Painkillers: చీటికీమాటికీ పెయిన్ కిల్లర్ ట్యాబ్లెట్ వేస్తున్నారా..? ప్రాణానికే ప్రమాదమంట..
తలనొప్పి.. ఒళ్లు నొప్పులు.. ఇలా ప్రతి చన్నపాటి నొప్పికి పెయిన్ కిల్లర్ ట్యాబ్లెట్లు గుటుక్కుమని మింగేస్తుంటారు. అయితే.. అప్పుడప్పుడు వేసుకుంటే.. పర్లేదు కానీ.. తరచూ వేసుకుంటే పెను ప్రమాదమని నిపుణులు హెచ్చరిస్తున్నారు.
తలనొప్పి.. ఒళ్లు నొప్పులు.. ఇలా ప్రతి చన్నపాటి నొప్పికి పెయిన్ కిల్లర్ ట్యాబ్లెట్లు గుటుక్కుమని మింగేస్తుంటారు. అయితే.. అప్పుడప్పుడు వేసుకుంటే.. పర్లేదు కానీ.. తరచూ వేసుకుంటే పెను ప్రమాదమని నిపుణులు హెచ్చరిస్తున్నారు. శరీరంలోని ఏ భాగంలోనైనా చిన్నపాటి నుంచి తీవ్రమైన నొప్పిని తగ్గించడంలో పెయిన్ కిల్లర్లు ప్రభావవంతంగా పనిచేస్తాయనడంలో ఎలాంటి సందేహం లేదు. కానీ ప్రతి నొప్పికి పెయిన్ కిల్లర్ వేసుకోవడానికి అలవాటు అయితే.. చాలా ఇబ్బందులు ఎదుర్కొవలసి వస్తుంది. నొప్పులను అదుపు చేసేందుకు పెయిన్ కిల్లర్స్ ఎక్కువగా వాడటం వల్ల అనేక తీవ్రమైన అనారోగ్య సమస్యలు తలెత్తుతాయని వైద్య నిపుణులు చెబుతున్నారు. నొప్పి నివారణ మందులు తీసుకునేటప్పుడు చాలా జాగ్రత్తగా ఉండాలి.. వైద్యుని సంప్రదించకుండా వేటిని పడితే వాటిని తీసుకోకుండా ఉండాలంటున్నారు. పెయిన్ కిల్లర్స్ ఎక్కువగా తీసుకోవడం వల్ల కలిగే నష్టాలేంటో ఇప్పుడు తెలుసుకోండి..
పెయిన్ కిల్లర్స్ ఎక్కువగా వాటితే ఈ సమస్యలు తప్పవు..
జీర్ణకోశ సమస్యలు: ఆస్పిరిన్, ఇబుప్రోఫెన్ వంటి నాన్-స్టెరాయిడ్ యాంటీ ఇన్ఫ్లమేటరీ డ్రగ్స్ (ఎన్‌ఎస్‌ఎఐడి) ఎక్కువ కాలం తీసుకోవడం వల్ల కడుపులో చికాకు, అల్సర్, అంతర్గత రక్తస్రావం కూడా వస్తుందని నిపుణులు అంటున్నారు.
కిడ్నీ దెబ్బతినే అవకాశం: పెయిన్ కిల్లర్లు (నొప్పి నివారణ మందులు) ఎక్కువ కాలం తీసుకోవడం మూత్రపిండాలకు కూడా హానికరం. దీని కారణంగా, మూత్రపిండాలలో రక్త ప్రసరణ సరిగ్గా జరగదు. దీనివల్ల మూత్రపిండాలు దెబ్బతినడం, దీర్ఘకాలిక వ్యాధులు లేదా మూత్రపిండాల వైఫల్యం ప్రమాదాన్ని పెంచుతుంది.
కాలేయం దెబ్బతినే ప్రమాదం: మీరు ఎసిటమైనోఫెన్ (పారాసెటమాల్) ఎక్కువగా తీసుకుంటే, అది కాలేయ సమస్యలకు కారణం కావచ్చు. కొన్ని తీవ్రమైన సందర్భాల్లో, పెయిన్ కిల్లర్లు కూడా కాలేయ వైఫల్యానికి కారణమవుతాయి.
తలనొప్పి: కొంతమందిలో, నొప్పి నివారణల అధిక వినియోగం “రీబౌండ్ తలనొప్పికి” కారణమవుతుంది. దీని వలన నొప్పి, తరచుగా మరింత తీవ్రంగా సంభవిస్తుంది.
నొప్పి నివారణ మందులు తీసుకునేటప్పుడు ఈ విషయాలను గుర్తుంచుకోండి
చాలా వరకు ఓవర్ ది కౌంటర్ పెయిన్ కిల్లర్స్ ను నాలుగైదు గంటల గ్యాప్ లో తీసుకోవాలని నిపుణులు చెబుతున్నారు.
దీనితో పాటు, వారానికి 2-3 సార్లు కంటే ఎక్కువ తీసుకోకూడదు..
నొప్పి చాలా కాలం పాటు కొనసాగితే లేదా తరచుగా తిరిగి వచ్చినట్లయితే వైద్యుడిని సంప్రదించాలి..
నొప్పిని తగ్గించుకునేందుకు జీవనశైలిలో మార్పులు కూడా చేసుకోవాలి.
మరిన్ని హెల్త్ వార్తల కోసం ఇక్కడ క్లిక్ చేయండి..