Sreesanth Goal : టైటిల్ నెగ్గడమే తన అసలైన లక్ష్యం.. టార్గెట్ వెల్లడించిన సీనియర్ పేసర్ శ్రీశాంత్
సయ్యద్ ముస్తక్ అలీ ట్రోఫీతో మళ్లీ క్రికెట్ ప్రపంచంలోకి అడుగుపెడుతున్నాడు. అయితే.. తన లక్ష్యం దేశవాళీ టోర్నీ మాత్రమే కాదని 2023 ప్రపంచ కప్ కోసం టీమిండియా తరఫున ఆడి, టైటిల్ నెగ్గడమే తన అసలైన లక్ష్యమని చెప్పుకొచ్చాడు...
Updated on: Dec 27, 2020 | 6:38 PM
Sreesanth Ultimate Goal : రీ ఎంట్రీ ఇచ్చిన సీనియర్ పేసర్ శ్రీశాంత్ తన టార్గెట్ ఇది.. అంటూ రివిల్ చేసాడు. సయ్యద్ ముస్తక్ అలీ ట్రోఫీతో మళ్లీ క్రికెట్ ప్రపంచంలోకి అడుగుపెడుతున్నాడు. అయితే.. తన లక్ష్యం దేశవాళీ టోర్నీ మాత్రమే కాదని 2023 ప్రపంచ కప్ కోసం టీమిండియా తరఫున ఆడి, టైటిల్ నెగ్గడమే తన అసలైన లక్ష్యమని చెప్పుకొచ్చాడు. 37 ఏళ్ల వయసు ఉన్న తనకు లియాండర్ పేస్, రోజర్ ఫెదరర్ స్ఫూర్తి అని వెల్లడించాడు .
ఈ వయసులో క్రీడల్లో సాధించేది ఏదీ ఉండదు అనేది నిజమే. కానీ, లియాండర్ పేస్ 42 ఏళ్లపుడు గ్రాండ్ స్లామ్ టైటిల్ నెగ్గాడు. రోజర్ ఫెదరర్ ఎంతలా దూసుకువెళ్తున్నది అందరికీ తెలుసు కదా అంటూ పేర్కొన్నాడు. ఒక ఫాస్ట్ బౌలర్గా ఇప్పుడు తాను చరిత్ర సృష్టించబోతున్నా… కేవలం దేశవాళీ టోర్నీల్లో ఆడడమే లక్ష్యంగా భావించడం లేదు. రాబోయే మూడేళ్ల కోసం తాను ఎదురు చూస్తున్నా… 2023 ప్రపంచ కప్లో టీమిండియా తరఫున ఆడి, టైటిల్ నెగ్గాలన్నది తన లక్ష్యమని శ్రీశాంత్ తెలిపాడు.
2013 ఐపీఎల్లో స్పాట్ ఫిక్సింగ్ చేశాడని శ్రీశాంత్పై బీసీసీఐ నిషేధం విధించింది. ఈ సెప్టెంబర్లో అతడిపై నిషేధం తొలగిపోయింది. దాంతో దాదాపుగా ఏడేళ్ల తర్వాత అతడు సయ్యద్ ముస్తక్ అలీ ట్రోఫీలో.. కేరళ తరఫున పోటీ క్రికెట్ ఆడుతుండటం తెలిసిందే…
