Leopard: కోతి కాదు చిరుతే.. చెట్లపై యమ జంపింగ్‌లు చేస్తున్న చిరుత.. చూస్తే షాకే.. వీడియో

Leopard Climbs Trees

Leopard climbs trees: జంతు ప్రపంచంలో ఎన్నో అద్భుతాలు జరుగుతుంటాయి. ఆధునిక ప్రపంచంలో అందుబాటులోకి వచ్చిన సోషల్ మీడియా పుణ్యమా అంటూ ఇప్పుడు ఆ అద్భుతాలన్నీ మనకు అరచేతిలోనే దర్శనమవుతున్నాయి. వింతలు, పలు విశేషాలు మనల్ని ఆహ్లాదపరచడంతోపాటు.. షాకయ్యేలా చేస్తుంటాయి. ప్రస్తుతం అడవి జంతులకు సంబంధించిన చిత్రవిచిత్రమైన వీడియోలు నెటిజన్లను తెగ ఆకట్టుకుంటున్నాయి. వాటిల్లో కొన్ని భయం కలించే విధంగా ఉంటే, మరికొన్ని క్యూట్‌గా ఉంటున్నాయి. తాజాగా ఓ చిరుతపులి వీడియో తెగ ఆకట్టుకుంటోంది. అచ్చం కోతి లాగా జంప్ చేస్తూ ఆశ్చర్యానికి గురిచేస్తోంది.

మామూలుగా కోతులు చెట్లకొమ్మలపై చాలా సులువుగా జంప్‌ చేయటం చూస్తుంటాయి. అయితే, ఇక్కడ ఓ చిరుత పులి ఎంతో ఈజీగా చెట్టు ఎక్కేస్తోంది. అంతేకాదు, ఒక చెట్టు మీద నుంచి మరో చెట్టు మీదకు కూడా ఇట్టే దూకేస్తోంది. కోతులు దూకేసిన సులువుగా చిరుత కూడా చెట్లు ఎక్కగలదని ప్రపంచానికి తెలియజేస్తోంది. ప్రస్తుతం ఈ వీడియో సోషల్‌ మీడియాలో తెగ హల్‌చల్‌ చేస్తోంది. ఈ ఘటన జరిగిందో ఎక్కడో తెలియదు గానీ, చెట్టెక్కుతున్న చిరుతపులి మాత్రం నెట్టింట్లో హల్‌చల్ చేస్తోంది. అయితే.. ఈ చిరుతను చూసిన నెటిజన్లు షాక్‌‌కు గురై తెగ కామెంట్లు పెడుతున్నారు. కొతి కాదు .. ఇది చిరుతేనంటూ కామెంట్లు చేస్తున్నారు.

ఇంకేందుకు ఆలస్యం మీరు కూడా వీడియోను చూడండి..