Driving Test Centres: డ్రైవింగ్ లైసెన్స్ శిక్షణ కేంద్రాన్ని ప్రారంభించాలనుకుంటున్నారా.. నియమాలు.. నిబంధనలు తెలుసుకోండి..
Driving Test Centres: డ్రైవింగ్ లైసెన్స్ పొందడానికి RTO చుట్టూ తిరుగుతున్నారా...? భారీ క్యూ లైన్లు కనిపిస్తున్నాయా..? ఇక అలాంటి తిరగాల్సిన అవసరం లేదు. DL తయారీకి కేంద్ర ప్రభుత్వం కొత్త వ్యవస్థను రూపొందించింది.
డ్రైవింగ్ లైసెన్స్ పొందడానికి RTO చుట్టూ తిరుగుతున్నారా…? భారీ క్యూ లైన్లు కనిపిస్తున్నాయా..? ఇక అలాంటి తిరగాల్సిన అవసరం లేదు. DL తయారీకి కేంద్ర ప్రభుత్వం కొత్త వ్యవస్థను రూపొందించింది. ప్రతిరోజూ వందలాది దరఖాస్తులు RTO కార్యాలయానికి వస్తుంటాయి. ప్రతి వ్యక్తి డ్రైవింగ్ పరీక్ష తీసుకోవడానికి చాలా సమయం పడుతుంది. దీని కారణంగా మీ వంతు చాలా ఆలస్యంగా వస్తుంది. లైసెన్స్ పొందడంలో చాలా ఆలస్యం జరుగుతుంది. అటువంటి పరిస్థితిలో డ్రైవింగ్ లైసెన్స్ పొందే ప్రక్రియను సులభతరం చేయడానికి కేంద్ర ప్రభుత్వం కొత్త మార్గదర్శకాలను జారీ చేసింది. ఇప్పుడు ప్రాంతీయ రవాణా కార్యాలయం (RTO)తో పాటు.. వాహన తయారీదారుల సంఘాలు, లాభాపేక్షలేని సంస్థలు, ప్రైవేట్ కంపెనీలకు కూడా డ్రైవింగ్ లైసెన్స్‌లను జారీ చేసే అవకాశాన్ని ఇచ్చింది.
అలాంటి కంపెనీలు లేదా సంస్థలు లైసెన్సులు జారీ చేయగలవా?
కొత్త మార్గదర్శకాల ప్రకారం.. డ్రైవింగ్ లైసెన్స్ జారీ చేయడానికి కొత్త సదుపాయంతో పాటు డ్రైవింగ్ లైసెన్స్‌లు కూడా ప్రాంతీయ రవాణా కార్యాలయాలు అంటే RTO ల ద్వారా జారీ చేయబడతాయి. ఇక ముందు ప్రైవేటు సంస్థలు, NGOలు, ప్రైవేట్ కంపెనీలు, ఆటోమొబైల్ అసోసియేషన్లు, వాహనాల తయారీదారుల సంఘాలు, స్వయంప్రతిపత్తి సంస్థలు, ప్రైవేట్ వాహన తయారీదారులు వంటి సంస్థలు ఇక్కడ ఓపెన్ డ్రైవింగ్ శిక్షణ కేంద్రాలకు దరఖాస్తు చేసుకోవచ్చు.
అవసరమైన సౌకర్యాలు కలిగి, ఆర్థిక సామర్థ్యాన్ని చూపించాలి
డ్రైవింగ్ ట్రైనింగ్ సెంటర్‌ను తమ స్వంత ప్రదేశంలో ప్రారంభించాలనుకునే సంస్థలు సెంట్రల్ మోటార్ వాహనాల చట్టం 1989 ప్రకారం నియమాలు కలిగి ఉండాలి.. నిర్దేశించిన భూమిపై అవసరమైన సౌకర్యాలు కలిగి ఉండటం అవసరం. ఇది మాత్రమే కాదు.. ఎవరైనా రాష్ట్ర, కేంద్రపాలిత ప్రాంతంలో దీని కోసం దరఖాస్తు చేసుకుంటే అది నిర్వహించేందుకు కావల్సిన ఆర్థిక సామర్థ్యాన్ని చూపించాల్సి ఉంటుంది.
దరఖాస్తు ప్రక్రియ ఇలా ఉంటుంది
అప్లికేషన్‌లో ఆర్థిక సామర్థ్యం, చట్టపరమైన స్థితి, శిక్షణ, పరీక్ష కోసం ఎంత స్థలం అందుబాటులో ఉంది.. లేదా మౌలిక సదుపాయాలు, శిక్షణ అందించే ట్రైనీలు, డ్రైవింగ్ శిక్షణ, రోడ్డు భద్రతా అనుభవం, కనెక్టివిటీ, పబ్లిక్ యాక్సెస్, సిటీ-టు-సిటీ. శిక్షణ కేంద్రం ఎంత దూరంలో ఉంది , ఈ సమాచారం అంతా అక్కడ అందించాల్సి ఉంటుంది.
కేంద్ర ప్రభుత్వ లెక్కల ప్రకారం డ్రైవింగ్ శిక్షణ కేంద్రాన్ని ప్రారంభించే ప్రక్రియ దరఖాస్తు చేసిన 60 రోజుల్లోపు పూర్తి చేయాలి. ఈ శిక్షణా కేంద్రాలు వారి వార్షిక నివేదికను కూడా సమర్పించాల్సి ఉంటుంది. దీనిని RTO లేదా DTO కి సమర్పించవచ్చు. కొత్త నిబంధనల ప్రకారం.. ఈ శిక్షణా కేంద్రాలను నడుపుతున్న సంస్థలు కార్పొరేట్ రంగం నుండి లేదా కేంద్ర లేదా రాష్ట్ర ప్రభుత్వం యొక్క ఏదైనా ఇతర పథకం కింద లేదా కార్పొరేట్ యొక్క సామాజిక బాధ్యత కింద సహాయం పొందవచ్చు.
ఆన్‌లైన్ పోర్టల్ కూడా సృష్టించాలి
గుర్తింపు పొందిన కేంద్రాలు ఆన్‌లైన్ పోర్టల్‌ను కూడా ప్రారంభించాలి. దీనిలో శిక్షణ క్యాలెండర్, శిక్షణ కోర్సు నిర్మాణం, శిక్షణ గంటలు, పనిదినాల గురించి సమాచారం ఇవ్వాల్సి ఉంటుంది. ఈ ఆన్‌లైన్ పోర్టల్‌లో శిక్షణ/శిక్షణ పొందిన వ్యక్తుల జాబితా, శిక్షకుల వివరాలు, శిక్షణ ఫలితాలు, అందుబాటులో ఉన్న సౌకర్యాలు, సెలవుల జాబితా, శిక్షణ ఫీజులు మొదలైన అనేక సమాచారం కూడా ఉండాలి.
ఇవి కూడా చదవండి: Mysterious Lake of No Return: ఈ సరస్సులోకి దిగినవారు తిరిగి రాలేదు.. ఇండియన్ బెర్ముడాగా పిలిచే ఈ పర్యాటక ప్రాంతం ఎక్కడుందో తెలుసా..
Gupta Nidhulu: ధనవంతులుగా మారండి.. ఆ గుప్తనిధులు మీ సొంతం కావచ్చు.. మాటల మాంత్రికులకు మోత మొగింది..