Unhealthy Foods: ఇవి తింటే అంతే సంగతులు..! జాగ్రత్త.. బరువు పెరుగుతారు..!
శరీర బరువు తగ్గించుకోవాలంటే సరైన ఆహారం తీసుకోవడం చాలా చాలా అవసరం. కొన్ని రకాల ఆహార పదార్థాలు శరీరంలో కొవ్వును పెంచుతాయి అంటున్నారు వైద్య నిపుణులు. కాబట్టి అలాంటి వాటిని తగ్గించి ఆరోగ్యకరమైన ఆహారాలను ఎంచుకోవడం ముఖ్యం. ఈ విషయంపై పూర్తి వివరాలను ఇప్పుడు తెలుసుకుందాం.
ఎక్కువ నూనెతో చేసిన వంటల్లో కొవ్వు, క్యాలరీలు ఎక్కువగా ఉంటాయి. ఇవి ఎక్కువగా తింటే బరువు పెరుగుతారు. నూనెలో వేయించినవి, జంక్ ఫుడ్స్ తినడం తగ్గించాలి. బదులుగా ఆవిరిపై ఉడికించినవి లేదా గ్రిల్ చేసిన ఆహారాలు ఆరోగ్యానికి మంచివి.
కేకులు, కుకీలు వంటి వాటిలో చక్కెర చాలా ఎక్కువగా ఉంటుంది. వీటిని తరచుగా తింటే శరీరంలో ఎక్కువ శక్తి పేరుకుపోయి కొవ్వుగా మారి బరువు పెరుగుతారు. ఇలాంటి తీపి పదార్థాలను తక్కువగా తీసుకోవాలి.
సోడా, కృత్రిమంగా తీపి కలిపిన డ్రింక్ లు ఎక్కువగా తాగడం ఆరోగ్యానికి మంచిది కాదు. వీటిలో క్యాలరీలు, చక్కెర ఎక్కువగా ఉంటాయి. రోజూ వీటిని తాగితే బరువు పెరిగే ప్రమాదం పెరుగుతుంది. బదులుగా నీరు లేదా ఇంట్లో తయారు చేసిన పండ్ల రసాలు తాగడం మంచిది.
ఐస్ క్రీమ్ లో చక్కెర, కొవ్వు ఎక్కువగా ఉంటాయి. ఎక్కువగా తింటే శరీరంలో క్యాలరీలు పెరిగి బరువు పెరుగుతారు. బరువు తగ్గాలనుకునే వారు ఐస్ క్రీమ్ తినడం తగ్గించాలి లేదా తక్కువ కొవ్వు ఉన్న యోగర్ట్ లాంటివి ఎంచుకోవాలి.
చీజ్ లో సోడియం, కొవ్వు ఎక్కువగా ఉంటాయి. దీన్ని ఎక్కువగా తినడం మానుకోవాలి. ఎక్కువ చీజ్ తింటే గుండె సమస్యలు, రక్తపోటు వచ్చే అవకాశం ఉంది. దీనికి బదులుగా తక్కువ కొవ్వు ఉన్న ఆహారాలను తీసుకోవడం మంచిది.
ఫ్రెంచ్ ఫ్రైస్లో నూనె, ఉప్పు, పిండి పదార్థాలు (కార్బ్స్) ఎక్కువగా ఉంటాయి. ఇవి తింటే కొవ్వు శరీరంలో ఎక్కువగా పేరుకుపోయి బరువు పెరిగే ప్రమాదం ఉంది. బదులుగా బేక్ చేసిన లేదా ఆవిరిపై ఉడికించిన బంగాళాదుంప వంటకాలు ఆరోగ్యానికి మంచివి.
వివిధ రకాల పండ్ల రసాలు.. ముఖ్యంగా దుకాణాల్లో దొరికేవి ఎక్కువ చక్కెరతో ఉండి బరువు పెరగడానికి కారణమవుతాయి. ఇంట్లోనే తాజా పండ్ల నుంచి రసం తీసుకుని తాగడం ఆరోగ్యానికి చాలా మంచిది.
బరువు తగ్గాలంటే కేవలం తక్కువ తినడమే కాదు.. సరైన ఆహారాన్ని ఎంచుకోవడం కూడా చాలా అవసరం. ఎక్కువ నూనె, చక్కెర, ఉప్పు ఉన్న ఆహారాలను దూరం పెట్టి.. శరీరానికి కావాల్సిన పోషకాలను అందించే ఆహారాలను తీసుకోవడం ముఖ్యం. అలాగే రోజూ వ్యాయామం చేయడం కూడా బరువు తగ్గడంలో చాలా సహాయపడుతుంది.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)