Watch Video: ఏనుగు మంచి మనసు.. ఎండలో అలసిపోయిన యజమాని కోసం ఏం చేసిందో మీరే చూడండి..
స్వార్థపరుడి ప్రేమ కంటే మూగ జంతువు ప్రేమ గొప్పదని అంటారు. నోరులేని జంతువులు వాటి యజమానులకు జీవితాంతం రుణపడి ఉంటాయి. అయితే ఎండలో అలసిపోయిన యజమానికి నీళ్లు తాగేందుకు ఏనుగు సాయం చేసిన వీడియో ఇప్పుడు సోషల్ మీడియాలో వైరల్ అవుతోంది. ఈ ఏనుగు నిస్వార్థ ప్రేమకు నెటిజన్లు ప్రశంసలు కురిపిస్తున్నారు.
జంతువుల ప్రేమ ఎంతో స్వచ్ఛమైనది. అవి తమ యజమానులపై అమితమైన ప్రేమను చూపుతాయి. ఒక్క పూట వాటికింత తిండిపెట్టి కాస్త ప్రేమ చూపితే చాలు.. అవి తమ జీవితాంతం ఆ ఇంటి వారితోనే ఉంటాయి. కేవలం ఇళ్లల్లో పెంచుకునే పెంపుడు కుక్కలు, పిల్లులు మాత్రమే కాదు ఏనుగులు కూడా తమ యజమానులకు విధేయత చూపుతాయి. ఈ ఏనుగులు ఎల్లప్పుడూ వాటి యజమాని పట్ల శ్రద్ధ, బాధ్యతగా ఉంటాయి. ఇప్పుడు ఓ ఏనుగు తన యజమాని దాహం తీర్చేందుకు ఎలా సహాయం చేస్తుందో చూపించే వీడియో సోషల్ మీడియాలో వైరల్‌గా మారింది.
ఉష్ణోగ్రతలు రోజురోజుకూ పెరుగుతున్నాయి. ఎండ తీవ్రతకు ప్రజలే కాకుండా జంతువులు సైతం అల్లాడిపోతున్నాయి. వైరల్ గా మారిన ఓ వీడియోలో ఎండలో అలసిపోయిన యజమానికి ఏనుగు నీళ్లు తాగేందుకు సాయం చేసిన దృశ్యం అందరి దృష్టిని ఆకర్షిస్తోంది. ఈ వీడియో బెంకి టీవీ టి నర్సీపూర్ అనే ఖాతాలో షేర్ చేయబడింది.
ఈ వీడియోలో యజమాని చేతి బోరు వద్ద నీళ్లు తాగుతుండగా, ఏనుగు ఆ యజమానికి సాయం చేస్తోంది. ఈ వీడియో నలభై వేలకు పైగా వీక్షణలు, లైక్‌లను పొందింది. చాలా మంది నెటిజన్లు ఏనుగు చేసిన పనికి ప్రశంసలు కురిపించారు.
మరిన్ని వైరల్ వార్తల కోసం ఇక్కడ క్లిక్ చేయండి
