ముద్దుల కొడుక్కి లగ్జరీ కారును బహుమతిగా ఇచ్చిన ‘రియల్ హీరో’ ! ఏమిటా కథ ? ఏమిటా గిఫ్ట్ ..?
కోవిద్ సంక్షోభంలో వేలాదిమందిని ఆదుకుని అందరికీ ఆప్తుడైన రియల్ హీరో సోను సూద్ ...తండ్రుల దినోత్సవం,,ఫాదర్స్ డే కి ఒకరోజు ముందే..
కోవిద్ సంక్షోభంలో వేలాదిమందిని ఆదుకుని అందరికీ ఆప్తుడైన రియల్ హీరో సోను సూద్ …తండ్రుల దినోత్సవం,,ఫాదర్స్ డే కి ఒకరోజు ముందే.. ఈ సందర్భాన్ని పురస్కరించుకుని తన కుమారుడు ఇషాంత్ సూద్ కి చక్కని గిఫ్ట్ ఇచ్చాడు. జూన్ 20 ని ఫాదర్స్ డేగా పాటిస్తున్నాం మరి ! మరేం లేదు ! తన ముద్దుల కొడుక్కి ఆయన ఓ లగ్జరీ కారును బహుమతిగా అందజేశాడు. ఆ కుర్రాడి ఆనందంలో తానూ పాలుపంచుకున్నారు. బ్లాక్ కలర్ లో ఉన్న మెర్సిడెస్ మే బ్యాచ్ జీఎల్ఎస్ 600 టైప్ కారు ఖరీదెంతో తెలిస్తే వావ్ అనాల్సిందే! దీని ఖరీదు అక్షరాలా 3 కోట్ల రూపాయలట… తన డాడీ కొనిచ్చిన ఈ కాస్ట్లీ గిఫ్ట్ ని చూసి ఇషాంత్ సంతోషంతో ఉప్పొంగిపోయాడు. ముంబైలో లైట్ గా వర్షం పడుతున్న వేళ…సోనూ తన పిల్లలను ఈ వాహనంలో ఎక్కించుకుని అలా షికారు తిప్పాడు.. ‘డాడీ’ డ్రైవ్ చేస్తుండగా వాళ్ళు దీన్ని ఎంతగానో ఎంజాయ్ చేశారు. ఈ కారు విశేషాలు చాలానే ఉన్నాయి. టచ్ స్క్రీన్ ఇన్ ఫోటైన్ మెంట్, ఫైవ్ సీట్ వెర్షన్, బోలెడంత లగేజీ కెపాసిటీ ..ఇంకా చాలా చాలా ఫీచర్లు ఇందులో ఉన్నాయి.
తన కొడుక్కి సోను సూద్ ఇస్తున్న ఈ కాస్ట్లీ వెరైటీ గిఫ్ట్ తాలూకు వీడియో వైరల్ అవుతోంది. అన్నట్టు ఈయనకు ఆడి క్యూ 7, మెర్సిడెస్ బెంజ్, పోష్ పనమేరా లాంటి ఇతర ఖరీదైన కార్లు కూడా ఉన్నాయి. ఇక సినిమాల విషయానికి వస్తే..పృథ్వీరాజ్, ఆచార్య వంటి సినిమాలతో కూడా ఈ రియల్ హీరో చాలా బిజీగా ఉన్నాడు.
మరిన్ని ఇక్కడ చూడండి: TS Cabinet : క్షవర వృత్తిలో వున్న నాయీ బ్రాహ్మణుల కోసం గ్రామాల్లో మోడ్రన్ సెలూన్లను తక్షణమే ఏర్పాటు చేయండి : కేబినెట్