‘రెడీ’ నటుడు మృతి.. సంతాపం వ్యక్తం చేసిన ప్రముఖులు

బాలీవుడ్ ఇండస్ట్రీలో మరో విషాదం చోటు చేసుకుంది. సూపర్ స్టార్ సల్మాన్ ఖాన్ హీరోగా తెరకెక్కిన ‘రెడీ’ సినిమా నటించిన యువ నటుడు మోహిత్ బఘెల్(26) క్యాన్సర్ తో ప్రాణాలు విడిచారు. ఇవాళ ఉదయం ఉత్తరప్రదేశ్ లోని మధురలో మోహిత్ మరణించినట్లు రచయిత, దర్శకుడు రాజ్ శాండిల్య తెలిపారు.

‘మోహిత్..చాలా తక్కువ వయసులో కన్నుమూశాడు. గత ఆరు నెలలుగా ఎయిమ్స్ ఆసుపత్రిలో క్యాన్సర్ నిమిత్తం అతడు చికిత్స పొందుతున్నాడు. ఈ నెల 15న అతడితో మాట్లాడినప్పుడు.. ఆరోగ్యవంతంగానే ఉన్నాడు. పూర్తిగా కోలుకుంటున్నాడు కూడా.. అతని తల్లిదండ్రులు, అన్నయ్యతో కలిసి మధురలో ఉంటున్నాడు. మా ఇద్దరికీ సన్నితమైన వ్యక్తి నుంచి మోహిత్ మరణవార్త తెలిసింది’ అని రాజ్ శాండిల్య వెల్లడించారు.  మోహిత్ మరణ వార్త తెలియడంతో పలువురు బాలీవుడ్ ప్రముఖులు సంతాపం వ్యక్తం చేశారు. ‘కామెడీ సర్కస్’, ‘జబారియా జోడి’ ‘డ్రీమ్‌గర్ల్’ సినిమాలతో సౌత్ ప్రేక్షకులకు మోహిత్ సుపరిచితుడు.