ఓ వైపు చలి.. మరోవైపు ఆరోగ్యం..! శీతాకాలంలో మార్నింగ్ వాక్ చేయడం మంచిదేనా..?

Winter Walking

ఆరోగ్యమే మహాభాగ్యం.. అందుకే చాలా మంది ఫిట్ గా ఉండటంపై దృష్టిసారిస్తారు.. ముఖ్యంగా మార్నింగ్ వాక్ చేస్తారు.. నడక అనేది ఒక సులభమైన, సహజమైన, ఖర్చులేని వ్యాయామం.. ఇది అనేక శారీరక – మానసిక ఆరోగ్య ప్రయోజనాలను అందిస్తుందని వైద్య నిపుణులు చెబుతున్నారు. నడక అనేది ఎక్కువ శ్రమ లేదా సమయం అవసరం లేని శారీరక శ్రమ.. ఉదయం దీన్ని చేయడానికి ఉత్తమ సమయంగా పరిగణిస్తారు. కానీ ప్రశ్న ఏమిటంటే, శీతాకాలంలో తెల్లవారుజామున చల్లని గాలులలో నడవడం ఎంతవరకు సరైనది లేదా ఏమైనా సమస్యలు ఎదురవుతాయా..? అనే ఆలోచన వస్తుంది.. ఎందుకంటే ఈ సమయంలో మన రక్త ప్రవాహం సాధారణం కంటే కొంచెం నెమ్మదిగా ఉంటుంది. కొన్నిసార్లు హాని కలిగించే ప్రమాదం ఉంది. నిజానికి, నడక శరీరంలో శక్తిని పెంచుతుంది. ఇది గుండె – ఊపిరితిత్తుల సామర్థ్యాన్ని కూడా బలపరుస్తుంది.. ఇంకా ఊబకాయాన్ని తగ్గించడంలో సహాయపడుతుంది. నడక రక్త ప్రవాహాన్ని మెరుగుపరుస్తుంది. కండరాలను బలపరుస్తుంది – మానసిక ఒత్తిడిని కూడా తగ్గిస్తుంది.

అదనంగా, ఉదయపు తాజా గాలి – తేలికపాటి సూర్యకాంతి విటమిన్ డి మూలాన్ని అందిస్తాయి. ఇది బలమైన ఎముకలను నిర్వహించడానికి సహాయపడుతుంది. కాబట్టి, ఉదయం చల్లని గాలిలో నడవడం మంచి ఆలోచన కాదా అని అర్థం చేసుకోవడం ముఖ్యం.. అని డాక్టర్ ఘోటేకర్ అన్నారు.

మనం క్రమం తప్పకుండా నడవకపోతే లేదా ఏదైనా శారీరక శ్రమలో పాల్గొనకపోతే, అది శరీరంపై అనేక ప్రతికూల ప్రభావాలను చూపుతుంది. బరువు పెరగడం, ఊబకాయం, రక్తంలో చక్కెర సమస్యలు పెరుగుతాయి. గుండె – ఊపిరితిత్తుల పనితీరు బలహీనపడుతుంది. గుండెపోటు – స్ట్రోక్ ప్రమాదాన్ని పెంచుతుంది. కండరాల బలహీనత, కీళ్ల నొప్పులు, అలసట సాధారణం.. శారీరక శ్రమ ఒత్తిడి, నిరాశను తగ్గిస్తుంది. కాబట్టి మానసిక ఆరోగ్యం కూడా ప్రభావితమవుతుంది. దీర్ఘకాలిక నిశ్చల జీవనశైలి రోగనిరోధక శక్తిని బలహీనపరుస్తుంది.. శరీరాన్ని అనారోగ్యానికి గురి చేస్తుంది.

ఉదయం చల్లటి గాలిలో నడవడం సరైనదా – కాదా?..

లేడీ హార్డింజ్ హాస్పిటల్‌లోని డాక్టర్ ఎల్.హెచ్. ఘోటేకర్ వివరిస్తూ.. ఉదయం చల్లటి గాలిలో నడవడం సాధారణంగా మంచిదని భావిస్తారు.. కానీ జాగ్రత్తగా ఉండాలి. చల్లని గాలిలో నడవడం వల్ల రక్త ప్రసరణ మెరుగుపడుతుంది.. జీవక్రియ వేగవంతం అవుతుంది. అయితే, ఎవరైనా ఉబ్బసం, రక్తపోటు లేదా గుండె జబ్బులతో బాధపడుతుంటే, వారు మరింత జాగ్రత్తగా ఉండాలి.

వెచ్చని దుస్తులు లేకుండా నడవడం లేదా ఎక్సర్‌సైజ్ చేయడం వల్ల కండరాల గాయాలు లేదా జలుబు వస్తుంది. ఉదయం లేదా మధ్యాహ్నం నడక చేయాలి. తద్వారా శరీరం పూర్తిగా చురుకుగా ఉంటుంది.. జలుబు ప్రభావాలను తగ్గించవచ్చు.

ఉదయం నడిచేటప్పుడు ఎలాంటి జాగ్రత్తలు తీసుకోవాలి?

మీ ఉదయం నడక, వ్యాయామం సమయంలో వెచ్చని దుస్తులు ధరించండి.. ముందు చిన్నగా 10-15 నిమిషాలతో ప్రారంభించండి. వాతావరణం చాలా చల్లగా ఉంటే, మీ చేతులు – కాళ్ళను కప్పి ఉంచండి.. గ్లౌజులు, సాక్సులు ధరించడండి.. చురుగ్గా కాకుండా నెమ్మదిగా ప్రారంభించండి. చల్లని గాలి మీ గొంతు – ఊపిరితిత్తులకు హాని కలిగించకుండా నిరోధించడానికి నీరు త్రాగడం, అవసరమైతే మాస్క్ ధరించడం గుర్తుంచుకోండి. సరైన సమయాన్ని ఎంచుకోవడం, సరైన దుస్తులను ఎంచుకోవడం, నెమ్మదిగా నడవడం మీ ఆరోగ్యానికి మరింత ప్రయోజనకరంగా ఉంటుంది.

మరిన్ని లైఫ్‌స్టైల్ వార్తల కోసం ఇక్కడ క్లిక్ చేయండి..