Breaking News
  • చిత్తూరు: పలమనేరు మండలం మండిపేటలో ఎనుగుల విధ్వంసం. పంటపొలాలపై దాడి, కొబ్బరి చెట్లు ధ్వంసం. పశువులపైనా దాడి చేసిన గజరాజులు. దూడ మృతి, మరో ఆవుకు తీవ్ర గాయాలు. భయాందోళనలో రైతులు.
  • ప.గో: భీమడోలు మండలం పొలసానిపల్లిలో హత్యాయత్నం. భర్తను చంపేందుకు యత్నించిన భార్య. కూరలో సైనైడ్‌ కలిపి భర్తకు వడ్డించిన భార్య. పోలీసులకు ఫిర్యాదు చేసిన బాధితుడు గురునాథ్‌. భార్య రాణి, కొడుకు సహా మరోముగ్గురిపై కేసు నమోదు.
  • హైదరాబాద్‌: పంజాగుట్టలో దొంగల బీభత్సం. అర్ధరాత్రి ముగ్గురు మహిళలు ఉన్న ఇంటిలోకి ప్రవేశించిన దొంగలు. తీవ్రంగా ప్రతిఘటించిన మహిళలు. ఓ మహిళపై సుత్తితో దాడి చేసిన దొంగ. మహిళకు తీవ్ర గాయాలు, ఆస్పత్రికి తరలింపు. సీసీ ఫుటేజ్‌ ఆధారంగా దర్యాప్తు చేస్తున్న పోలీసులు.
  • సెల్ఫ్‌ డిసిప్లేన్‌ లేకపోవడంతో ప్రమాదాలు జరుగుతున్నాయి. ఫైన్‌లు వేసినంత మాత్రానా మార్పు రాదు. వాహనదారులు స్వీయ క్రమశిక్షణ అలవర్చుకోవాలి. బయోడైవర్సిటీ ప్రమాదం తర్వాత అనేక చర్యలు చేపట్టాం. వాహనదారుల్లో మార్పు రాకుంటే నిర్దిష్ట వేగాన్ని కఠినంగా అమలు చేస్తాం. వాహనదారులు సర్కస్‌ ఫీట్లు చేస్తున్నారు కాబట్టి ప్రమాదాలు జరుగుతున్నాయి. నిబంధనలు పాటించేవారు కూడా నష్టపోతున్నారు -టీవీ9తో ట్రాఫిక్‌ డీసీపీ విజయ్‌కుమార్‌.
  • ఖమ్మం కలెక్టరేట్‌ దగ్గర ఉద్రిక్తత. రెండు రోజుల క్రితం అదృశ్యమైన హాస్టల్‌ విద్యార్థి మృతదేహం లభ్యం. గోపాలపురం దగ్గర ఎన్‌ఎస్పీ కాలువలో మృతదేహం గుర్తింపు. మృతదేహంతో కలెక్టరేట్‌ దగ్గర బంధువుల ఆందోళన.
  • అమరావతి: ఐటీ దాడుల పూర్తి పంచనామా రిపోర్ట్‌ విడుదల. భారీగా డైరీలు, రిజిస్టర్‌లు స్వాధీనం చేసుకున్నట్టు వెల్లడించిన ఐటీశాఖ. కొన్ని విలువైన డాక్యుమెంట్లు సీజ్‌. ఏవీ సుబ్బారెడ్డికి చెందిన లాకర్లు సీజ్‌ చేసినట్టు పంచనామాలో వెల్లడి.

నెల్లూరులో బాలుడి కిడ్నాప్.. 3గంటల్లో ఛేజ్

Nellore Police Chases Newly Born Baby Kidnap Case, నెల్లూరులో బాలుడి కిడ్నాప్.. 3గంటల్లో ఛేజ్

నెల్లూరులోని ప్రభుత్వ చిన్నపిల్లల ఆసుపత్రిలో పసికందు కిడ్నాపైన కేసును మూడు గంటల్లో చేధించారు పోలీసులు. గుర్తు తెలియని మహిళ పసికందును అపహరించినట్లు సీసీటీవీ ఫుటేజీ ఆధారంగా గుర్తించిన పోలీసులు మూడు గంటల్లో పట్టుకున్నారు. జిల్లాలోని కోట మండలానికి చెందిన లక్ష్మి అనే మహిళకు మంగళవారం మగబిడ్డ జన్మించాడు. ఆ తర్వాత బాలుడిని ఐసీయూలో ఉంచారు. అయితే ఈ ఉదయం 10.00 గంటల ప్రాంతంలో ఇంటెన్సివ్ కేర్ యూనిట్‌లో ఉన్న పసికందును ఓ మహిళ ఎత్తుకెళ్లింది. తాను బాలుడి తల్లిని అని చెప్పి పసికందును ఎత్తుకెళ్లింది.

సంతకం కూడా లక్ష్మి అనే చేయడంతో ఆమే తల్లి అని ఆస్పత్రి సిబ్బంది భావించారు. అయితే పసికందు కిడ్నాప్ అయిందని తెలిసి ఇటు కుటుంబ సభ్యులు, అటు ఆస్పత్రి సిబ్బంది ఆందోళన చెందారు. ఆస్పత్రిలో పసికందు మాయమైందనే సమాచారం అందిన వెంటనే పోలీసులు రంగంలోకి దిగారు. నెల్లూరు చుట్టూ 8 చెక్ పోస్టులు ఏర్పాటు చేశారు. సీసీటీవీ ఫుటేజీ ఆధారంగా బాలుడిని ఎత్తుకెళ్లిన మహిళను పట్టుకున్నారు. ఆ తర్వాత కన్నతల్లికి బాలుడిని అప్పగించారు. కిడ్నాప్‌కు పాల్పడిన మహిళను కోవూరుకు చెందిన వ్యక్తిగా గుర్తించారు.

Related Tags