శాంతి చర్చలంటూ ఆయుధాలు పోగేసుకుంటున్న పాకిస్తాన్, ఇంటెలిజెన్స్ సంస్థల వెల్లడి

ఇండియాతో ఓ వైపు  శాంతి చర్చలంటూ మరోవైపు పాకిస్తాన్ రహస్యంగా ఆయుధాలను సమీకరించుకుంటున్నదని ఇంటెలిజెన్స్ సంస్థలు హెచ్చరిస్తున్నాయి. పాత యుధ్ధ ట్యాంకులు, హెవీ మెషిన్ గన్లు తదితరాల మరమ్మతులను....

  • Umakanth Rao
  • Publish Date - 4:56 pm, Tue, 2 March 21
శాంతి చర్చలంటూ ఆయుధాలు పోగేసుకుంటున్న పాకిస్తాన్, ఇంటెలిజెన్స్ సంస్థల వెల్లడి

ఇండియాతో ఓ వైపు  శాంతి చర్చలంటూ మరోవైపు పాకిస్తాన్ రహస్యంగా ఆయుధాలను సమీకరించుకుంటున్నదని ఇంటెలిజెన్స్ సంస్థలు హెచ్చరిస్తున్నాయి. పాత యుధ్ధ ట్యాంకులు, హెవీ మెషిన్ గన్లు తదితరాల మరమ్మతులను ఈ నెల 21 కల్లా పూర్తి చేయాలని పాక్ ప్రభుత్వం ఆదేశించినట్టు ఈ సంస్థలు పేర్కొన్నాయి. వివిధ  రకాల మందుగుండు సామగ్రిని తిరిగి వినియోగించుకునే అవకాశాలను పరిశీలించాలని నిపుణుల బృందాలను పలు కంటోన్మెంట్లకు పంపిందట. ఉదాహరణకు ఖిరియన్, ముల్తాన్, మూరి వంటి కంటోన్మెంట్లకు వీరు అప్పుడే బయల్దేరి వెళ్లినట్టు తెలిసింది. ఈ ప్రాంతాల్లో అప్పుడే జోరుగా పూర్తి స్థాయిలో పనులు జరుగుతున్నట్టు సమాచారం. ఇక ఫాస్ట్ ట్రాక్ బేసిస్ పై సౌతాఫ్రికా, రష్యా తదితర దేశాల నుంచి ఆయుధాలను కొనుగోలు చేస్తున్నట్టు ఇంటెలిజెన్స్ సంస్థలు పేర్కొన్నాయి.

తన టీ-20 ట్యాంకులకు అనువైన 12.7 ఎంఎం స్నిఫర్ రైఫిల్స్ ని దక్షిణాఫ్రికాకు చెందిన ఓ సంస్థ నుంచి కొనుగోలు చేసేందుకు ఒప్పందం కుదుర్చుకుందని తెలుస్తోంది. రష్యా నుంచి మినీ యూఏవీ ఎస్-250 శకటాలను కూడా కొంటున్నదట.. వీటి రేంజి 25 నుంచి 50 కి.మీ. ఉందని సమాచారం. చైనా కూడా పాకిస్తాన్ కు అండగానే  ఉంటోంది. తన వైమానిక దళం కోసం కొత్త రాడార్ సిస్టం కొనుగోలుకు పాక్ ప్రభుత్వం చైనాతో అగ్రిమెంట్ కుదుర్చుకున్నట్టు స్పష్టమైంది. దీని రేంజి 100 కి.మీ. నుంచి 200 కి.మీ. పొరుగునున్న దేశంతో  వార్ కి సిద్ధంగా ఉండాల్సిందిగా పాక్ నేవీ చీఫ్ అమ్ జాద్ ఖాన్ నియాజీ గత నెల 23 న తమ కమాండర్లను ఆదేశించినట్టు చెబుతున్నారు. ఇంకా ఇలాగే సీక్రెట్ గా ప్రధాని ఇమ్రాన్ ఖాన్ ప్రభుత్వం ఆయుధ సంపత్తిని పెంచుకోవడానికి నానా పాట్లు  పడుతోందని తెలుస్తోంది.

ఇటీవల భారత-పాకిస్తాన్ దేశాల మధ్య హాట్ లైన్ సౌకర్యం ద్వారా శాంతి చర్చలు జరుగుతుండాలని ఉభయదేశాల నేతలూ నిర్ణయించిన విషయం గమనార్హం. కాల్పుల విరమణ ఒప్పందాలను ఉభయులూ గౌరవించుకోవాలని, వాటికి కట్టుబడి ఉండాలని కూడా తీర్మానించారు. కానీ పాకిస్తాన్ మాత్రం గుట్టు చప్పుడు కాకుండా తన ఆయుధాలను పెంచుకునే ప్రయత్నాలు చేస్తుండడం విశేషం.

 

మరిన్ని ఎక్కడ చదవండి:

Beauty Tips : నల్లటి చర్మంతో ఇబ్బంది పడుతున్నారా..! అయితే తక్కువ టైంలో మీ అందానికి మెరుగులు దిద్దుకోండిలా..

Petrol price hike memes: క్రికెట్ పోటీల్లో ‘మ్యాన్ ఆఫ్ ది మ్యాచ్‌’కి 5 లీటర్ల పెట్రోల్.. వైరల్‌గా మారిన ఫోటో