Aloe Vera Hair Packs : పట్టులాంటి జుట్టు కావాలంటే కలబందతో ఈ 5 హెయిర్ ప్యాక్స్ చేయండి.. మ్యాజిక్ చూస్తారు..
అలోవెరా జెల్ చర్మంతో పాటు జుట్టు ఆరోగ్యాన్ని కూడా కాపాడుతుంది. అలోవెరా జెల్ జుట్టును మాయిశ్చైజ్ చేయడంలో సహాయపడుతుంది. అలోవెరా జెల్ జుట్టును మృదువుగా చేసి జుట్టు చిక్కులను తొలగిస్తుంది. ఇందులోని యాంటీ ఇంఫ్లమేటరీ గుణాలు కుదుళ్లకు చల్లదనం అందిస్తాయి. అలాగే కుదుళ్ల ఇన్ఫెక్షన్స్ నివారించి జుట్టు చివర్ల నుంచి ఆరోగ్యంగా ఉంచుతాయి. అలోవెరా జెల్లో విటమిన్ బి12, ఫోలిక్ యాసిడ్ అధికంగా ఉంటాయి. జుట్టుకు కావాల్సిన పోషణ అందించి వెంట్రుకలు ఒత్తుగా, పొడవుగా పెరిగేందుకు సహాయపడుతుంది. అలోవెరాలోని గుణాలు తలలో చుండ్రును తొలగిస్తాయి. అలోవెరా జెల్ నేచురల్ కండిషనర్గా పనిచేస్తుంది. వెంట్రుకలను మృదువుగా, మెరిసేలా మారుస్తుంది. జుట్టుకు సహజమైన కాంతిని అందిస్తుంది.
అరటిపండు, అలోవెరాను ఉపయోగించి కూడా హెయిర్ప్యాక్ తయారు చేసుకోవచ్చు. ఈ ప్యాక్ మీ జుట్టును సిల్కీగా మారుస్తుంది.. ఇందుకోసం బాగా పండిన అరటిపండును మెత్తగా గుజ్జులా చేసుకోవాలి. అందులో ఒక చెంచా తేనె కలపండి. తరువాత అలోవెరా జెల్ వేసి మిక్స్ చేయండి. ఇలా తయారు చేసిన ఈ మిశ్రమాన్న మీ జుట్టుకు పట్టించి 30 నిమిషాల పాటు అలాగే ఉంచండి. తరువాత చల్లటి వాష్ చేసుకోండి. అరటిపండులో ఉండే పొటాషియం జుట్టుకు పోషణనిచ్చి మృదువుగా చేస్తుంది.
అలోవెరాలో జుట్టుకు అవసరమైన పోషకాలు ఉంటాయి. ఇవి జుట్టును స్మూత్గా మారుస్తాయి. కోడిగుడ్లలో ప్రొటీన్లు పుష్కలంగా ఉంటాయి. ఇది జుట్టును పటిష్టంగా చేస్తుంది. జుట్టును మెరిసేలా చేస్తుంది. ఈ రెండింటిని ఉపయోగించి హెయిర్ ప్యాక్ తయారు చేసుకోవచ్చు. ఇందుకోసం ఒక గుడ్డు,కలబంద జ్యూస్ తీసుకుని బాగా మిక్స్ చేసుకోవాలి. ఈ మిశ్రమాన్ని జుట్టు మూలాల నుండి చివర్ల వరకు పూర్తిగా పట్టించాలి. తరువాత జుట్టును క్యాప్తో కప్పి 30 నిమిషాలు అలాగే వదిలేయండి. తరువాత వాష్ చేసుకోవాలి.
పెరుగు, కలబందతో హెయిర్ ప్యాక్ తయారీ చేసుకుని వాడితే జుట్టు పట్టులా మారుతుంది. ఎందుకంటే పెరుగులో లాక్టిక్ యాసిడ్ ఉంటుంది. ఇది జుట్టును మృదువుగా చేసి, పట్టులా మెరిసేలా చేస్తుంది. ఈ ప్యాక్తో తలలోని మృతకణాలు కూడా తొలగిపోతాయి. ఇందుకోసం పెరుగు, అలోవెరా జెల్తో పాటుగా కొన్ని చుక్కల నిమ్మరసం కూడా వేసి జుట్టుకు పట్టించాలి. 30 నిమిషాలు అలాగే ఉంచి చల్లటి నీటితో వాష్ చేయాలి. ఇలా తరుచుగా చేయడం వల్ల అనేక లాభాలు ఉంటాయి. దీనిని తరుచుగా వాడటం వల్ల జుట్టు రాలకుండా ఉంటుంది. ఇందులోని పోషకాలు జుట్టు పెరిగేలా చేస్తాయి.
కలబందలో జుట్టును బలోపేతం చేసే, తేమను అందించే లక్షణాలను కలిగి ఉంటుంది. అయితే కొన్ని సందర్భాల్లో ఇది జుట్టు చిట్లిపోవడానికి, పొడిబారడానికి కారణమవుతుంది. జుట్టు, తల చర్మం, కుదుళ్లకు కలబందను పూయడం వల్ల కూడా అలెర్జీలు, దురద వస్తుంది.
నిమ్మరసంలో విటమిన్ సి ఉంటుంది. ఇది జుట్టును మెరిసేలా చేస్తుంది. అంతేకాదు, తలలో చుండ్రును దూరం చేస్తుంది. నిమ్మరసంతో పాటు అలోవెరా జెల్ ఉపయోగించి తయారు చేసిన హెయిర్ప్యాక్ జుట్టుకు మేలు చేస్తుంది. ఈ హెయిర్ మాస్క్ని వారానికి ఒకటి లేదా రెండు సార్లు ఉపయోగించటం వల్ల జుట్టు సాఫ్ట్గా మారుతుంది. నల్లగా ఒత్తుగా పెరిగిన జుట్టు పట్టులా మెరుస్తుంది.