శరీరంలో అనేక ముఖ్యమైన భాగాలు ఉంటాయి. శరీరంలో ప్రతీ భాగం కూడా ముఖ్యమే. దేని పని అది చేస్తూ ఉంటుంది. అయితే వీటిల్లో మెదడు, కిడ్నీలు, హార్ట్, లివర్ మరింత ముఖ్యం. ఈ శరీర భాగాల్లో ఏమాత్రం తేడా వచ్చినా.. శరీర ఆరోగ్యంపై చాలా ప్రభావం పడుతుంది. ఈ మధ్య కాలంలో చాలా మంది లివర్ సంబంధిత సమస్యలతో ఇబ్బంది పడుతూ ఉంటున్నారు. లివర్ అనేది శరీరంలో రెస్ట్ లేకుండా పని చేస్తూ ఉంటుంది. ఒకే సమయంలో ఎన్నెన్నో పనులను నిర్వర్తిస్తూ ఉంటుంది. కండరాలు, కణ జాలాలు పని చేయడానికి అవసరమైన శక్తిని అందిస్తుంది. తినే ఆహారాన్ని కూడా ఎప్పటికప్పుడు ఫిల్టర్ చేస్తుంది.
అదే విధంగా గ్లూకోజ్ స్థాయిలను కూడా స్టోర్ చేసి.. శరీరానికి అవసరం అయినప్పుడు అందిస్తుంది. ఇలా లివర్ చాలా పనులే చేస్తుంది. అయితే మన దేశంలో చాలా మంది లివర్ ఫెయిల్యూర్ అయి చనిపోతున్నారు. కేవలం శరీరానికే కాకుండా లివర్కు కూడా కొన్ని రకాల పోషకాలు అవసరం. మరి లివర్ ఆరోగ్యంగా ఉండాలంటే.. పనులను చక్కగా నిర్వర్తించాలంటే ఎలాంటి ఆహారం తీసుకోవాలో ఇప్పుడు చూద్దాం.
ప్రతి రోజూ ఓ యాపిల్ తింటే శరీరం ఆరోగ్యంగా ఉంటుందని, డాక్టర్తో పని ఉండదని ఆరోగ్య నిపుణులు ఊరికే చెప్పలేదు. యాపిల్ తినడం వల్ల లివర్ ఆరోగ్యం మెరుగుపడుతుంది. రోజుకొక యాపిల్ తింటే లివర్కి సంబంధించిన సమస్యలన్నింటినీ దూరం చేసుకోవచ్చు. యాపిల్ తినడం వల్ల లివర్ డీటాక్స్ అవుతుంది. లివర్ చక్కగా పని చేస్తుంది. లివర్ ఫ్యాట్ను కూడా తగ్గిస్తుంది.
ఆవకాడోలో ఎన్నో రకాల ముఖ్యమైన పోషకాలు ఉంటాయి. వీటిని తినడం వల్ల ఎన్నో సమస్యలను తగ్గించుకోవచ్చు. ఆవకాడోలో ఉంటే ఆరోగ్యకరమైన కొవ్వులు.. లివర్కి రక్షణ కవచంలా ఉంటాయి. లివర్లో ఉండే చెడు కొవ్వులను బయటకు పంపుతుంది. ఆస్టియోపోరోసిస్ అనే ముప్పు నుంచి లివర్ని కాపాడుతుంది.
బెర్రీస్లో ఎన్నో రకాలు ఉన్నాయి. వీటిల్లో ఏది తిన్నా లివర్ ఆరోగ్యాన్ని మెరుగు పరిచేందుకు చక్కగా పని చేస్తుంది. వీటిల్లో యాంటీ ఆక్సిడెంట్లు మెండుగా ఉంటాయి. ఇవి లివర్పై ఒత్తిడి పడకుండా చేస్తుంది.
లివర్ని ఆరోగ్యంగా ఉంచడంలో బొప్పాయి కూడా సహాయ పడుతుంది. బొప్పాయిలో ఉండే విటమిన్లు, ఎంజైమ్లు.. లివర్పై పని భారాన్ని తగ్గిస్తాయి. లివర్ ఫ్యాట్ను కూడా దూరం చేస్తాయి. లివర్ ఆరోగ్యంగా పనిచేసేలా చేస్తాయి. అదే విధంగా బ్లూ బెర్రీస్, సిట్రస్ పండ్లు, కివీ కూడా లివర్ ఆరోగ్యాన్ని మెరుగు పరుస్తాయి.
(NOTE: ఇంటర్నెట్లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని హెల్త్ వార్తల కోసం ఇక్కడ క్లిక్ చేయండి..