కరోనా ‘ఖతం’ ! ఆసుపత్రిలో యువ జంట ప్రేమ పెళ్లి !

కరోనా వైరస్ కి గురై ఆసుపత్రి పాలైన ఓ యువకుడు మెల్లగా కోలుకున్నాడు. ఇది ఆశ్చర్యం కాకపోవచ్చు..కానీ తను ప్రేమించిన యువతిని హాస్పిటల్ లోనే పెళ్లాడాలనుకోవడం, ఆమె కూడా ఇందుకు ఓకె చెప్పడం మాత్రం ఆశ్చర్యకరమే.. ఆసుపత్రి స్టాఫ్, పెళ్లి పెద్దలు కూడా ముఖాలకు మాస్కులు ధరించే ఏ ఈ వివాహ ‘మహోత్సవం’ లో పాల్గొన్నారు. ఈ మ్యారేజీని మురిపెంగా చూశారు.

అన్నట్టు కోవిడ్ కి గురై బెడ్ మీదున్న వ్యక్తి పేరు కార్లోస్ మునిజ్..ఈయన తన గర్ల్ ఫ్రెండ్ అయిన గ్రేస్ ని ప్రేమించాడు. ఇద్దరూ పెళ్లి చేసుకోవాలనుకున్నారు. అయితే మ్యారేజీ డేట్ దగ్గర పడుతుండగా కార్లోస్ కరోనా వైరస్ బారిన పడి  హాస్పిటల్ లో అడ్మిట్ అయ్యాడు. విషమ స్థితిలో కొన్నాళ్ళు వెంటిలేటర్ మీదే ఉన్నాడు. కానీ చికిత్సతో క్రమంగా కోలుకున్నాడు. త్వరలో డిశ్చార్జ్ కాబోతాడనగా.. ఆసుపత్రిలోనే తన పెళ్లి జరగాలని కార్లోస్ కోరుకున్నాడు. ఇందుకు గ్రేస్ కూడా అంగీకరించడం, ఆసుపత్రిలో వీరి మ్యారేజీ జరగడం అంతా సినిమాటిక్ గా, మన సీరియల్స్ లా జరిగిపోయింది. వీరి వివాహాన్ని ఆసుపత్రి సిబ్బంది కూడా చప్పట్లు కొడుతూ స్వాగతించారు. ఈ వీడియో వైరల్ అవుతోంది మరి !