Breaking News
  • మహబూబ్‌నగర్‌లో టెండర్‌ ఓటు నమోదు. 41వ వార్డులో 198వ పోలింగ్‌ కేంద్రంలో టెండర్‌ ఓటు నమోదు. ఘటనపై జిల్లా ఎన్నికల అధికారుల ఆగ్రహం. ఐదుగురు ఉద్యోగులను సస్పెండ్‌ చేస్తూ ఉత్తర్వులు. రీపోలింగ్‌ నిర్వహించాలని జిల్లా ఎన్నికల అధికారి ఆదేశం.
  • ల్యాండ్‌ పూలింగ్‌ సమయంలో చంద్రబాబు అనుచరులు భూములు కొన్నారు. మా దగ్గర ఆధారాలు ఉన్నాయి-అంబటి. చట్టప్రకారం వాళ్లమీద యాక్షన్‌ తీసుకుంటాం-అంబటి. లోకేష్‌, చంద్రబాబు తాబేదారులు భూములు కొన్నారు-అంబటి.
  • కడప: ప్రొద్దుటూరులో ముగ్గురు క్రికెట్‌ బుకీల అరెస్ట్‌. రూ.2,68 లక్షలు స్వాధీనం.
  • ఏపీ హైకోర్టులో ఉత్కంఠ. సీఆర్‌డీఏ రద్దు, రాజధాని తరలింపు పిటిషన్ల కీలక విచారణ. వాదోపవాదాలు తెలుసుకోవటం కోసం వచ్చిన.. వైసీపీ ఎంపీ విజయసాయిరెడ్డి, టీడీపీ ఎంపీ కేశినేని నాని. ప్రభుత్వం తరపున వాదనలు వినిపించనున్న.. మాజీ అటార్నీ జనరల్‌ ముకుల్‌ రోహిత్గి.
  • ఎవరైనా చట్టాలకు లోబడే పనిచేయాలి. మండలిలో జరిగేది ప్రజలకు తెలియకూడదనే ప్రసారాలు నిలిపేశారు. మండలిలో ఏ పార్టీ అధికారంలో ఉన్నా చట్టం ప్రకారమే నడవాలి. మండలి చైర్మన్‌కు అధికార పార్టీ నేతలు నరకం చూపించారు. బిల్లును హడావుడిగా ఆమోదించుకోవాలని ఎందుకు ప్రయత్నిస్తున్నారు. బెయిల్‌పై ఉన్న విజయసాయిరెడ్డికి కౌన్సిల్‌లో ఏం పని. -ఎమ్మెల్సీలు అశోక్‌బాబు, దీపక్‌, బచ్చులఅర్జునుడు, సత్యనారాయణరాజు.

నీరవ్ మోదీ ఆర్ధిక నేరగాడు.. ముంబై కోర్టు

PNB fraud: PMLA court declares Nirav Modi, నీరవ్ మోదీ ఆర్ధిక నేరగాడు.. ముంబై కోర్టు

వజ్రాల వ్యాపారి నీరవ్ మోదీని పరారీలో ఉన్న ఆర్ధిక నేరస్థునిగా ముంబై హైకోర్టులో ని ప్రత్యేక కోర్టు ప్రకటించింది. ప్రస్తుతం లండన్ లో గల వాండ్స్ వర్త్ జైలులో ఉన్న ఈయనను ఈ మేరకు ప్రకటించాలని ఈడీ తన పిటిషన్ లో కోరింది. పంజాబ్ నేషనల్ బ్యాంకును రూ 14 వేల కోట్ల మేర మోసగించిన కేసులో దోషి అయిన ఈయన క్రిమినల్ ప్రాసిక్యూషన్ ను తప్పించుకునేందుకు విదేశాలకు పారిపోయారని ఈడీ పేర్కొంది.

స్పెషల్ కోర్టు ఈ సంస్థ అభ్యర్థనను అంగీకరించడంతో.. విదేశాల్లో ఉన్న నీరవ్ ఆస్తులను స్వాధీనం చేసుకోవడానికి మార్గం సుగమమైంది. ఓ ప్రత్యేక చట్టం కింద ఆర్ధిక నేరగాడిగా ప్రకటించిన వ్యక్తుల్లో నీరవ్ మోడీ రెండవ వాడు. మొదట లిక్కర్ కింగ్ విజయ్ మాల్యాను ఈ ‘ నేరగాడి ‘ గా ప్రకటించారు. అటు-స్పెషల్ కోర్టులో తన కేసు విచారణపై స్టే విధించాల్సిందిగా కోరుతూ నీరవ్ మోడీ బంధువు మెహుల్ చోక్సీ దాఖలు చేసిన విజ్ఞప్తిని కోర్టు తోసిపుచ్చింది. ఈయనను కూడా ఆర్ధిక నేరస్థునిగా ప్రకటించాలని ఈడీ కోరింది.