Raasi : ఆ సినిమా చేసి తప్పు చేశా.. నా కెరీర్ మొత్తం నాశనం చేశాడు.. రాశి కామెంట్స్..
టాలీవుడ్ ఇండస్ట్రీలో కథనాయికగా తనదైన ముద్ర వేసింది హీరోయిన్ రాశి. చైల్డ్ ఆర్టిస్టుగా కెరీర్ స్టార్ట్ చేసిన రాశి.. ఆ తర్వాత హీరోయిన్ గా ఎన్నో హిట్ చిత్రాల్లో నటించి మెప్పించారు. పెళ్లి తర్వాత చాలా కాలం సినిమాలకు దూరంగా ఉన్న ఆమె.. ప్రస్తుతం బుల్లితెరపై పలు సీరియల్స్ చేస్తూ మరోసారి సినీప్రియులను అలరిస్తుంది.
నటి రాశి తన కెరీర్కు సంబంధించిన కొన్ని ముఖ్యమైన సంఘటనలను, వ్యక్తిగత నిర్ణయాలను ఇటీవల ఒక ఇంటర్వ్యూలో పంచుకున్నారు. దర్శకుడు తేజ సినిమా తన కెరీర్పై ప్రతికూల ప్రభావం చూపించిందని, ఆ చిత్రం చేయడం వల్ల తనకు నెగిటివిటీ వచ్చిందని ఆమె స్పష్టం చేశారు. కెరీర్ను దాదాపుగా ఒక మనిషి కెరీర్ని నాశనం చేసినట్లు తాను భావిస్తున్నానని ఆవేదన వ్యక్తం చేశారు. తేజ గారు అడిగిన లుక్ కోసం తాను ఎటువంటి మేకప్ లేకుండా, కేవలం లెన్స్లు, లిప్స్టిక్, డార్క్ కాజల్తో కనిపించానని, నిజం కోసం ఒక ట్రైనర్ను పెట్టుకుని బరువు కూడా తగ్గించానని వివరించారు.
ఈ కష్టానికి తగ్గట్టుగానే నాగబాబు తనను ఎంతగానో ప్రశంసించారని, "నీ స్కిన్లో ట్యూబ్లైట్ పెట్టుకున్నావా, వెలిగిపోతున్నావ్" అని అన్నారని గుర్తు చేసుకున్నారు. తేజ సినిమా వల్ల ఏర్పడిన ప్రతికూలత అనంతరం, తనకు ఒక పాజిటివ్ పరిణామం ఎదురైందని రాశి తెలిపారు. చిరంజీవితో సినిమా ఓకే అయ్యిందని, నాగబాబు ప్రొడ్యూసర్గా వ్యవహరించారని, అడ్వాన్స్ కూడా పే చేశారని చెప్పారు. చిరంజీవితో సినిమా చేయడం తన డ్రీమ్ అని, అందువల్ల వెంటనే అంగీకరించానని పేర్కొన్నారు.
ఇదే సమయంలో, తన 21వ పుట్టినరోజున చిరంజీవి బ్లడ్ బ్యాంక్కు కళ్ళు దానం చేశానని, అది తన నాన్న ఉండుంటే ఒప్పుకునేవారు కాదని, అమ్మ, అన్నయ్యలకు తెలియకుండా చేశానని వివరించారు. చిరంజీవి బ్లడ్ బ్యాంక్కు కళ్ళు దానం చేసిన తొలి మహిళను తానేనని, ఈ విషయం చిరంజీవి స్వయంగా చెప్పేవరకు తనకు తెలియదని అన్నారు. తనను చూసి చాలా మంది మహిళలు దాతలుగా ముందుకు వచ్చారని కూడా ఆమె గుర్తు చేసుకున్నారు.
చిరంజీవితో సినిమా అవకాశాన్ని గురించి మాట్లాడుతూ, చిరంజీవి తన డ్యాన్స్ను ఎంతగానో ఇష్టపడతారని, శ్రీకి చాలాసార్లు తన డ్యాన్స్ గురించి చెప్పారని రాశి తెలిపారు. చిరంజీవితో పని చేయడానికి ఎంతో ఆసక్తిగా ఎదురుచూశానని, అయితే ఆ ప్రాజెక్ట్ ఎందుకు రద్దయ్యిందో తనకు తెలియదని చెప్పారు. కథ చిరంజీవికి సరిపడలేదా లేదా మరేదైనా కారణమో తెలియదన్నారు. సుమారు ఆరు, ఏడు నెలల తర్వాత ప్రాజెక్ట్ రద్దు అయినట్లు బాబురావు తన సోదరుడికి చెప్పారని, అప్పటి వరకు తాను డైట్, వెయిట్ మెయింటైన్ చేస్తూనే ఉన్నానని అన్నారు.
చిరంజీవి సినిమా రద్దైన తర్వాత, తాను ఇక పెళ్లి చేసుకోవాలని నిర్ణయించుకున్నట్లు రాశి వెల్లడించారు. ప్రస్తుతం రాశి చేసిన కామెంట్స్ సోషల్ మీడియాలో వైరలవుతున్నాయి. పెళ్లి తర్వాత చాలా కాలం పాటు సినిమాలకు దూరంగా ఉన్న ఆమె ఇప్పుడు బుల్లితెరపై పలు సీరియల్స్ చేస్తూ బిజీగా ఉంటున్నారు. మరోవైపు ఇప్పుడిప్పుడే సినిమాల్లోకి రీఎంట్రీ ఇచ్చేందుకు సిద్ధంగా ఉంటున్నారు. మరోవైపు అటు సోషల్ మీడియాలో యాక్టివ్ గా ఉంటున్నారు రాశి..