Hair Loss: ప్రసవం తర్వాత జుట్టు బాగా రాలిపోతుందా? ఈ సింపుల్‌ చిట్కాలతో చెక్‌ పెట్టండి
గర్భధారణ సమయంలో మహిళల్లో ఈస్ట్రోజెన్ స్థాయులు పెరిగిపోతాయి. దీని కారణంగా వారిలో జుట్టు రాలడం సమస్య ప్రారంభమవుతుంది. చాలా మంది మహిళల్లో డెలివరీ అయిన 3 నుండి 6 నెలల తర్వాత కూడా జుట్టు రాలిపోతుంది.
బాలీవుడ్ నటి అనుష్క శర్మ కొత్త హెయిర్‌స్టైల్‌ను అభిమానులు చాలా ఇష్టపడుతున్నారు. తాజాగా ఆమె హెయిర్ కట్ చేసుకుంది. ఈ కొత్త లుక్‌లో ఆమె మరింత అందంగా మెరిసిపోతోంది. అయితే తన జుట్టును కత్తిరించుకోవడం అనుష్కకు ఏ మాత్రం ఇష్టం లేదట. అయితే అమ్మయిన తర్వాత ఆమె జుట్టు రాలిపోవడం ప్రారంభమైందట. తాజాగా ఈ విషయాన్ని స్వయంగా అనుష్క సోషల్ మీడియా ద్వారా తెలియజేసింది. అనుష్క లాగే డెలివరీ తర్వాత చాలామంది మహిళల్లో జుట్టు రాలిపోతుంది. దీనికి హార్మోన్ల ప్రభావం కావచ్చు. సాధారణంగా గర్భధారణ సమయంలో మహిళల్లో ఈస్ట్రోజెన్ స్థాయులు పెరిగిపోతాయి. దీని కారణంగా వారిలో జుట్టు రాలడం సమస్య ప్రారంభమవుతుంది. చాలా మంది మహిళల్లో డెలివరీ అయిన 3 నుండి 6 నెలల తర్వాత కూడా జుట్టు రాలిపోతుంది. ఈ సమస్య నుండి బయటపడాలంటే, మీరు ఆరోగ్యకరమైన మరియు పోషకమైన ఆహారం తీసుకోవాలి. ఈ సమస్యల ను అధిగమించేందుకు అనుష్క లాగే హెయిర్ కట్ చేసుకోవడంతో పాటు ఈ హోం రెమెడీస్‌ను అనుసరించవచ్చు.
పెరుగుతో..
పలు పోషకాలుండే పెరుగు ఆరోగ్యానికే కాకుండా జుట్టు పెరుగుదలకు సహకరిస్తుంది. పెరుగు జుట్టుకు కండీషనర్‌గా పనిచేస్తుంది. దీనిని జుట్టుకు పట్టించడం వల్ల కురుల కుదుళ్లు దృఢంగా మారుతాయి. అలాగే హెయిర్ ఫాల్ సమస్యలు కూడా తగ్గిపోతాయి. ఇందుకోసం వారానికి ఒకటి లేదా రెండుసార్లు పెరుగుతో హెయిర్ కండిషనింగ్ చేయవచ్చు. అలాగే మనం తీసుకునే ఆహారంలో పోషకాలు లోపిస్తే కూడా జుట్టు రాలిపోవడం ప్రారంభమవుతుంది.. అందుకే గర్భధారణ సమయంలో ఆరోగ్యకర, పోషకమైన ఆహారం తీసుకోండి. దీంతో జుట్టు రాలడాన్ని అరికట్టవచ్చు. అలాగే నీరు, హెల్దీ డ్రింక్స్ పుష్కలంగా తాగాలి.
అవకాడో హెయిర్ మాస్క్..
మీకు హెయిర్ ఫాల్ సమస్య ఉంటే, అవకాడో హెయిర్ మాస్క్ ప్రయత్నించండి. దీని కోసం మీరు పండిన అవకాడో తీసుకోండి. దీన్ని మెత్తగా చేసి అందులో ఒక చెంచా కొబ్బరి పాలు కలపండి. దీన్ని జుట్టుకు పట్టించి ఆరనివ్వాలి. దీని తర్వాత మీరు తేలికపాటి షాంపూతో జుట్టును కడగాలి. అవోకాడోలో అనేక రకాల విటమిన్లు ఉన్నాయి. ఇది కొల్లాజెన్ తయారీలో సహాయపడుతుంది. ఇది కురుల సమస్యలను నియంత్రించడంలో సహాయపడుతుంది.
(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)
మరిన్ని లైఫ్ స్టైల్ వార్తల కోసం క్లిక్ చేయండి..