అందుకే నాకు పెద్దగా ఆఫర్స్ రాలేదు.. షాకింగ్ విషయం చెప్పిన హీరోయిన్ సదా
హీరోయిన్ సదా గురించి ప్రత్యేకంగా పరిచయం చేయాల్సిన అవసరం లేదు. ఎన్నో సూపర్ హిట్ సినిమాల్లో నటించి ప్రేక్షకులను మెప్పించింది సదా. తెలుగు, తమిళ్ భాషల్లో సినిమాలు చేసింది. ఒకప్పుడు వరుస సినిమాలతో అలరించిన సదా ఇప్పుడు పెద్దగా కనిపించడం లేదు.
నటి సదా తన ఇన్నేళ్ల ఏళ్ల సినీ ప్రయాణం, వ్యక్తిగత జీవితం,అలాగే చిత్ర పరిశ్రమలో ఎదురైన సవాళ్ళ గురించి ఒక ఇంటర్వ్యూలో ఓ ఇంటర్వ్యూలో పంచుకున్నారు. తన కెరీర్లో జయం, అపరిచితుడు, అన్నదమ్ములు వంటి అనేక విజయవంతమైన చిత్రాలలో నటించినప్పటికీ, తన ప్రతిభకు తగిన గుర్తింపు లభించలేదని అభిమానులు భావించడంపై ఆమె స్పందించారు. ఈ ప్రశ్న తనను కూడా తరచుగా వేధిస్తుందని, దీనికి సమాధానం దొరకలేదని, కొన్ని విషయాలు మన నియంత్రణకు అతీతంగా ఉంటాయని సదా అన్నారు.
జయం వంటి భారీ విజయం తర్వాత కూడా ఆఫర్లు రావడంలో జాప్యం జరిగిందని ఆమె గుర్తు చేసుకున్నారు. ముంబైలో నివసించడం, పరిశ్రమలో గాడ్ఫాదర్ లేకపోవడం, అప్పట్లో సోషల్ మీడియా అందుబాటులో లేకపోవడం వంటివి దీనికి కారణాలని సదా చెప్పుకొచ్చింది. జయం తనకు చాలా పెద్ద అదృష్టమని, దర్శకుడు తేజ తనను చిత్ర పరిశ్రమకు పరిచయం చేయడం గొప్ప విషయమని ఆమె పేర్కొన్నారు.
అయితే, సినిమా నేపథ్యంలో లేని కారణంగా, నటన వృత్తి ఎంతవరకు నిలబడుతుందో అనే అనుమానంతో జయం తర్వాత తాను తిరిగి తన ఐటీ చదువును కొనసాగించానని సదా తెలిపారు. కొన్ని నెలలు విరామం తీసుకొని చదువుపై దృష్టి సారించానని, నటన ఒక్కటే ఆధారపడదగినది కాదని అప్పట్లో భావించానని చెప్పారు. జయం, అపరిచితుడు చిత్రాలు ఎంత పెద్ద విజయాలు సాధించాయో అప్పట్లో తనకు పూర్తిగా తెలియదని, ఇప్పుడు ఆ గొప్పదనం అర్థమవుతోందని అన్నారు.
డాన్స్ షోలో మూడు సంవత్సరాలు జడ్జిగా వ్యవహరించిన తర్వాత, పునరావృతం అనిపించడంతో విరామం తీసుకున్నానని, ప్రస్తుతం తాను తిరిగి ఎప్పుడు వస్తానో చెప్పలేనని అన్నారు. ఇటీవల రా రా అను పాటను నితిన్ సినిమాలో రీమేక్ చేయడంపై సదా స్పందించారు. ఆ పాట రీమేక్ చాలా బాగుందని, మంచి ఫ్లేవర్ ఇచ్చారని ప్రశంసించారు. అయితే, ఆ పాట కోసం తనను సంప్రదించారని వచ్చిన వార్తలను ఖండించారు. తనను ఎవరూ సంప్రదించలేదని తెలిపారు.
చాలా ప్రాజెక్టులు తన వరకు రాకుండా మధ్యలోనే ఆగిపోవడం తనకు ఆశ్చర్యం కలిగిస్తుందని, తన నెంబర్ చాలా మందికి అందుబాటులో ఉన్నప్పటికీ ఇలా జరుగుతుందని ఆమె అన్నారు. రెండు మూడు సంవత్సరాలు సినిమాలకు దూరంగా ఉన్నప్పటికీ, తిరిగి వచ్చినప్పుడు ప్రేక్షకులు తనను అదే ప్రేమతో ఆదరిస్తున్నారని సదా సంతోషం వ్యక్తం చేశారు. జయం చిత్రం ఇచ్చిన గుర్తింపు, ఆ చిత్రంలోని వెళ్ళవయ్యా వెళ్ళు డైలాగ్ పట్ల ప్రేక్షకుల అభిమానం తనకు ఎంతో ప్రత్యేకమైనవని ఆమె స్పష్టం చేశారు.