Amit Shah Birthday Special: నెట్టింట వైరలవుతున్న మోదీ-షాల అరుదైన ఫొటో.. అస్సాం ముఖ్యమంత్రి స్పెషల్ విషెస్..
కేంద్ర హోం మంత్రి అమిత్ షా నేడు (అక్టోబర్‌ 22) పుట్టిన రోజు జరుపుకుంటున్న సంగతి తెలిసిందే. ఈ సందర్భంగా అస్సాం ముఖ్యమంత్రి హిమంత బిశ్వ శర్మ కూడా షాకు జన్మదిన శుభాకాంక్షలు తెలుపుతూ మోదీ ముఖ్యమంత్రిగా పనిచేసిన సమయంలో..
కేంద్ర హోం మంత్రి అమిత్ షా నేడు (అక్టోబర్‌ 22) పుట్టిన రోజు జరుపుకుంటున్న సంగతి తెలిసిందే. నేటితో 58వ వసంతంలోకి అడుగుపెడుతున్న షా దేశ సేవలో సుదీర్ఘకాలం ఆయురారోగ్యాలతో జీవించాలని ఆకాంక్షిస్తూ ప్రధాని నరేంద్ర మోదీ శనివారం ట్వీటర్‌ ద్వారా శుభాకాంక్షలు తెలిపారు. ఈ క్రమంలో అస్సాం ముఖ్యమంత్రి హిమంత బిశ్వ శర్మ కూడా షాకు జన్మదిన శుభాకాంక్షలు తెలుపుతూ మోదీ ముఖ్యమంత్రిగా పనిచేసిన సమయంలో షా-మోదీ కలిసి ఉన్న ఓ పాత ఫోటోను ట్వీట్ చేశారు. షా-మోదీల ద్వయం బీజేపీ ఎదుగుదలలో కీలక పాత్ర పోషించారని, వారి స్నేహం ఎల్లప్పుడు ఇలాగే ఉండాలని ఆకాంక్షిస్తు్న్నట్లు తెలిపారు. ‘నవ భారత నిర్మాణంలో ‘కీ ఆర్కిటెక్ట్’గా పనిచేస్తున్న నరేంద్ర మోడీ జీ పక్షాన దశాబ్దాలుగా ఉంటూ, బీజేపీ ఎదుగుదలలో అమిత్ షా కీలకపాత్ర పోషించారు. హోం మినిస్టర్‌గా షా దేశ అంతర్గత భద్రతను అత్యున్నత శిఖరాలకు చేర్చార’ని తన ట్వీట్‌లో ప్రశంసలు కురిపించారు. కాగా ప్రస్తుతం వీరి ఫొటో నెట్టింట వైరల్ అవుతోంది.
హోం మంత్రి అమిత్ షాకు బర్త్ డే విషెస్ తెలియజేస్తూ ప్రధాని మోదీ చేసిన ట్వీట్..
ఈ సందర్భంగా అమిత్ షాకు కేంద్రమంత్రులు రాజ్‌నాథ్ సింగ్, నితిన్ గడ్కరీ, స్మృతి ఇరానీ, భూపేంద్ర యాదవ్, పలువురు బీజేపీ నేతలు సోషల్‌ మీడియా వేదికగాశుభాకాంక్షలు తెలిపారు.
మరిన్ని జాతీయ వార్తల కోసం ఇక్కడ క్లిక్ చేయండి.