తెలుగు రాష్ట్రాల్లో వరలక్ష్మి వ్రతం వేడుకలు ఘనంగా జరిగాయి. సామాన్యులో పాటు పలువురు సినిమా తారలు వరలక్ష్మి వ్రతం వేడుకల్లో పాల్గొన్నారు. ప్రత్యేక పూజలు నిర్వహించి ఆశీర్వాదాలు తీసుకున్నారు. అనంతరం తమ వరలక్ష్మి వ్రతం పూజా ఫొటోలను సోషల్ మీడియాలో షేర్ చేసుకుని మురిసిపోయారు.
సీనియర్ హీరోయిన్ లయ వరలక్ష్మి వ్రతం వేడుకల్లో పాల్గొంది. ప్రత్యేక పూజలు నిర్వహించింది. ఈ సందర్భంగా ట్రెడిషినల్ శారీలో మెరిసిపోయిందీ అందాల తార.
పెళ్లి తర్వాత సినిమాల నుంచి గ్యాప్ తీసుకున్న లయ మళ్లీ సెకెండ్ ఇన్నింగ్స్ ప్రారంభించేందుకు రెడీ అవుతోంది. నితిన్ నటిస్తోన్న ఓ సినిమలో నటించేందుకు ఆమె గ్రీన్ సిగ్నల ఇచ్చిందని సమాచారం.
స్వయంవరం సినిమాతో ఎంట్రీ ఇచ్చిన లయ హనుమాన్ జంక్షన్, ప్రేమించు, మిస్సమ్మ వంటి సూపర్ హిట్ చిత్రాల్లో నటించింది ప్రేమించు సినిమాకు గానూ ఉత్తమ నటిగా నంది పురస్కారం కూడా అందుకుంది.
2006లో అమెరికాకు చెందిన డాక్టర్ శ్రీ గణేశన్ ను వివాహం చేసుకున్న లయ ఆ తర్వాత సెటిల్ అయ్యింది. ప్రస్తుతం ఈ దంపతులకు ఓ పాప, బాబు ఉన్నారు.