తెలంగాణలో పడిపోతున్న రాత్రి ఉష్ణోగ్రతలు

Night Temperatures : తెలంగాణ వ్యాప్తంగా రాత్రి ఉష్ణోగ్రతలు పడిపోతున్నాయి. అదిలాబాద్‌లో మంగళవారం రాత్రి ఏకంగా 12.6 డిగ్రీల సెల్సియస్‌కు ఉష్ణోగ్రత తగ్గింది. సోమవారం రాత్రి 13.5 డిగ్రీలు నమోదు కాగా.. నాలుగు  రోజులోనే దాదాపు రెండు డిగ్రీలు తగ్గిపోయింది. రాష్ట్రవ్యాప్తంగా 12 స్టేషన్లలో కనిష్ట, గరిష్ట ఉష్ణోగ్రతలను వాతావరణ శాఖ నమోదు చేసింది.

అయితే ఆదిలాాబాద్ జిల్లా తర్వాత స్థానంలో హైదరబాద్ కొనసాగుతోంది. రాత్రి సమంయలో భారీగా ఉష్ణోగ్రతలు పడిపోతున్నాయి. గత రాత్రి హైదరాబాద్ లో చలి 15.3 డిగ్రీల కనిష్ఠ ఉష్ణోగ్రతకు పడిపోయింది. ఇది సాధారణస్థాయి కంటే 3.6 డిగ్రీలు తగ్గి స్థిరంగా కొనసాగింది. క్రమంగా ఉష్ణోగ్రతలు తగ్గుతుండటంతో చలిగాలుల తీవ్రత పెరుగుతోంది. పగలు సాధారణ స్థాయికంటే 1.8 డిగ్రీలు పెరుగడంతో ఎండతీవ్రత అధికంగా ఉంటున్నది.

ఇందులో ఎనిమిది స్టేషన్లలో రాత్రిపూట ఉష్ణోగ్రతలు 20 డిగ్రీల కంటే తక్కువగా నమోదయ్యాయి. హైదరాబాద్, హన్మకొండ, మెదక్, నల్గొండ, నిజామాబాద్, రామగుండంలో రాత్రి ఉష్ణోగ్రతలు సాధారణం కంటే స్వల్పంగా తగ్గినట్లు వాతావరణ శాఖ వెల్లడించింది.

రెండ్రోజుల్లో తేలికపాటి వర్షాలు
నైరుతి బంగాళాఖాతంలో 3.1 కిలోమీటర్ల ఎత్తులో ఉపరితల ఆవర్తనం కొనసాగుతున్నట్లు వాతావరణ శాఖ వెల్లడించింది. రాగల రెండ్రోజుల్లో రాష్ట్రంలో కొన్నిచోట్ల తేలికపాటి వర్షాలు కురిసే అవకాశం ఉన్నట్లు వివరించింది. ఒకట్రెండు చోట్ల మోస్తరు వర్షాలు కురుస్తాయని సూచించింది.