EV Cars in 2022: గతేడాది విడుదలై కస్టమర్ల ఆదరణను పొందిన టాప్ 5 ఎలక్ట్రిక్ కార్లు ఇవే..
Top 5 EV Cars in 2022:భారత మార్కెట్‌లో ఎలక్ట్రిక్ కార్ల(ఈవీ కార్లు)కు భారీగా డిమాండ్ పెరిగింది. ఇక 2022లో విడుదలైన ఈవీ కార్లలో అనేక కంపెనీల నుంచి వచ్చిన కొత్త కొత్త మోడల్స్ ఉన్నాయి. అయితే భారత్ మార్కెట్‌లో తమ సత్తాను చాటుకొని కస్టమర్లను ఆకర్షించడంతో విజయం సాధించిన టాప్ 5 కార్ల వివరాలను ఇప్పుడు తెలుసుకుందాం..
Tata Tiago EV: టాటా మోటార్స్ ద్వారా విడుదలైన టియాగో ఎలక్ట్రిక్ కార్ 2022లో వచ్చిన కార్ల జాబితాలో అగ్రస్థానంలో ఉంది. అద్భుతమైన ఫీచర్లతో ఉన్న ఈ కారు లాంచ్ అయిన రెండు నెలల్లోనే దాదాపు 20 వేల బుకింగ్స్ అందుకుంది. 19.2 KVH, 24 KVH బ్యాటరీ ప్యాక్‌లు ఉన్న ఈ టియాగో ఒక ఛార్జ్‌కి 250 నుంచి 315 కిమీ మైలేజీని ఇస్తుంది. బ్యాటరీ ఎంపికను బట్టి ఈ కొత్త కారు ఎక్స్-షోరూమ్ ధర రూ. 8.49 లక్షలు. టాప్-ఎండ్ మోడల్‌కు రూ. దీని ధర 11.79 లక్షలు.
BYD Atto 3: 2022లో విడుదల చేసిన కార్లలో BYD అటో 3 ఎలక్ట్రిక్ SUV ఎంతో ప్రముఖమైనది. రూ. 33.99 లక్షల ధరతో ఉన్న ఈ కొత్త కారు అనేక రకాల ఫీచర్లతో మార్కెట్‌లోకి వచ్చింది. 60.48 కిలోవాట్ బ్లేడ్ బ్యాటరీ ప్యాక్ ఉన్న ఈ కారు ఒక చార్జ్‌కు గరిష్టంగా 521 కిలోమీటర్ల మైలేజీని చేస్తుంది.
Pravaig DEFY: బెంగుళూరుకు చెందిన ప్రవేయిగ్ డైనమిక్ కంపెనీ అనే స్టార్టప్ కంపెనీ తన వినూత్న సాంకేతికతతో నడిచే డిఫై ఎలక్ట్రిక్ SUVని 2022లో విడుదల చేసింది. కొత్త కారు మోడల్ ఎక్స్-షోరూమ్ ధర రూ.39.50 లక్షలు. 90.9 కిలోవాట్ బ్యాటరీ ప్యాక్‌తో ఉన్న ఈ కారు ఒక ఛార్జ్‌కు 500 కిమీ మైలేజీని ఇస్తుంది.
Mercedes-Benz EQS 580: Mercedes-Benz ద్వారా 2022లో లాంచ్ అయిన కొత్త EQS 580 EV 2022 మోడల్ కారు ధర1.55 కోట్లు(ఎక్స్-షోరూమ్)గా ఉంది. భారతదేశంలోనే తాయరవుతున్న ఈ కొత్త కారులో 107.8 KVH బ్యాటరీ ప్యాక్‌ను ఇన్‌స్టాల్ చేసి ఉంది. ఒక్కో చార్జ్‌కు ఇది గరిష్ఠంగా 857 కిమీ మైలేజీని ఇస్తుంది. అదనంగా ఈ ఎలక్ట్రిక్ కారులో ఫోర్-వీల్-డ్రైవ్, ఫోర్-వీల్-స్టీరింగ్ సహా AI సాంకేతికత కూడా ఉంది.
PMV ES-E EV: ముంబైకి చెందిన పర్సనల్ మొబిలిటీ వెహికల్ కంపెనీ కూడా మార్కెట్‌లో డిమాండ్‌కు అనుగుణంగా వినూత్న ఫీచర్లతో ఈఎస్-ఈ మైక్రో ఎలక్ట్రిక్ కారును 2022లో విడుదల చేసింది. టాటా నానో కంటే తక్కువ పొడవును కలిగి ఉండటం, ప్రీమియం బైక్ మోడల్ ధరతో అందుబాటులోకి రావడం ఈ కారుకు ఉన్న ప్రధాన ఆకర్షణ. కొత్త కారులో, కంపెనీ 48B బ్యాటరీ ప్యాక్‌ను కలిగి ఉన్న ఈ ఈవీ కారు ఒక్కో చార్జ్‌కు గరిష్టంగా 200 కిమీ మైలేజీని ఇస్తుంది.