Anushka Shetty: స్వీటీ కెరీర్ బెస్ట్ పెర్ఫార్మన్స్ ఇవే.. టేక్ ఏ బౌ అనాల్సిందే..
టాలీవుడ్లో తనదైన శైలి ముద్ర వేశారు అనుష్క శెట్టి. తన నటనతో ప్రేక్షకలోకాన్ని ఆకట్టుకొని స్టార్ హీరోయిన్గా ఎదిగారు. కింగ్ నాగార్జున సూపర్ చిత్రంతో ఇండస్ట్రీకి పరిచయమైన ఈ భామ తెలుగు, తమిళంలో ఎన్నో బ్లాక్ బస్టర్ చిత్రాల్లో నటించారు. ఈమె నటనకు ఎవరైనా ఫిదా అవ్వాల్సిందే. ఇప్పుడు జేజమ్మ చేసిన టాప్ 5 కెరీర్ బెస్ట్ పెర్ఫార్మన్స్ ఏంటో తెలుసుకుందాం.
అనుష్క బెస్ట్ పెర్ఫార్మన్స్ అంటే మొదట గుర్తొచ్చేది అరుంధతి. ఈ చిత్రంలో రాజసాన్ని చూపిస్తూ నటించిన జేజమ్మ పాత్రతో ప్రేక్షకుల ప్రశంసలు అందుకున్నారు. 2009లో కోడి రామకృష్ణ దర్శకత్వంలో వచ్చిన ఈ మూవీతో స్వీట్ లైఫ్ టర్న్ అయింది.
దీని తర్వాత మళ్ళీ ఆయా రేంజ్ అనిపించిన పాత్ర మాత్రం బాహుబలి సిరీస్లో దేవసేన మాత్రమే. తొలి భాగంలో మాహిష్మతి బందీగా ఉన్న వృద్ధురాలిగా, రెండో భాగంలో అందమైన కుంతల రాజ్య యువరాణిగా మెప్పించారు.
దీనికి ముందు గుణశేఖర్ తెరకెక్కించిన రుద్రమదేవి చిత్రంలో రుద్రమదేవి పాత్రలో విమర్శకుల ప్రశంసల అందుకున్నారు లేడీ సూపర్ స్టార్ అనుష్క శెట్టి. అయితే ఈ సినిమా మాత్రం అనుకున్న విజయాన్ని అందుకోలేకపోయింది.
అరుంధతి తర్వాత అనుష్క నటించిన మరో హారర్ చిత్రం భాగమతి. ఈ చిత్రం కలెక్టర్ చంచలగా, భాగమతిగా ప్రేక్షకులను భయపెట్టారు టాలీవుడ్ దేవసేన. ఈ సినిమా కూడా మంచి హిట్స్ అందుకుంది.
అలాగే పంచాక్షరీ చిత్రంలో అనుష్క పంచాక్షరి రోల్ ఎంతో బాగుంటుంది. ఈ చిత్రం ఫలితం ఎలా ఉన్న స్వీటీ నటన మాత్రం ఆకట్టుకొనేలా ఉంటుంది. ప్రస్తుతం తెలుగులో ఘాటీ చేస్తుంది ఈ సీనియర్ బ్యూటీ.