ విజయ్ సేతుపతి వరుస సినిమాలతో దూసుకుపోతున్నారు. హీరోగా తమిళ్ ఇండస్ట్రీలో ఎన్నో సూపర్ హిట్ సినిమాల్లో నటించి మెప్పించారు విజయ్ సేతుపతి. హీరోగానే కాదు విలన్ గానూ నటించి మెప్పిస్తున్నాడు విజయ్ సేతుపతి. తమిళ, తెలుగు, మలయాళం, హిందీ చిత్రాల్లో నటించాడు.
మక్కల్ సెల్వన్ విజయ్ సేతుపతి వరుస సినిమాలతో దూసుకుపోతున్నారు. హీరోగా తమిళ్ ఇండస్ట్రీలో ఎన్నో సూపర్ హిట్ సినిమాల్లో నటించి మెప్పించారు విజయ్ సేతుపతి. హీరోగానే కాదు విలన్ గానూ నటించి మెప్పిస్తున్నాడు విజయ్ సేతుపతి. తమిళ, తెలుగు, మలయాళం, హిందీ చిత్రాల్లో నటించాడు. విజయ్ సేతుపతి తమిళంలో వచ్చిన ‘తెన్మెర్కు పరువాకత్రు’ అనే సినిమా ద్వారా హీరోగా పరిచయమయ్యాడు.
అంతకుముందు కొన్ని సినిమాల్లో చిన్న చిన్న పాత్రల్లో నటించాడు. అలాగే విజయ్ సేతుపతి హీరోగా నటించిన పిజ్జా సినిమా మంచి విజయాన్ని అందుకుంది. ఈ సినిమాతో మంచి గుర్తింపు తెచ్చుకున్నాడు విజయ్. తెలుగులోనూ ఈ సినిమా విడుదలై ఆకట్టుకుంది. ఆయన తమిళంలో నిర్మాతగా, స్క్రీన్ ప్లే రచయితగా, పాటల రచయితగా, గాయకుడిగా కూడా కొన్ని సినిమాలకు పనిచేశాడు.
తెలుగులో ఉప్పెన సినిమాలో విలన్ గా నటించాడు. అంతకన్నా ముందు తెలుగులో 2019లో వచ్చిన సైరా నరసింహారెడ్డి సినిమా ద్వారా టాలీవుడ్ లోకి ఎంట్రీ ఇచ్చాడు. 2021లో ఉప్పెన సినిమాలోని రాయణం పాత్రలో నటించి తెలుగు ప్రేక్షకులకి దగ్గరయ్యాడు. ఇక హిందీలోనూ నటించి మెప్పించారు. అక్కడ షారుఖ్ ఖాన్ జవాన్ సినిమాలో విలన్ గా చేశాడు. అలాగే మేరీ క్రిస్మస్ సినిమాలోనూ నటించాడు.
ఇదిలా ఉంటే విజయ్ సేతుపతి సోషల్ మీడియాలో పెద్ద యాక్టివ్ గా ఉండరు. తన సినిమా అప్డేట్స్ అడపాదడపా ఇస్తూ ఉంటాడు. ఇక ఇన్ స్టా గ్రామ్ లో ఒకే ఒక్క హీరోయిన్ ను ఫాలో అవుతున్నారు. ఆ హీరోయిన్ ఎవరో తెలుసా.? ఆమె తెలుగు ముద్దుగుమ్మ అంజలి. ఈ బ్యూటీ తమిళ్ లో తెలుగులో వరుసగా సినిమాలు చేస్తూ ప్రేక్షకులను ఆకట్టుకుంటుంది.
ఇక విజయ్ అంజలి కలిసి ఐరావి, సింధుబాద్ సినిమాల్లో నటించారు. ప్రస్తుతం అంజలి తమిళ్ తో పాటు తెలుగులో గ్లోబల్ స్టార్ రామ్ చరణ్ హీరోగా నటిస్తున్న గేమ్ ఛేంజర్ సినిమాలో కీలక పాత్రలో నటించింది. సినిమాలతో పాటు వెబ్ సిరీస్ ల్లోనూ నటించి ఆకట్టుకుంటుంది ఈ అమ్మడు. ప్రస్తుతం తెలుగు, తమిళ్ సినిమాలతో అంజలి ఫుల్ బిజీగా గడుపుతుంది.