హైదరాబాద్ కూకటపల్లిలో ఓ ప్రైవేట్‌ ట్రావెల్స్ బస్సులో ఒక్కసారిగా మంటలు చెలరేగాయి. బస్సుపై భాగంలో ఏసీ వద్ద మంటలు రావడంతో కొందరు ప్రయాణికులు భయాందోళనలకు గురయ్యారు. విషయాన్ని బస్సు డ్రైవర్‌‌కు తెలియజేయడంతో.. వెంటనే బస్సును నిలిపివేశాడు. వెంటనే అందులో ఉన్న ప్రయాణికులు కిందకు దిగేశారు. దీంతో పెను ప్రమాదం తప్పింది. సమాచారం అందుకున్న ఫైర్ సిబ్బంది ఘటనాస్థలానికి చేరుకుని.. మంటలను అదుపుచేశారు. మియాపూర్‌ నుంచి తిరుపతి బయల్దేరిన మేఘన ట్రావెల్స్ బస్సు 60 మంది ప్రయాణికులతో బయల్దేరింది. కూకట్‌పల్లి బస్సు డిపో వద్దకు రాగానే మంటలు చెలరేగాయి. అయితే షార్ట్ సర్క్యూట్ కారణంగానే ఈ ఘటన చోటుచేసుకున్నట్లు తెలుస్తోంది.
Breaking News
- అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
- బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
- అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
- కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్, ట్రక్‌ స్వాధీనం.
- చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.