Breaking News
  • మణిపూర్ అసెంబ్లీలో బలనిరూపణలో గెలిచిన బీజేపీ. సభలో 28 మంది బీజేపీ, 16మంది కాంగ్రెస్ ఎమ్మెల్యేల హాజరు. గైర్హాజరైన 8 మంది కాంగ్రెస్ ఎమ్మెల్యేలు. ఓటింగ్ అనంతరం నినాదాలతో హంగామా చేసిన కాంగ్రెస్. కుర్చీలను విసిరేసిన నిరసన తెలిపిన కాంగ్రెస్.
  • వెంటిలేటర్ మీద మాజీ రాష్ట్రపతి ప్రణబ్ ముఖర్జీ. బ్రెయిన్లో బ్లడ్ క్లాట్ కోసం చేసిన సర్జరీ విజయవంతం.
  • బెజవాడలో మరో గ్యాంగ్ వార్ ఘటన: మున్నా , రాహుల్ అనే వ్యక్తుల మధ్య ఘర్షణ. గత నెల 31 వ తేదీన కేదారేశ్వరావు పేటలో కత్తులు , కర్రలతో దాడి చేసుకున్న ఇరు వర్గాలు. దాడిలో పాల్గొన్న 11 మంది నిందితులు అరెస్ట్ చేసిన పోలీసులు. ఆలస్యంగా వెలుగులోకి వచ్చిన ఘటన.
  • విజయవాడ : మూడో రోజు కొనసాగనున్న అగ్నిప్రమాద ఘటనపై దర్యాప్తు. ఇప్పటికే ఎగ్రిమెంట్ పత్రాలను స్వాధీనం చేసుకున్న పోలీసులు. కొనసాగుతున్న అరెస్టుల పర్వం. సిబ్బంది నిర్లక్ష్యం, భద్రతా ప్రమాణాలు పాటించనకపోవడమే అగ్నిప్రమాదానికి కారణమంటున్న పోలీసులు. అగ్నిప్రమాదంతో కృష్ణా జిల్లా యంత్రాంగం అలెర్ట్. కృష్ణా జిల్లాలోని ప్రైవేటు ఆస్పత్రుల వ్యవహారంపై దృష్టి. కృష్ణా జిల్లాలో ప్రభుత్వ, చిన్నా, చితకా ఆస్పత్రులు, డెంటల్‌ క్లినిక్‌లు, డయాగ్నోస్టిక్‌ కేంద్రాల 1,018 వరకు ఉన్నట్లు గుర్తింపు. వాటిలో భద్రతా ప్రమాణాలు పాటిస్తున్న 88 ప్రభుత్వ ఆస్పత్రులు, 90 ఇతర ఆస్పత్రులు. 840 ఆస్పత్రులకు అగ్నిమాపక శాఖ అనుమతులేనట్లు గుర్తింపు. చాలా ఆస్పత్రుల్లో కనిపించని అగ్నిప్రమాద నియంత్రణ ఏర్పాట్లు.
  • అమరావతి: రాష్ట్రంలో ఇసుక తవ్వకాలు, ఎగుమతి, రవాణా, డోర్ డెలివరీకు సంబంధించి ధరలను నిర్ణయించిన ప్రభుత్వం. కూలీల ద్వారా ఇసుక తవ్వకాలకు టన్నుకు రూ. 90. స్టాక్ యార్డు లో ఇసుక పొక్లెయిన్ ద్వారా లోడ్ చేసేందుకు టన్నుకు రూ. 25. ఇసుక రీచ్ లు, పట్టా ల్యాండ్ నుంచి స్టాక్ పాయింట్ కు ఇసుక రవాణా కు టన్నుకు రూ. 4.90. గోదావరి జిల్లాల నుంచి విశాఖకు ఇసుక రవాణాకు టన్నుకు రూ. 3.30. ఇసుక డోర్ డెలివరీకి కిలోమీటర్ వారీగా ధరలు నిర్దారణ. ప్రభుత్వం నిర్ణయించిన ధరల ప్రకారం కాంట్రాక్టర్లు ముందుకు రాకుంటే ఈ-టెండర్లకు వెళ్లేలా ఆదేశాలు. ఈ మేరకు ఉత్తర్వులు జారీ చేసిన గనుల శాఖ ముఖ్య కార్యదర్శి గోపాలకృష్ణ ద్వివేది.
  • తూ. గో.జిల్లా, రాజమండ్రి: ఖైదీ ఆత్మహత్య.. రాజమండ్రి సెంట్రల్ జైల్ లో ఆదివారం రాత్రి ఉరేసుకుని కరోనా ఖైదీ ఆత్మహత్య . ఆలస్యంగా వెలుగులోకి వచ్చిన ఘటన. జైలులో ఇటీవల చేసిన వైద్య పరీక్షల్లో మృతుడికి కరోనా పాజిటివ్‌ అని చెబుతున్న అధికారులు. రాజమహేంద్రవరం ప్రభుత్వాసుపత్రిలో మృతదేహం . కుటుంబసభ్యులు ఆసుపత్రి రావడం ఆలస్యంతో మృతదేహానికి నేడు పంచనామా . ఖైదీ స్వగ్రామం పశ్చిమ గోదావరి జిల్లా చింతలపూడి మండలం యర్రంపల్లి. మృతుడి భార్య, తండ్రి తదితరులు హైదరాబాదులో నివాసం. భార్యాభర్తల మధ్య తలెత్తిన మనస్పర్థల కారణంగానే ఉరేసుకుని ఉండవచ్చునని పోలీసులు, జైలు అధికారులు భావిస్తున్నారు. ఆసుపత్రి సమాచారంతో ఒకటో పట్టణ పోలీసులు కేసు నమోదు.
  • ఏపీ ప్రజలకు శుభవార్త: తగ్గుముఖం పట్టనున్న కరోనా. ఇప్పటికే 15 శాతం పైగా హెర్డ్ ఇమ్యూనిటీ గుర్తింపు. ఈ నెల 21 నుంచి కర్నూలు తూర్పుగోదావరి జిల్లాలలో, వచ్చే నెల 4 నుంచి గుంటూరు కృష్ణ అనంతపురం చిత్తూరు నెల్లూరు జిల్లాలలో భారీగా తగ్గుముఖం పట్టనున్న కరోనా. మరణాల సంఖ్యలో కూడా భారీ తేడా కనిపించబోతుంది. శనివారం నుంచి భారీగా మొదలుకానున్న సిరోసర్విలేన్స్. Covid 19 ఏపీ కమాండ్ కంట్రోల్ రూమ్ స్పెషలాఫీసర్ డాక్టర్ సి ప్రభాకర్ రెడ్డి.

తెలంగాణ రాజకీయాల్లోకి విద్యాసాగర్ రావు రీ ఎంట్రీ.. కారు దూకుడుకు బ్రేక్ పడేనా..?

Maharastra Governor Vidya Sagarrao Targets Cm KCR?, తెలంగాణ రాజకీయాల్లోకి విద్యాసాగర్ రావు రీ ఎంట్రీ.. కారు దూకుడుకు బ్రేక్ పడేనా..?

తెలంగాణ రాజకీయాలు రోజురోజుకి మారుతున్నాయి. తాజాగా నిన్న జరిగిన తెలంగాణ అసెంబ్లీ బడ్జెట్ సమావేశాల్లో సీఎం కేసీఆర్ కేంద్రాన్ని టార్గెట్ చేసి పరోక్షంగా విమర్శలు గుప్పించారు. మరోవైపు తెలంగాణలో కారు జోరుకు బ్రేకులు వేసేందుకు కమలం పార్టీ పావులు కదుపుతోంది. సీఎం కేసీఆర్‌కి ధీటుగా తమ పార్టీ నుంచి సీనియర్ నేతను రంగంలోకి దించే పనిలో పడింది. తెలంగాణలో తన హవా కొనసాగించేందుకు.. బీజేపీ తరపున ఓ బలమైన నేతను తెలంగాణ రాజకీయాల్లోకి ఎంటర్ చేయాలని భావిస్తోంది. ఈ నేపథ్యంలోనే మహారాష్ట్ర గవర్నర్ విద్యాసాగర్ రావు పదవీకాలం పొడిగించకుండా ఆయన్ను పక్కనపెట్టారని రాజకీయాల్లో చర్చ జరుగుతోంది.

తెలంగాణలో ఒకప్పుడు ఎమ్మెల్యేగా, ఎంపీగా గెలిచి కేంద్రమంత్రిగా పనిచేసిన విద్యాసాగర్ రావు.. సీఎం కేసీఆర్‌ను ఎదుర్కొనేందుకు తగినవాడుగా బీజేపీ నాయకత్వం యోచిస్తోంది. ఉత్తర తెలంగాణలో ఒకప్పడు బలమైన బీజేపీ నేతగా విద్యాసాగర్ రావుకు మంచి క్రేజ్ ఉంది. అందుకే పార్టీని బలోపేతం చేసే బాధ్యతలు అతడికి అప్పగిస్తే బాగుంటుందని పార్టీలోని కొందరు సీనియర్ నేతలు అభిప్రాయపడుతున్నారు. అంతేకాకుండా తెలంగాణలో ఇతర పార్టీ నాయకులను కూడా ఆకర్షించే పనిలో ఉన్న బీజేపీ.. తమ పార్టీకి చెందిన సీనియర్ నాయకుల సేవలను ఉపయోగించుకునేందుకు సిద్దమైంది. ఈ క్రమంలోనే విద్యాసాగర్ రావుని మరోసారి తెలంగాణ రాజకీయాల్లో దింపాలని భావిస్తున్నట్లు తెలుస్తోంది.

అయితే టీఆర్ఎస్ మాత్రం ఏం తీసిపోలేదు. ఉద్యమ పార్టీగా అవతరించి తెలంగాణలో బలమైన రాజకీయ శక్తిగా ఎదిగింది. టీఆర్ఎస్ జోరుకు ఎదురుతిరిగేందుకు ప్రత్యామ్నాయ పార్టీ లేకుండా పోయింది. ఇక ముందస్తు అసెంబ్లీ ఎన్నికల్లో హస్తం పార్టీని చిత్తుగా ఓడించింది. దీంతో టీఆర్ఎస్‌కు ఎదురుతిరిగే సత్తా తమకే ఉందని బీజేపీ నేతలు సంబరపడుతున్నారు. అయితే ఉద్యమ పార్టీగా అవతరించిన టీఆర్ఎస్‌కి రెండోసారి కూడా తిరుగులేకుండా పోయింది. ఇతర పార్టీల ఊసు లేకుండా టీఆర్ఎస్ పార్టీకే పట్టం కట్టారు. కాగా, టీఆర్ఎస్‌కు ప్రత్యామ్నాయంగా బీజేపీని తీర్చిదిద్దాలని రాష్ట్ర బీజేపీ నేతలు భావిస్తున్నారు. ఈ నేపథ్యంలోనే పలు సందర్భాల్లో ప్రభుత్వ విధానాలను తప్పుబడుతున్నారు. అంతేకాదు పలు సమావేశాల్లో కూడా వచ్చే అసెంబ్లీ ఎన్నికల్లో తెలంగాణలో కమలం జెండా ఎగురుతుందని రాష్ట్ర బీజేపీ నేతలు ధీమా వ్యక్తం చేస్తున్నారు. సీఎం కేసీఆర్‌కు చెక్ పెట్టాలంటే విద్యాసాగర్ రావుకు తెలంగాణ రాజకీయాల్లో కీలక బాధ్యతలు అప్పగించాలని బీజేపీ అధిష్టానం ప్లాన్ చేస్తోంది.

1980లో విద్యాసాగర్ రావు రాజకీయ ప్రస్తానం మొదలైంది. 1980లో బీజేపీ తరపున కరీంనగర్ లోక్‌సభ నియోజకవర్గం నుంచి పోటీ చేసి ఓటమిపాలయ్యారు. తరువాత 1985లో మెట్‌పల్లి అసెంబ్లీ సెగ్మెంట్ నుంచి తొలిసారిగా ఎమ్మెల్యేగా ఎన్నికయ్యారు. అనంతరం 1989, 1994లో మరో రెండు సార్లు గెలుపొంది హ్యాట్రిక్ ఎమ్మెల్యేగా గుర్తింపు తెచ్చుకున్నారు. 1998లో కరీంనగర్ లోక్‌సభ నియోజకవర్గం నుంచి పోటీచేసి ఎంపీగా గెలుపొందారు. 1999లో మరోసారి గెలుపొంది వాజ్‌పేయి ప్రభుత్వంలో కేంద్ర హోంశాఖ సహాయ మంత్రిగా పనిచేశారు. ఆ తర్వాత 2004, 2006లో జరిగిన ఉప ఎన్నికల్లో పోటీచేసి కేసీఆర్ చేతిలో పరాజయం పాలయ్యారు. ఆ తర్వాత 2009లో వేములవాడ అసెంబ్లీ సెగ్మెంట్ నుంచి పోటీ చేసి తన అన్న కొడుకైన చెన్నమనేని రమేశ్ బాబు చేతిలో ఓడిపోయారు. ఇక అక్కడి నుంచి తెలంగాణ రాజకీయాలకు దూరమైన విద్యాసాగర్ రావు ఆ తర్వాత కాలంలో మహారాష్ట్ర గవర్నర్‌గా నియమితులయ్యారు.

మరోవైపు తెలంగాణ గవర్నర్‌గా తమిళ ఇసై సౌందరరాజన్‌ను రంగంలోకి దింపారు. నెమ్మదిగా బీజేపీకి అనుకూలంగా ఉన్న నేతలను తెలంగాణ రాజకీయాల్లోకి దించుతున్నారని తెలుస్తోంది. ఇక సీఎం కేసీఆర్ కూడా ఏ మాత్రం తగ్గకుండా తనదైన శైలిలో అవకాశం వచ్చిన ప్రతిసారి కేంద్రంపై విమర్శలు చేస్తున్నారు. ఇక విద్యాసాగర్ రావు కేసీఆర్ దూకుడుకు ఏ విధంగా చెక్ పెడతారో చూడాల్సిందేనని రాష్ట్ర బీజేపీ నేతలు చర్చించుకుంటున్నారు.

Related Tags