ప్రేయర్ తో కరోనా పోతుందా ? మంత్రిగారి ‘గో కరోనా ‘ ప్రార్థన

మంత్రాలకు చింతకాయలు రాలతాయో, రాలవో తెలియదు గానీ సాక్షాత్తూ ఓ కేంద్ర మంత్రిగారే కరోనాను ‘వెళ్లిపొమ్మంటూ’ ప్రార్థనలు చేశారు. ఈ వింత.. విడ్డూరం ముంబైలో జరిగింది. గత నెల 20 న ఇండియా గేట్ వద్ద ఓ ప్రేయర్ సెషన్ జరుగుతుండగా .. మంత్రి రామదాస్ అథవాలే.. ‘జపించిన మంత్రమిది’! అర్థరహితమైన ఈ కార్యక్రమంలో ఇండియాలో భారత దౌత్య ప్రతినిధి టాంగ్ గూకోయ్, కొందరు బౌద్ధ సన్యాసులు పాల్గొన్నారు. వీళ్ళు కూడా రామదాసు గారితో గళం కలిపారు. గత నెల 20 న జరిగిన ఈ నిర్వాకం తాలూకు వీడియో ఆలస్యంగా వెలుగులోకి వచ్చింది. ప్రపంచమంతా ఓ వైపు కరోనా అదుపునకు వ్యాక్సీన్ ను కనుగొనడానికి  శతవిధాలా ప్రయత్నిస్తుంటే.. మరోవైపు రామదాసు వంటి మంత్రులు ‘గో కరోనా’ అంటూ ప్రార్థనలు జరపడం విడ్డూరం గాక మరేమిటి అన్న కామెంట్లు వినిపిస్తున్నాయి. గో అంటే ‘వెళ్లిపోవడానికి’ ఈ మహమ్మారి అంత ఈజీగా ‘వెళ్ళిపోతే’  ఇక  రీసెర్చర్లు  చెమటలు గక్కేలా..కోట్లాది డాలర్ల వ్యయంతో నిర్వహించే పరిశోధనలెందుకు  ? ఆసుపత్రుల్లో ఐసొలేషన్ వార్డులెందుకు ?