Allu Arjun : అల్లు అర్జున్ డ్రాయింగ్ సూపర్ వేస్తాడు.. అతడికి నేనే డ్రాయింగ్ టీచర్ను.. టాలీవుడ్ డైరెక్టర్ కామెంట్స్..
స్టైలీష్ స్టార్ అల్లు అర్జున్ గురించి ప్రత్యేకంగా చెప్పక్కర్లేదు. గంగోత్రి సినిమాతో హీరోగా మొదలైన సినీ ప్రయాణం ఇప్పుడు పుష్ప మూవీతో పాన్ ఇండియా స్టార్ గా మారారు. ప్రస్తుతం డైరెక్టర్ అట్లీ దర్శకత్వంలో బన్నీ చేస్తున్న సినిమా కోసం ఫ్యాన్స్ ఎంతో ఆసక్తిగా వెయిట్ చేస్తున్నారు. ఇటీవల ఈ మూవీ నుంచి విడుదలైన ఫస్ట్ లుక్ పోస్టర్ మూవీ పై అంచనాలు క్రియేట్ చేసింది.
మారుతి యానిమేషన్ నుంచి సినీ పరిశ్రమలోకి వచ్చిన తీరు, ఆయన జీవిత ప్రయాణం పలు ఆసక్తికర మలుపులతో నిండి ఉంది. 2D యానిమేషన్ చేస్తుండగా ఆయనకు అల్లు అరవింద్ కుటుంబంతో పరిచయం ఏర్పడింది. అల్లు అరవింద్ ఆహ్వానం మేరకు అల్లు అర్జున్, బన్నీకి డ్రాయింగ్ నేర్పడానికి వెళ్లారు. అల్లు అర్జున్ డ్రాయింగ్ను చాలా బాగా వేస్తాడని, యానిమేషన్పై కూడా అతనికి ఆసక్తి ఉందని మారుతి వెల్లడించారు. ఒక సంవత్సరం పాటు ఎంతో నిబద్ధతతో డ్రాయింగ్ నేర్చుకున్న అల్లు అర్జున్, వ్యాన్కోర్ యూనివర్శిటీలో యానిమేషన్ కోర్సులో చేరాలని కూడా భావించాడని మారుతి తెలిపారు.
అల్లు అరవింద్ స్వయంగా మారుతిని కూడా స్పాన్సర్ చేయడానికి ముందుకొచ్చారని పేర్కొన్నారు. అయితే, అల్లు అర్జున్ తరువాత సినిమా రంగం వైపు మళ్లారు. ఈ క్రమంలో మారుతికి దర్శకత్వం పట్ల ఆసక్తి కలిగింది. తాను అసిస్టెంట్ డైరెక్టర్గా చేరాలనుకుంటున్నట్లు అల్లు అరవింద్ను సంప్రదించారు. అల్లు అరవింద్ పవన్ కళ్యాణ్ వద్దకు కూడా పంపించారని, కానీ అంతకుముందు ఒక ముఖ్యమైన సలహా ఇచ్చారని మారుతి గుర్తు చేసుకున్నారు. ఇండస్ట్రీలో వందల మంది కో-డైరెక్టర్లు, అసోసియేట్లు, అసిస్టెంట్ డైరెక్టర్లు ఉంటారని అన్నారు.
ప్రతి సంవత్సరం వందలాది సినిమాలు వస్తుంటే అందులో విజయవంతమయ్యే దర్శకులు ఒకరో, ఇద్దరో ఉంటారని అల్లు అరవింద్ వివరించారు. ఆ ఒకరిద్దరిలో నువ్వు ఉంటావన్న నమ్మకం ఉంటేనే దర్శకత్వంలోకి వెళ్ళు అని చెప్పిన మాట తన జీవితాన్ని ప్రభావితం చేసిందని మారుతి అన్నారు. తన జీవితంలో అదృష్టం కన్నా కష్టమే ఎప్పుడూ తోడుగా ఉందని, కష్టపడినప్పుడే విజయం, గుర్తింపు లభిస్తాయని మారుతి తన దృక్పథాన్ని పంచుకున్నారు. రాజమౌళి, చిరంజీవి వంటి కష్టపడి పైకి వచ్చిన లెజెండరీ వ్యక్తులను ఉదాహరణగా పేర్కొన్నారు. కలలు కనడం సులభమే కానీ, వాటిని నిజం చేసుకోవడానికి 18 గంటలు కష్టపడటం ముఖ్యమని చెప్పారు.
పవన్ కళ్యాణ్ ఆహ్వానం మేరకు డాడీ సినిమా ఫైట్ సన్నివేశాలకు, ఆ తరువాత జానీ సినిమాకు స్టోరీ బోర్డింగ్ పని చేశారు. అయితే, నెలవారీ ఆదాయం, కుటుంబ పోషణ అవసరాల దృష్ట్యా సినిమా రంగంలో స్థిరమైన ఉద్యోగం లేకపోవడంతో, DQ ఎంటర్టైన్మెంట్ లిమిటెడ్లో ఉద్యోగంలో చేరారు. ఈ నిర్ణయానికి అల్లు అరవింద్ కూడా మద్దతు పలికారని మారుతి తెలిపారు. వివాహం అనంతరం మారుతి మళ్లీ సినీరంగంలోకి పూర్తి స్థాయిలో ప్రవేశించారు.
తెలుగు సినీ ప్రపంచంలో దర్శకుడిగా తనకంటూ ప్రత్యేక స్థానం సంపాదించుకున్నారు మారుతి. ఇప్పటివరకు పలు చిత్రాలతో ప్రేక్షకులను అలరించిన ఆయన.. ఇటీవలే ప్రభాస్ హీరోగా రాజా సాబ్ చిత్రాన్ని తెరకెక్కించారు. సంక్రాంతి కానుకగా విడుదలైన ఈ మూవీ మంచి రెస్పాన్స్ అందుకుంది. హారర్ కామెడీ డ్రామాగా వచ్చిన ఈ మూవీకి మిశ్రమ స్పందన వచ్చింది. ఈ మూవీ తర్వాత మారుతి తెరకెక్కించే సినిమా పై ఇంకా స్పష్టత రాలేదు.