Vastu Tips: వంటింట్లో మీరు చేసే ఈ తప్పులు.. మిమ్మల్ని ఆర్థికంగా దెబ్బ తీస్తాయి..
ఇంట్లో ఉండే ప్రతీ వస్తువు ఇంట్లో ఉండే వారిపై ప్రభావం చూపుతుందని వాస్తు శాస్త్రం చెబుతోంది. అందుకే ఇంట్లో ఏర్పాటు చేసుకునే వస్తువుల విషయం పట్ల జాగ్రత్తగా ఉండాలని పండితులు చెబుతుంటారు. వాస్తు అనేది కేవలం ఇంటి నిర్మాణానికి మాత్రమే పరిమితం కాదని అంటున్నారు. మరీ ముఖ్యంగా వంటింట్లో ఉండే కొన్ని వస్తువులతో ఇబ్బందులు...
![Vastu Tips: వంటింట్లో మీరు చేసే ఈ తప్పులు.. మిమ్మల్ని ఆర్థికంగా దెబ్బ తీస్తాయి..](https://images.tv9telugu.com/wp-content/uploads/2024/06/vastu-tips-2.jpg?w=1280)
ఇంట్లో ఉండే ప్రతీ వస్తువు ఇంట్లో ఉండే వారిపై ప్రభావం చూపుతుందని వాస్తు శాస్త్రం చెబుతోంది. అందుకే ఇంట్లో ఏర్పాటు చేసుకునే వస్తువుల విషయం పట్ల జాగ్రత్తగా ఉండాలని పండితులు చెబుతుంటారు. వాస్తు అనేది కేవలం ఇంటి నిర్మాణానికి మాత్రమే పరిమితం కాదని అంటున్నారు. మరీ ముఖ్యంగా వంటింట్లో ఉండే కొన్ని వస్తువులతో ఇబ్బందులు తప్పవని సూచిస్తున్నారు. వాస్తు శాస్త్రం ప్రకారం ఇంట్లో ఎలాంటి వస్తువులు ఉండకూడదు.? వాటి వల్ల కలిగే దుష్ప్రభావాలు ఏంటి.? ఇప్పుడు తెలుసుకుందాం..
* వంట గదిలో ఎట్టి పరిస్థితుల్లో విరిగిన లేదా పాడైపోయిన పాత్రలను వంటగదిలో ఉంచకూడదు. ఇలాంటి పాత్రలు ప్రతికూల శక్తికి చిహ్నాలు. వంటగదిలో వాటిని ఉపయోగించడం వల్ల గ్రహాల స్థానంపై ప్రతికూల ప్రభావం ఉంటుంది. దీనివల్ల ఆర్థికంగా నష్టపోయే అవకాశాలు ఉంటాయి. విరిగి పాత్రలో తినడం కూడా మంచిది కాదని నిపుణులు చెబుతున్నారు.
* ఇక వంటగదిని ఎప్పుడూ శుభ్రంగా ఉంచుకోవాలి. వంటగదిలో చెత్త, మురికి ఉండే లక్ష్మీదేవి అనుగ్రహం ఉండదని వాస్తు పండితులు అంటున్నారు. ఇది ఆర్థిక నష్టాలకు దారి తీస్తుందని హశ్రీచ్చరిస్తున్నారు.
* వాస్తు ప్రకారం, కత్తి ప్రతికూల శక్తికి చిహ్నం. అందుకే ఉపయోగం లేని సమయంలో కత్తులు లేదా కొడవలి వంటి వాటిని తెరిచి ఉంచకూడదని చెబుతున్నారు. వీటివల్ల కుటుంబ సభ్యుల మధ్య గొడవలు, మనస్పార్థాలు వచ్చే అవకాశం ఉంటుంది.
* కిచెన్లో ఉండే సింక్ ట్యాప్ వాటర్ లీక్ అవుతుంటే వెంటనే సరిచేసుకోండి. కుళాయి నుంచి నీరు కారడం డబ్బు వృధాకు కారణమవుతుందని వాస్తు పండితులు చెబుతున్నారు. అందుకే ఇంట్లో ట్యాప్ లీక్ కాకుండా చూసుకోవాలని చెబుతున్నారు.
* వాస్తు శాస్త్రం ప్రకారం వంట గదిలో మురిగిపోయిన ఆహార పదార్థాలను ఉంచకూడదు. వీటి వల్ల అనారోగ్య సమస్యలే కాకుండా ఇంట్లో నెగిటివ్ ఎనర్జీ కూడా పెరిగే అవకాశం ఉంటుంది.
* ఇక ఎవరైతే ఇంట్లో ఆహారాన్ని వృధా చేస్తారో వాళ్లకు ఆర్థిక ఇబ్బందులు వస్తాయని వాస్తు పండితులు చెబుతున్నారు. అందుకే ఆహారం వృధా కాకుండా చూసుకోవాలని చెబుతున్నారు.
* వంట గదిలో యుద్ధాలు, హింసకు సంబంధించి చిత్రాలు లేకుండా చూసుకోవాలి. దీనివల్ల నెగిటివ్ ఎనర్జీ పెరిగే అవకాశం ఉంటుందని వాస్తు పండితులు సూచిస్తున్నారు.
నోట్: పైన తెలిపిన విషయాలు పలువురు వాస్తు పండితులు, వాస్తు శాస్త్రంలో తెలిపిన అంశాల ఆధారంగా అందించినవి మాత్రమే. వీటిలో ఎలాంటి శాస్త్రీయత లేదని రీడర్స్ గమనించాలి.
మరిన్ని ఇంట్రెస్టింగ్ వార్తల కోసం క్లిక్ చేయండి..