Duck Walk: డక్‌ వాకింగ్ అంటే ఏంటి.? దీంతో కలిగే ప్రయోజనాలు ఏంటంటే..

ఫిట్‌నెస్‌ కాపాడుకోవడంలో వాకింగ్ కీలక పాత్ర పోషిస్తుందని తెలిసిందే. వాకింగ్‌కు మించిన బెస్ట్ వ్యాయామం లేదని నిపుణులు సైతం సూచిస్తుంటారు. ఎన్నో రకాల అనారోగ్య సమస్యలకు వాకింగ్ బెస్ట్‌ ఆప్షన్‌గా చెప్పొచ్చు. హృదయ సంబంధిత సమస్యలు మొదలు, కాళ్ల నొప్పులు, ఊబకాయం వంటి సమస్యలకు చెక్‌ పెట్టొచ్చు. అయితే వాకింగ్‌లోనూ ఎన్నో రకాలు ఉన్నాయని మీకు తెలుసా.? మనలో చాలా మంది రివర్స్‌ వాకింగ్ గురించి తెలిసి ఉండొచ్చు. అయితే డక్‌ వాకింగ్ కూడా ఉంది. ఇంతకీ ఏంటీ డక్‌ వాకింగ్ దీంతో కలిగే ప్రయోజనాలు ఏంటో ఇప్పుడు తెలుసుకుందాం..

డక్‌ వాకింగ్ అనేది అచ్చంగా బాతు నడకను పోలి ఉంటుంది. చూడ్డానికి నవ్వు తెప్పించేలా ఉండే ఈ వాకింగ్ ద్వారా ఎన్నో ప్రయోజనాలు ఉన్నాయని నిపుణులు చెబుతున్నారు. ఇందుకోసం ముందుగా గుంజీలు తీస్తున్నట్లు కూర్చోవాలి. ఆ తర్వాత రెండు చేతులను కలిపి పట్టుకోవాలి. ఆ తర్వాత అలాగే కూర్చొని ముందుకు, వెనక్కి నడవాలి. ఇది ఒక మిలిటరీ వ్యాయామం, ఈ వాకింగ్‌తో కలిగే ప్రయోజనాలు ఇవే..

* ఈ వాకింగ్ ద్వారా చీలమండలు, మోకాళ్లను సాగదీస్తుంది. దిగువ కండరాలను సక్రియం చేస్తుంది, అలాగే మీ తుంటి భాగాన్ని విస్తరిస్తుంది. దీంతో కాళ్లు దృఢంగా మారుతుంది.

* తోడలు బలంగా మారుతాయి. ఇది మీ నడకను, పరుగును మెరుపరుస్తుంది. ఇది శరీరానికి ఫ్లెక్సిబిలిటీని అందిస్తుంది. దీంతో కాళ్ల నొప్పుల సమస్యలు తగ్గిపోతాయి.

* గర్భిణీలకు డక్‌ వాక్‌ బాగా ఉపయోగపడుతుంది. సాధారణంగా గర్భిణీల్లో వచ్చే వెన్నునొప్పిని నివారిస్తుంది. వారిలో శక్తి సామర్థ్యాలను పెంపొందించడంలో ఉపయోగపడుతుంది. అయితే గర్భిణీలు వ్యాయామం చేసేప్పుడు కచ్చితంగా వైద్యుల సూచనలు పాటించాల్సిందే.

* డక్‌ వాకింగ్ వల్ల గుండె సంబంధిత సమస్యలు దరిచేరవు. రక్తపోటును తగ్గించడంలో ఇది ఎంతగానో ఉపయోగపడుతుంది. అలాగే ఒత్తిడి కూడా బలదూర్‌ అవుతుంది.

* బరువు తగ్గాలనుకునే వారికి కూడా డక్‌ వాకింగ్ బాగా ఉపయోగపడుతుంది. బరువు తగ్గాలనుకునే వారు ప్రతీ రోజూ ఈ డక్‌ వాకింగ్ చేయడం వల్ల త్వరగా బరువు తగ్గొచ్చు.

నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.

మరిన్ని లైఫ్‌స్టైల్‌ వార్తల కోసం క్లిక్‌ చేయండి..