Congress Leader Rahul Gandhi: వయనాడ్ వయో వృద్దులతో కలిసి రాహుల్ గాంధీ సహపంక్తి భోజనం..

కేరళ మలప్పురం జిల్లాలోని వయో వృద్దుల ఆశ్రమంలో కాంగ్రెస్ నేత రాహుల్ గాంధీ మంగళవారం సహపంక్తి భోజనం చేశారు. గాంధీ భవన్ స్నేహారామం అనే ఈ వృధాశ్రమానికి ఆయన ఈ మధ్యాహ్నం చేరుకున్నారు. ఆయన తన నియోజకవర్గమైన వయనాడ్ లో...

Congress Leader Rahul Gandhi

Umakanth Rao | Edited By: Anil kumar poka|
Updated on: Aug 17, 2021 | 6:17 PM

కేరళ మలప్పురం జిల్లాలోని వయో వృద్దుల ఆశ్రమంలో కాంగ్రెస్ నేత రాహుల్ గాంధీ మంగళవారం సహపంక్తి భోజనం చేశారు. గాంధీ భవన్ స్నేహారామం అనే ఈ వృధాశ్రమానికి ఆయన ఈ మధ్యాహ్నం చేరుకున్నారు. ఆయన తన నియోజకవర్గమైన వయనాడ్ లో రెండు రోజులు పర్యటించనున్నారు. సహపంక్తి భోజనానికి ముందు రాహుల్.. ఈ నియోజకవర్గంలోని అభివృద్ధి ప్రాజెక్టులను సమీక్షించారు. తమ పార్టీ కార్యకర్తల సమావేశంలోనూ పాల్గొన్నారు. కరసేరి పంచాయతీలో రైతు దినోత్సవాన్ని ప్రారంభించి ఉత్తమ రైతులను రాహుల్ సత్కరించారు. ఓనం ని పురస్కరించుకుని పంచాయతీ ప్రెసిడెంట్ ఆయనకు ఓనం లో భాగంగా ఇచ్చే ఫెస్టివ్ ఔట్ ఫీట్స్ ను సమర్పించారు. కాగా ఈ సందర్భంగా కూడా రాహుల్.. కేంద్రంపై విరుచుకపడ్డారు.

పెద్ద నోట్ల రద్దు, వివాదాస్పద రైతు చట్టాలు, జీఎస్టీ వంటివాటిపై కేంద్రాన్ని ఆయన నిలదీశారు. ఈ విధమైన విధానాలు కేంద్రంలోని బీజేపీ ప్రభుత్వ ప్రతిష్టను దిగజార్చాయన్నారు. కాగా- మన చరిత్రలో వ్యవసాయం ఓ ప్రత్యేకతను సంతరించుకున్నదని, ఇది మన సంస్కృతి, వారసత్వాలను ప్రతిబింబిస్తుందని ఆయన చెప్పారు. అన్నదాతలన్నా వారి ఇన్నోవేషన్ అన్నా తనకెంతో గౌరవమని రాహుల్ పేర్కొన్నారు. వారి నైపుణ్యం ఈ దేశానికి ఎంతో అవసరమన్నారు. ఈ దేశానికి వారిస్తున్న వ్యవసాయ సంపద అమూల్యమని ఆయన వ్యాఖ్యానించారు. అటు.. బీజేపీ అధ్యక్ధుడు జేపీ నడ్డా.. రాహుల్ కేరళ పర్యటన గురించి ఎద్దేవా చేస్తూ.. కేరళలో పొలిటికల్ టూరిజం నడుస్తోందని సెటైర్ వేశారు. అమేథీలో ఓడిపోయి రాహుల్ వయనాడ్ చేరుకున్నారని, రాష్ట్రాలు మారినంత మాత్రాన ఒకరి నడవడిక, ఉద్దేశాలు మారవని నడ్డా పేర్కొన్నారు.

Kerala: Congress leader Rahul Gandhi had onasadya with the residents of Gandhi Bhavan Sneharamam (old age home) at Wandoor in Malappuram district today. pic.twitter.com/yvhN5zsWO1

— ANI (@ANI) August 17, 2021