ఉప్పెన సినిమాతో బ్లాక్ బస్టర్ హిట్ అందుకున్న కృతి శెట్టి.. ఆ తర్వాత తెలుగు, తమిళంలో బిజీగా కథానాయికగా మారిపోయింది. కానీ కొన్నాళ్లకు తెలుగులో వరుస ప్లాపులు రావడంతో సైలెంట్ అయిపోయింది.
ఇటీవలే మనమే సినిమాతో మరోసారి తెలుగు అడియన్స్ ముందుకు రాగా.. ఈ మూవీ కూడా బోల్తాపడింది. దీంతో ఇప్పుడు కృతికి తెలుగులో ఆఫర్స్ మాత్రం రావడం లేదు. ప్రస్తుతం కృతి శెట్టి మలయాళంలో అజయంతే రందం మోషణం చిత్రంలో నటిస్తుంది.
జితిన్ లాల్ దర్శకత్వం వహించిన ఈ చిత్రంలో టోవినో థామస్ హీరో. మూడు ముఖ్యమైన 1900, 1950, 1990లలో జరిగే కథాంశంతో ఈ చిత్రాన్ని మూడు తరాల ప్రయాణాన్ని తెరపై చూపించనున్నారు.
తాజాగా ఓ ఇంటర్వ్యూలో పాల్గొన్న కృతి శెట్టి.. ఇండస్ట్రీలో ఎదురయ్యే అనుభవాలు, సవాళ్లను చెప్పుకొచ్చింది. మలయాళం ఇండస్ట్రీలో ఎక్కువ గంటలు పనిచేయాల్సి ఉంటుందని.. సరిగా నిద్రలేకపోవడంతో కళ్లు చిన్నవిగా మారిపోయాయని తెలిపింది.
నిద్రలేమి కారణంగా తాను ఏ పని సరిగా చేయలేకపోయానని.. హీరో టోవినో మాత్రం చాలా నెలలుగా నిద్రలేకుండానే పనిచేస్తున్నాడని.. అతడిలో ఉన్న శక్తి, అంకితభావం చూసి ఆశ్చర్యపోయానని తెలిపింది. అతడు అలసిపోయినా తాను కనిపెట్టలేకపోయానని తెలిపింది.