మరో వివాదంలో నెట్‌ఫ్లిక్స్..’ఏ సూటబుల్ బాయ్’ వెబ్ సిరీస్‌పై ఆక్షేపణలు.. ఆలయంలో ముద్దులపై ఆగ్రహం

కరోనా దెబ్బకు థియేటర్లన్ని మూత పడటంతో ఓటీటీలు బాగా వృద్ధిలోకి వచ్చాయి. లాక్‌డౌన్‌లో వరుసగా సినిమాలను రిలీజ్ చేస్తూ సినీ ప్రేక్షకులను అలరించాయి. ముఖ్యంగా చిన్న సినిమాలకు ఓ వరంగా మారాయి. అయితే ఇటీవల ప్రముఖ ఓటీటీ సంస్థ నెట్‌ఫ్లిక్స్ వివాదాలకు కేరాఫ్ అడ్రస్‌గా మారుతోంది. తాజాగా ఈ ఫ్లాట్ పైం రిలీజైన ‘ఏ సూటబుల్ బాయ్’ అనే వెబ్ సిరీస్ కాంట్రవర్సీగా మారింది. హిందువుల మనోభావాలను కించపరిచే విధంగా ఈ సిరీస్‌ను రూపొందించారని మధ్యప్రదేశ్‌లో కేసు నమోదైంది. ఈ సిరీస్‌లో ఓ ఆలయంలో ముద్దు సన్నివేశాలను చూపించడం ద్వారా ప్రజల ఆగ్రహానికి గురవుతోంది. హిందువుల సంప్రదాయాలను కించపరిచేలా నెట్‌ఫ్లిక్స్ వ్యవహరిస్తోందని ఆరోపణలు వెల్లువెత్తుతున్నాయి. అసభ్యకరంగా ఉన్న ఆ సన్నివేశాలను తొలగించి క్షమాపణలు చెప్పాలని బీజేపీ నాయకులు డిమాండ్ చేస్తున్నారు. అలాగే నెట్‌ఫ్లిక్స్‌కు చెందిన ఇద్దరు ఎగ్జిక్యూటివ్‌లు నెట్‌ఫ్లిక్స్ కంటెంట్ వైస్ ప్రెసిడెంట్ మోనికా షెర్గిల్, పబ్లిక్ పాలసీ డైరెక్టర్ అంబికా ఖురానాలపై కేసు నమోదు చేసినట్లు మధ్యప్రదేశ్ హోం మంత్రి నరోత్తం మిశ్రా తెలిపారు.