హ్యాపీ లైఫ్ కోసం 6 చిన్న అలవాట్లు.. ఇవి మీ జీవితాన్నే మార్చేస్తాయి..!
ప్రస్తుత రోజుల్లో మన జీవిన విధానంలో నిత్యం పరుగులు తీయాల్సి వస్తోంది. ఉద్యోగ ఒత్తిడి, కుటుంబ బాధ్యతలు, సోషల్ మీడియా ప్రెజర్.. ఇలా ప్రతిదీ మనపై ఒత్తిడిని పెంచేస్తోంది. ఇలాంటి సమయంలో మనస్సుకు విశ్రాంతిని కలిగించే.. మనలోని మంచి కోణాన్ని బయటకు తీసే కొన్ని అలవాట్లు ఎంతో ఉపయోగపడతాయి. ఇవి చిన్నవి అయినా జీవితాన్ని మారుస్తాయి.
మనం రోజు పొడవునా ఫోన్లు, ల్యాప్టాప్లు, టీవీలతో గడుపుతూ ఉంటాం. ఇవి మన కళ్లపైనే కాకుండా మెదడుపైనా ప్రతికూల ప్రభావం చూపిస్తాయి. కనీసం రోజులో కొన్ని గంటలు స్క్రీన్లకు దూరంగా ఉండండి. ఈ టైమ్ను మీరు వ్యక్తిగత అభివృద్ధి కోసం వినియోగించుకోండి. శరీరానికి, మనస్సుకి విశ్రాంతి ఇవ్వడం చాలా అవసరం.
ఒక మంచి బుక్ని చదవడం వల్ల కొత్త విషయాలు నేర్చుకోవడమే కాకుండా మన ఆలోచనా శక్తి పెరుగుతుంది. ప్రతి రోజు కొంత సమయం పుస్తకాల కోసం కేటాయించండి. ఫిక్షన్, నాన్ ఫిక్షన్, ఆత్మవికాసం వంటి విభాగాల్లో మీకు నచ్చినది ఎంచుకుని చదవడం మొదలుపెట్టండి. ఇది ఒత్తిడిని తగ్గించి మనశ్శాంతిని కలిగిస్తుంది.
నేచర్ అంటేనే ఓ ఔషధం లాంటిది. పచ్చని చెట్లు, పూలు, పక్షులు, స్వచ్ఛమైన గాలి ఇవన్నీ మనకు శాంతిని ఇస్తాయి. రోజూ కనీసం అరగంటైనా బయటకు వెళ్లి ప్రకృతిని ఆస్వాదించండి. ఇది మనలో మానసిక ఉల్లాసాన్ని పెంచుతుంది. బయట గాలిలో నడవడం, పక్కన ఉండే పార్క్కి వెళ్లడం వంటి చిన్న అలవాట్లతోనే మెరుగైన ఫలితాలు పొందవచ్చు.
ఈ రోజుల్లో ఫోన్ ద్వారా కమ్యూనికేషన్ ఎక్కువైపోయింది. కానీ నిజమైన సంబంధాలు ముఖాముఖి సంభాషణలతోనే బలపడతాయి. కుటుంబ సభ్యులతో, స్నేహితులతో ఫోన్ లో కాకుండా ఎదురెదురుగా మాట్లాడటానికి ప్రయత్నించండి. మీ భావాలను స్పష్టంగా వ్యక్తీకరించే ఈ అలవాటు ఎమోషనల్ బాండింగ్ను బలంగా నిలబెడుతుంది.
ధ్యానం అనేది మనసు కోసం వ్యాయామం లాంటిది. ఇది శరీరాన్ని విశ్రాంతి పరుస్తుంది, మెదడును ప్రశాంతంగా ఉంచుతుంది. ఉదయం లేదా సాయంత్రం రోజుకు 10 నిమిషాలైనా ధ్యానానికి కేటాయించండి. దీని వల్ల మీరు ఎక్కువగా ఫోకస్ చేయగలుగుతారు, ఒత్తిడి తగ్గుతుంది. దీర్ఘకాలంలో ఇది జీవన నాణ్యతను మెరుగుపరుస్తుంది.
పనుల తొందరలో మనకి ఇష్టమైన విషయాలు మర్చిపోతుంటాం. కానీ అవే మనలో కొత్త ఆలోచనల్ని తీసుకుస్తాయి. మీరు చిన్నప్పుడు ఇష్టపడిన పుస్తకాలు చదవడం, పేయింటింగ్, సంగీతం, నాట్యం లాంటి హాబీలను మళ్లీ చేసేందుకు ప్రయత్నించండి. ఇవి మనసుకు శాంతిని ఇస్తాయి, సంతోషంగా ఉండేలా చేస్తాయి.
ఈ అలవాట్లన్నింటినీ మీ జీవితంలో అమలు చేస్తే మీరు మరింత ఆనందంగా, ఆరోగ్యంగా జీవించవచ్చు. పనుల ఒత్తిడిలో మిమ్మల్ని మీరు మరిచిపోవద్దు. రోజుకు కొంత సమయం మీ కోసమే కేటాయించండి. మీరు కోరుకున్న మానసిక శాంతి, సంతృప్తి, స్వయం అభివృద్ధి కోసం ఈ రోజు నుంచే ఈ మార్పును మొదలుపెట్టండి.