భోగి సినిమాను మిస్ చేసుకున్న స్టార్ హీరోయిన్ ఎవరో తెలుసా?
అందాల ముద్దుగుమ్మ అనుపమ దసరా , దీపావళి రెండు పండుగలకు రెండు సినిమాలతో అభిమానుల ముందుకు రానుంది. దసరా సమయంలో ఈ బ్యూటీ క్రేజీ కళ్యాణం మూవీతో పలకరించగా, నవంబర్ నెలలో భోగి సినిమాతో అభిమానులను ఆకట్టుకోనుంది. ఇక రీసెంట్‌గా భోగీ టీజర్ రిలీజై అందరినీ ఆకట్టుకుంది. సినిమాపై భారీ అంచనాలు నెలకొల్పింది.
పీరియడ్ యాక్షన్ డ్రామగా తెరకెక్కిన మూవీ విజువల్స్, మ్యూజిక్‌తో అందరినీ ఆకట్టుకుంది. 1960 కాలంలో తెలంగాణ మహారాష్ట్ర సరిహద్దు నేపథ్యంలో సాగే ఈ మూవీలో శర్వానంద్ ఊరమాస్ లుక్‌లో కనిపించగా, అనుపమ డీ గ్లామరస్ రోల్‌లో కనిపించి ఆకట్టుకుంది. అయితే ఈ సినిమా టీజర్ రిలీజ్ అయ్యి మంచి రెస్పాన్స్ వస్తున్న క్రమంలో మూవీకి సంబంధించిన ఓ ఇంట్రస్టింట్ న్యూస్ వైరల్ అవుతుంది.
ఇంతకీ అది ఏమిటి అంటున్నారా? చాలా వరకు డీ గ్లామరస్ పాత్రల్లో సమంత , రష్మిక నటించి స్టార్ గా మంచి గుర్తింపు సంపాదించుకున్నారు. ఇప్పుడు అనుపమ పరమేశ్వరన్ కూడా అదే లుక్‌లో కనిపించి అభిమానులను ఆకట్టుకున్నారు. దీంతో కొంత మంది అభిమానులు దీంతో అనుపమకు స్టార్ ఇమేజ్ గ్యారంటీ అంటూ ముచ్చటిస్తున్నారు. అయితే ఈ క్రమంలోనే స్టార్ హీరోయిన్ మంచి ఛాన్స్ మిస్ చేసుకుందని కూడా చెప్పుకొస్తున్నారు.
అయితే భోగి మూవీలో శర్వానంద్‌కు జోడీగా ముందుగా అనుపమ అనుకోలేదంట. పూజాహెగ్దే ఈ పాత్రకు సెట్ అవుతుందని తనను సంప్రదించారంట మూవీ మేకర్స్. అయితే తనకు డేట్స్ ఖాళీ లేకపోవడం పలు కారణాల వలన ఈ బ్యూటీ భోగి మూవీని మిస్ చేసుకున్నదంట. అంతే కాకుండా మరో యంగ్ బ్యూటీ వద్దకు కూడా ఈ అవకాశం వెళ్లినట్లు గుసగుసలు వినిపిస్తున్నాయి. ఇంతకీ ఆ ముద్దుగుమ్మ ఎవరు అనుకుంటున్నారా?
ప్రేమలు సినిమాతో సూపర్ హిట్ తన ఖాతాలో వేసుకున్న బ్యూటీ మమితాబైజు గురించి ప్రత్యేకంగా చెప్పాల్సిన పని లేదు. అయితే భోగి సినిమాలో అనుపమ పాత్రలో నటించడానికి ఈ చిన్నదాన్ని సంప్రదించగా తాను కూడా డేట్స్ ఖాళీ లేని కారణం వలన మూవీని రిజక్ట్ చేసిందంట. తర్వాత ఈ ఆఫర్ అనుపమ వద్దకు వెళ్లగా తనకు స్టోరీ నచ్చడంతో వెంటనే ఒకే చెప్పేసిందంట. అంతే కాకుండా రంగస్థలం మూవీలో సమత ప్లేస్‌లో మొదటగా అనుపమనే హీరోయిన్‌గా అనుకోగా, డీ గ్లామరస్ పాత్రకు తాను నో చెప్పిందంట.
తర్వాత సమంత ఆ పాత్రలో నటించి మంచి గుర్తింపు సంపాదించుకుంది. ఇక ఇప్పుడు ఈ ఛాన్స్ రావడంతో అనుపమ ఒకే చెప్పేసిందంట. డీ గ్లామరస్ పాత్రలో చేయడానికి కూడా అంగీకరించి, ఈ మూవీలో నటించిందంట. ప్రస్తుతం భోగి మూవీకి సంబంధించిన ఈ న్యూస్ నెట్టింట తెగ వైరల్ అవుతుంది. ఇక శర్వానంద్, అనుపమ జంటగా నటించిన ఈ సినిమా నవంబర్ 12న థియేటర్లో సందడి చేయనున్న విషయం తెలిసిందే. నోట్ : పై సమాచారం కేవలం ఇంటర్నెట్ ఆధారంగా మాత్రమే ఇవ్వడం జరిగింది. టీవీ9 తెలుగు దీనిని ధృవీకరించలేదు