Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 24 వేల 850 మంది వైరస్​ సోకింది. మరో 613 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,73,165. ప్ర‌స్తుతం యాక్టీవ్ కేసులు2,44,814. వ్యాధి బారి నుంచి కోలుకున్న‌వారు 4,09,083. క‌రోనాతో మొత్తం ప్రాణాలు విడిచినవారి సంఖ్య 19,268.
  • మాస్కులు , శానిటైజర్స్ కొరత పై స్పందించిన మానవ హక్కుల కమిషన్. మీడియా కథనాలను సుమోటో గా స్వీకరించిన హెచ్చార్సీ. కోవిడ్ వారియర్స్ ఫ్రైంట్ లైన్ వారియర్స్కు సరఫరాలో లోపం పై ఆగ్రహం. పారిశుద్య , ఎంటమాలజీ సిబ్బందికి రక్షణ వస్తువులు ఇవ్వకపోవడాన్ని తప్పు పట్టిన హెచ్చార్సీ. మాస్కులు , శానిటైజర్ల సరఫరాపై ఈ నెల 28లోగా కమీషన్ ముందు వివరణ ఇవ్వాలని జిహెచ్ఎంసి కమిషనర్ కు ఆదేశాలు.
  • నిమ్స్ లో కరోనా కలకలం . టెస్టింగ్ ల్యాబ్ సిబ్బంది ముగ్గురికి కరోనా పాజిటివ్ . మిల్లినియం బ్లాక్ నుండి ఐటిఎమర్ భవనానికి ల్యాబ్ ని టెస్టుల ప్రక్రియ కోసం మార్చడం తో బాధితులు గా మారుతున్న ల్యాబ్ సిబ్బంది .
  • కర్నూలు: నంద్యాలకు చెందిన బ్యాంక్ ఉద్యోగి కరోనాతో మృతి. మృతి చెందిన వ్యక్తి శిరివెళ్ళ మండలం యర్రగుంట్ల స్టేట్ బ్యాంక్ లో ఉద్యోగం . మృతి చెందిన వ్యక్తి కరోనా టెస్ట్ చేయించుకో గా కరోనా నిర్దారణ. పరిస్థితి విషమంగా ఉండగా కర్నూలు తరలిస్తూండగా కోలుకోలేక మృతి.
  • వరంగల్: నేడు సంపూర్ణ శాకాంబరీగా దర్శనమిస్తున్న భద్రకాళి అమ్మవారు. కరోనా వైరస్ వ్యాప్తి నేపథ్యంలో పలు ఆంక్షల మధ్య ఉత్సవాలు. భక్తులు ఎవరూ అమ్మవారికి కూరగాయలు తీసుకురావద్దని విజ్ఞప్తి. నిరాడంబరంగా ఉత్సవాలు.. నేరుగా తోట నుండి కూరగాయలు సేకరించి అమ్మవారిని సంపూర్ణ శాకాంబరీగా అలంకరించిన ఆలయ పూజారులు. సాయంత్రం 8గంటల వరకే దర్శనాలు.
  • చెన్నై మహానగరాన్ని కుదిపేస్తున్న కరోనా మహమ్మారి ,వెయ్యి మందికి పైగా మృతి . రాష్ట్రవ్యాప్తం గా 13 జిల్లాలో చెన్నై లోనే కరోనా బాధితుల సంఖ్య వేగం గా పెరుగుతుంది . రోజు వేల సంఖ్యలో కేసులు నమోదుకావడం తో ఇప్పటివరకు 66 వేల 538 మంది కి కరోనా నిర్ధారణ . చెన్నైనగరం లో కరోనా మహమ్మారికి 1 ,033 మంది మృతి చెందినట్టు అధికారులు వెల్లడి .
  • తెలంగాణ కరోనా కేసుల అప్డేట్స్: 17వేల మార్క్ కు చేరువలో జిహెచ్ఎంసి కేసులు. రాష్ట్రంలో ఈరోజు కరోనా పాజిటివ్ కేసులు 1850. తెలంగాణ రాష్ట్రంలో మొత్తం కేసులు- 22312. జిహెచ్ఎంసి పరిధిలో - 1572. ఈరోజు కరోనా తో చనిపోయిన వారు - 5. టోటల్ డెత్స్ - 288 చికిత్స పొందుతున్న వారు- 10487. డిశ్చార్జి అయిన వారు -11537.

మౌలానా సాద్ కు తప్పని ట్రబుల్స్.. ఐదుగురు సహచరుల పాస్ పోర్టులు సీజ్

Paasports Of Tablighi Jamaat, మౌలానా సాద్ కు తప్పని ట్రబుల్స్.. ఐదుగురు సహచరుల పాస్ పోర్టులు సీజ్

దేశంలో కరోనా వైరస్ కేసులు  ప్రబలడానికి కారణమని భావిస్తున్న తబ్లీఘీ జమాత్ మళ్ళీ వార్తల్లోకి వచ్చింది. ఈ  సంస్థ చీఫ్ మౌలానా సాద్ కందాల్వీ కి అత్యంత సన్నిహితులైన ఐదుగురి పాస్ పోర్టులను ఢిల్లీ క్రైమ్ బ్రాంచి పోలీసులు స్వాధీనం చేసుకున్నారు. ముప్తీ షహజాద్, జీషాన్, ముర్సాలిన్ సైఫీ, మహమ్మద్ సల్మాన్, యూనస్ అనే ఈ ఐదుగురూ దేశం వదిలి వెళ్లరాదని పోలీసులు ఆదేశించారు. వీరంతా సాద్ తీసుకునే కీలక నిర్ణయాల్లో ఆయనకు ‘చాలా’ సహకరించేవారట.. ముఖ్యంగా మర్కజ్ కి సంబంధించిన వ్యవహారాల్లో ఆయనకు చేదోడువాదోడుగా ఉండేవారట. దీంతో పోలీసులు వీరిపై  ప్రత్యేకంగా నజర్ పెట్టారు.

ఇక జమాత్ లో సభ్యులుగా ఉన్న విదేశీయుల మీద కూడా ఖాకీలు ఉచ్ఛు బిగిస్తున్నారు. త్వరలో ఇలాంటి 916 మందిపై చార్జిషీట్ దాఖలు చేయనున్నారు. ఈ విదేశీ జమాత్ సభ్యులంతా ఇదివరకే వీసా రూల్స్ ని అతిక్రమించారని, వారి పాస్ పోర్టులను, ఇతర డాక్యుమెంట్లను సీజ్ చేశామని పోలీసులు తెలిపారు. 67 దేశాలకు చెందిన వీరంతా టూరిస్టు వీసాపై ఇండియాకు వచ్చారని, కానీ ‘టూరిస్టు టూర్లకు’ పోకుండా మతపరమైన కార్యక్రమాల్లో పాల్గొంటూ వచ్చారని తెలిసింది. వీరిలో ముగ్గురిని ఖాకీలు ఇదివరకే ఇంటరాగేట్ చేశారు. మౌలానా సలహా పైనే తాము మార్చి 20 తరువాత కూడా మర్కజ్ లో ఉన్నామని వీరు చెప్పినట్టు వెల్లడైంది.

 

 

Related Tags