Sleeping Pills Side Effects: స్లీపింగ్ పిల్స్ అతిగా వాడుతున్నారా? మంచి నిద్రకోసం ఇవి తెలుసుకోండి..
శరీరం ఆరోగ్యంగా ఉండాలంటే నిద్ర చాలా ముఖ్యం. కంటికి సరిపడా నిద్రపోతేనే ఆరోగ్యంగా ఉంటాం. లేదంటే.. అనేక సమస్యలు తలెత్తుతాయి. అయితే, చాలా మందికి నిద్ర పట్టక.. నిద్రమాత్రలను వేసుకుంటుంటారు. అవి వేసుకుంటేనే వారికి నిద్ర వస్తుంది. ఇలా నిద్రమాత్రలు కాకుండా.. సహజంగా నిద్రపట్టాలంటే ఏం చేయాలో ఇప్పుడు తెలుసుకుందాం..
శరీరం ఆరోగ్యంగా ఉండాలంటే నిద్ర చాలా ముఖ్యం. కంటికి సరిపడా నిద్రపోతేనే ఆరోగ్యంగా ఉంటాం. లేదంటే.. అనేక సమస్యలు తలెత్తుతాయి. అయితే, చాలా మందికి నిద్ర పట్టక.. నిద్రమాత్రలను వేసుకుంటుంటారు. అవి వేసుకుంటేనే వారికి నిద్ర వస్తుంది. ఇలా నిద్రమాత్రలు కాకుండా.. సహజంగా నిద్రపట్టాలంటే ఏం చేయాలో ఇప్పుడు తెలుసుకుందాం..
రాత్రి నిద్రపోయే ముందు టీవీ, మొబైల్‌కు దూరంగా ఉండండి. ఇది నిద్రకు భంగం కలిగిస్తుంది. కంటికి ఇబ్బంది కలిగిస్తుంది. అస్సలు నిద్రపట్టదు. ఈ కారణంగా.. రాత్రి పడుకునేందుకు సిద్ధమైన కాసేపటికి ముందే ఫోన్, టీవీకి దూరంగా ఉండండి.
సాధారంగా రాత్రివేళ 7-8 గంటలు ప్రశాంతంగా నిద్రపోగలిగితే ఆరోగ్యంగా ఉంటారు. అయితే ప్రస్తుత రన్ ఆఫ్ లైఫ్‌లో తీవ్రమైన ఒత్తిడి, మానసిక సంఘర్షణ కారణంగా నిద్రపోయే సమయం చాలా తక్కువగా ఉంటుంది.
అభివృద్ధి చెందినా కొద్ది ప్రజల జీవితాలపై ఒత్తిడి పెరుగుతోంది. పని ఒత్తిడి చాలా ఎక్కువగా ఉండటం వల్ల తగినంత నిద్ర ఉండటం లేదు. నిద్ర సరిగా లేకపోవడం అనేక అనారోగ్య సమస్యలు తలెత్తుతున్నాయి. నిద్ర లేకపోవడం వల్ల రక్తపోటు పెరగడం, రక్తంలో చక్కెరస్థాయి పెరగడం, కొలెస్ట్రాల్ పెరగడం, గుండె జబ్బులు వంటి అనేక ఇతర సమస్యలు వస్తున్నాయి. ఇక నిద్ర సరిగా లేకపోతే రోజంతా మానసికంగా డల్‌గా ఉంటారు.
నిద్రలేమి సమస్య అధికంగా ఉంటే తప్ప వైద్యులు నిద్రమాత్రలు ఇవ్వరు. ఎందుకంటే ఈ ఔషధం తీసుకోవడం ఆరోగ్యకరమైన అలవాటు కాదు. స్లీపింగ్ పిల్స్ వ్యసనంగా మారుతాయి. చాలా పరీక్షలు చేసిన తర్వాతే వైద్యులు నిద్రమాత్రలు ఇస్తారు.
నిద్రలేమి సమస్యతో బాధపడేవారు మాత్రమే నిద్రమాత్రలు వేసుకోవాలని వైద్యులు సూచిస్తున్నారు. అది కూడా వైద్యులు సూచించిన డోస్ మేరకే నిద్రమాత్రలను తీసుకోవాలి. గర్భిణీ స్త్రీలు, కాలేయ సంబంధిత వ్యాధులతో బాధపడేవారు ఈ ఔషధం తీసుకోకూడదని వైద్యులు చెబుతున్నారు.