Sai Pallavi: సాయి పల్లవి చేతికి జపమాల ఎందుకు వేసుకుంటుందో తెలుసా.. తన క్రష్ ఎవరో చెప్పేసిన ముద్దుగుమ్మ..
అందాల ముద్దుగుమ్మ సాయి పల్లవికి తెలుగులో భారీగా ఫాలోయింగ్ ఉందన్న సంగతి తెలిసిందే. మొదటి సినిమాతోనే ప్రేక్షకులను ఫిదా చేసి.. ఆ తర్వాత మిడిల్ క్లాస్ అబ్బాయితో జత కట్టి... లవ్ స్టోరీ అంటూ ఆడియన్స్ను అలరించింది. ఇప్పుడు వెన్నెలగా బిగ్ స్క్రీన్ పై సందడి చేసేందుకు సిద్ధమైంది.
రానా, సాయి పల్లవి జంటగా నటించిన చిత్రం విరాట పర్వం. ఈ సినిమా జూన్ 17న ప్రేక్షకుల ముందుకు రానుంది. ఈ సినిమా ప్రమోషన్లలో భాగంగా ఇటీవల పాల్గోన్న ఓ ఇంటర్వ్యూలో తన వ్యక్తిగత విషయాల గురించి చెప్పుకొచ్చింది సాయి పల్లవి.
సినిమాలు థియేటర్లలో చూడడం అంటే ఇష్టం.. నా సినిమాలు కాకపోయినా బుర్ఖా వేసుకునో, ముఖానికి స్కార్ఫ్ కట్టుకునో థియేటర్ కు వెళ్లి జనాల మధ్యలో కూర్చుని సినిమాలను చూస్తుంటాను.. సర్కారు వారి పాట కూడా అలాగే చూశాను..
చిన్నప్పుడు చిరంజీవి గారి ముఠామేస్త్రీ సినిమాను తెగ చూసేదాన్ని.. అందులో మెగాస్టార్ డ్యాన్స్ కు ఫిదా అయ్యాను.. ఇటీవల ఓ కార్యక్రమంలో నాతో కలిసి ఒక స్టెప్పు వేస్తావా అని అడిగి మరీ డ్యాన్స్ చేయడం మర్చిపోలేని జ్ఞాపకం.
అన్నమయ్య, శ్రీరామదాసు వంటి పౌరాణిక చిత్రాల్లో నటించాలని ఉంది.. రన్నింగ్ కూడా ఇష్టం.. ఈ నేపథ్యంలో వచ్చే సినిమా చేయాలనుంది.
విరాటపర్వంలో కళ్లు లోపలికెళ్లిపోయి, ముఖం పీక్కుపోయినట్టు కనిపించాల్సిన సన్నివేశం ఉంది. అది సహజంగా రావాలని ఒక రోజంతా ఆహారం, నీళ్లు తీసుకోలేదు.
ఖాళీ సమయంలో డ్రైవింగ్ చేస్తుంటాను.. మా పెరట్లో సీతాకోక చిలుకల్ని పట్ది వదిలేస్తుంటా. పూలతో రంగోలీలు ప్రయత్నిస్తుంటాను.
ఫిదా సినిమాలో బరుదలో ట్రాక్టర్ నడుపుతూ సహజ హావభావాలతో నటించేందుకు చాలా కష్టపడ్డాను.. నియంత్రణ కోల్పోయాను.. నా కెరీర్లో అత్యంత కష్టం అనిపించింది అదే.
నా మాతృభాష బడగ.. మా తెగవారంతా అదే మాట్లాడతారు.. దానికి లిపి లేదు.. అలాగే తెలుగు, తమిళం, మలయాళం, ఇంగ్లీష్, హిందీ, జార్జియన్ మాట్లాడతాను.
అల్లు అర్జున్ సినిమాలను, పాటలను జనాలు పడి పడి చూస్తాను.. అలాగే ఫిదాలోని వచ్చిండే పాటను కూడా చాలా సార్లు చూశాను అని ఆయన చెప్పడం మర్చిపోలేని ప్రశంస.
చిన్నప్పటి నుంచి తమిళ్ స్టార్ హీరో సూర్య అంటే ఇష్టం.. అయనతో కలిసి ఒక్క సినిమా నటించాలనుకున్నాను.. ఎన్జీకే తో ఆ కోరిక నెరవేరింది.
తాతయ్య ఇచ్చిన జపమాల ధరిస్తే మంచి జరుగుతుందని నమ్ముతాను.. అందుకే దాన్ని మెడకో.. చేతికో ధరిస్తుంటాను.. ఫిట్ నెస్ కోసం వర్కవుట్స్ చేయను.. ఎక్కువగా డ్యాన్స్ చేస్తుంటాను..
‘అమృత’ సినిమా చూసినప్పట్నుంచీ మా అమ్మానాన్నలు కూడా నన్ను దత్తత తీసుకున్నారేమోననే అనుమానం కలుగుతుంటుంది. అప్పుడప్పుడూ అడుగుతుంటాను కూడా. నాకు స్వీట్స్, చాక్లెట్స్ ఇష్టం.